ਮੁੰਬਈ(ਬਿਊਰੋ)— ਅੱਜਕਲ ਸੰਨੀ ਲਿਓਨ ਆਪਣੇ ਇੰਟਰਨੈਸ਼ਨਲ ਸ਼ੋਅ 'ਮੈਨ ਵਰਸੇਜ ਵਾਈਲਡ' ਨੂੰ ਲੈ ਕੇ ਚਰਚਾ 'ਚ ਹੈ। ਇਸ ਸ਼ੋਅ ਨੂੰ ਸੰਨੀ ਹੋਸਟ ਕਰੇਗੀ। ਸ਼ੋਅ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ ਸੰਨੀ ਆਪਣੀ ਆਉਣ ਵਾਲੀ ਤੇਲੁਗੂ ਫਿਲਮ 'ਵੀਰਮਾਦੇਵੀ' ਦੀ ਸ਼ੂਟਿੰਗ ਵੀ ਕਰ ਰਹੀ ਹੈ।
ਸੰਨੀ ਨੇ ਇਸ ਗੱਲ ਦੀ ਜਾਣਕਾਰੀ ਆਪਣੇ ਇੰਸਟਾਗਰਾਮ ਅਕਾਊਂਟ ਰਾਹੀਂ ਦਿੱਤੀ। ਫਿਲਮ 'ਚ ਸੰਨੀ ਇਕ ਰਾਜਕੁਮਾਰੀ ਯੋਧਾ ਦੇ ਕਿਰਦਾਰ 'ਚ ਨਜ਼ਰ ਆਵੇਗੀ। ਫਿਲਮ 'ਚ ਸੰਨੀ ਦੇ ਐਕਸ਼ਨ ਸੀਨ ਵੀ ਹੋਣਗੇ। ਹਾਲ ਹੀ 'ਚ ਸੰਨੀ ਚੇਨਈ ਪਹੁੰਚੀ ਹੈ, ਜਿੱਥੇ ਉਹ ਘੋੜਸਵਾਰੀ ਦੀ ਟ੍ਰੇਨਿੰਗ ਲੈ ਰਹੀ ਹੈ।
ਇਕ ਇੰਟਰਵਿਊ 'ਚ ਸੰਨੀ ਨੇ ਕਿਹਾ, ਮੈਨੂੰ ਹਮੇਸ਼ਾ ਤੋਂ ਚੁਣੌਤੀ ਭਰੇ ਪ੍ਰੋਜੈਕਟਸ ਕਰਨ 'ਚ ਮਜ਼ਾ ਆਉਂਦਾ ਹੈ। ਮੇਰਾ ਚਰਿੱਤਰ ਇਕ ਮਜ਼ਬੂਤ ਤੇ ਸਵਤੰਤਰ ਮਹਿਲਾ ਦਾ ਹੈ। ਇਸ ਫਿਲਮ 'ਚ ਮੈਨੂੰ 50 ਤੋਂ ਵੱਧ ਘੋੜਿਆਂ ਨਾਲ ਸੀਨ ਸ਼ੂਟ ਕਰਨਾ ਹੈ, ਜੋ ਬੇਹੱਦ ਚੁਣੌਤੀਪੂਰਨ ਹੈ।''