ਮੁੰਬਈ(ਬਿਊਰੋ)— ਫਿਲਮਾਂ ਤੋਂ ਜ਼ਿਆਦਾ ਆਪਣੇ ਬੈਕ ਗਰਾਊਂਡ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿਣ ਵਾਲੀ ਸੰਨੀ ਲਿਓਨੀ ਅੱਜ ਆਪਣਾ 37ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਸ ਦਾ ਜਨਮ 13 ਮਈ 1981 ਨੂੰ ਹੋਇਆ ਸੀ। 'ਬਿੱਗ ਬੌਸ' ਸੀਜਨ 5 'ਚ ਆਉਣ ਤੋਂ ਬਾਅਦ ਸੰਨੀ ਲਿਓਨ ਦੀ ਕਿਸਮਤ ਅਜਿਹੀ ਖੁੱਲ੍ਹੀ ਕਿ ਉਸ ਨੂੰ ਫਿਲਮ ਡਾਇਰੈਕਟਰ ਮਹੇਸ਼ ਭੱਟ ਨੇ ਫਿਲਮਾਂ 'ਚ ਕਾਸਟ ਕਰ ਲਿਆ। ਐਡਲਟ ਸਟਾਰ ਤੋਂ ਲੈ ਕੇ ਬਾਲੀਵੁੱਡ ਫਿਲਮਾਂ ਤੱਕ ਦਾ ਸਫਰ ਸੰਨੀ ਲਿਓਨੀ ਦਾ ਕਾਫੀ ਦਿਲਚਸਪ ਰਿਹਾ। ਸੰਨੀ ਦੇ ਜਨਮਦਿਨ ਦੇ ਖਾਸ ਮੌਕੇ 'ਤੇ ਅਸੀਂ ਤੁਹਾਨੂੰ ਉਸ ਦੀ ਜਿੰਦਗੀ ਨਾਲ ਜੁੜੀਆਂ ਕੁਝ ਅਣਸੁਣੀਆਂ ਗੱਲਾਂ ਦੱਸਣ ਜਾ ਰਹੇ ਹਨ। ਸੰਨੀ ਲਿਓਨੀ ਦਾ ਅਸਲੀ ਨਾਮ ਕਰਨਜੀਤ ਵੋਹਰਾ ਹੈ ਅਤੇ ਉਹ ਪੰਜਾਬ ਦੀ ਰਹਿਣ ਵਾਲੀ ਹੈ। ਸੰਨੀ ਨੇ 50 ਤੋਂ ਜ਼ਿਆਦਾ ਐਡਲਟ ਫਿਲਮਾਂ 'ਚ ਕੰਮ ਕੀਤਾ ਅਤੇ 59 ਐਡਲਟ ਗੀਤਾਂ ਨੂੰ ਆਪਣੇ ਪਤੀ ਡੇਨਿਅਲ ਵੀਬਰ ਨਾਲ ਡਾਇਰੈਕਟ ਕੀਤਾ ਹੈ। ਬਹੁਤ ਘੱਟ ਹੀ ਲੋਕ ਇਸ ਗੱਲ ਨੂੰ ਜਾਣਦੇ ਹਨ ਕਿ ਸੰਨੀ ਨਿੱਜ਼ੀ ਜ਼ਿੰਦਗੀ 'ਚ ਕਈ ਸਾਮਾਜਿਕ ਕੰਮ ਕਰਨ ਵਾਲੀਆਂ ਸੰਸਥਾਵਾਂ ਨਾਲ ਜੁੜੀ ਹੈ, ਜੋ ਕੈਂਸਰ ਪੀੜਤਾਂ ਦੇ ਲਈ ਫੰਡ ਇੱਕਠਾ ਕਰਨ ਦਾ ਕੰਮ ਕਰਦੀਆਂ ਹਨ। ਸੰਨੀ ਨੂੰ ਜਾਨਵਰਾਂ ਨਾਲ ਖਾਸ ਲਗਾਓ ਹੈ ਅਤੇ ਪੇਟਾ ਨਾਲ ਜੁੜੀ ਹੈ। ਐਡਲਟ ਇੰਡਸਟਰੀ 'ਚ ਕਦਮ ਰੱਖਣ ਤੋਂ ਪਹਿਲਾਂ ਸੰਨੀ ਲਿਓਨੀ ਨੇ ਜਰਮਨ ਬੇਕਰੀ 'ਜਿਫੀ ਲੂਬ' 'ਚ ਕੰਮ ਕੀਤਾ ਸੀ। ਸੰਨੀ ਦਾ ਸੁਪਨਾ ਸੀ ਕਿ ਉਹ ਨਰਸ ਬਣੇ ਅਤੇ ਇਸ ਲਈ ਉਸ ਨੇ ਮੈਡਿਕਲ ਸਾਇੰਸ ਦੀ ਪੜਾਈ ਵੀ ਕੀਤੀ ਸੀ। ਇਸ ਦੌਰਾਨ ਸੰਨੀ ਨੇ ਟੈਕਸ ਨਾਲ ਸੰਬੰਧਿਤ ਪਾਰਟ ਟਾਈਮ ਨੌਕਰੀ ਵੀ ਕੀਤੀ। ਸੰਨੀ ਨੇ 19 ਸਾਲ ਦੀ ਉਮਰ ਤੋਂ ਐਡਲਟ ਫਿਲਮਾਂ 'ਚ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਕਿਹਾ ਜਾਂਦਾ ਹੈ ਕਿ ਐਡਲਟ ਫਿਲਮ ਇੰਡਸਟਰੀ 'ਚ ਕਦਮ ਰੱਖਣ ਤੋਂ ਪਹਿਲਾਂ ਸੰਨੀ ਨੇ ਸ਼ਰਤ ਰੱਖੀ ਸੀ ਕਿ ਉਹ ਕੇਵਲ ਮਹਿਲਾਵਾਂ ਨਾਲ ਹੀ ਐਡਲਟ ਫਿਲਮਾਂ ਕਰੇਗੀ। ਸੰਨੀ ਕਈ ਵਾਰ ਮੀਡੀਆ 'ਚ ਆਪਣੇ ਪਤੀ ਡੈਨਿਅਲ ਅਤੇ ਉਨ੍ਹਾਂ ਦੇ ਰਿਲੇਸ਼ਨਸ਼ਿਪ ਬਾਰੇ ਵੀ ਗੱਲ ਕਰ ਚੁੱਕੀ ਹੈ। ਇੱਥੋਂ ਤੱਕ ਕਿ ਉਸ ਨੇ ਇਹ ਵੀ ਕਿਹਾ ਸੀ ਕਿ ਕੋਈ ਵੀ ਫਿਲਮ ਉਹ ਉਦੋਂ ਤੱਕ ਸਾਈਨ ਨਹੀਂ ਕਰਦੀ ਹੈ ਜਦੋਂ ਤੱਕ ਡੈਨਿਅਲ ਉਸ ਕਾਨਟ੍ਰੈਕਟ ਨੂੰ ਪੜ ਨਹੀਂ ਲੈਂਦੇ। 'ਜਿਸਮ 2' ਫਿਲਮ ਤੋਂ ਪਹਿਲਾਂ ਸੰਨੀ ਲਿਓਨੀ ਨੂੰ ਕਈ ਬਾਲੀਵੁੱਡ ਫਿਲਮਾਂ ਦੇ ਆਫਰ ਮਿਲੇ ਸਨ। ਕਿਹਾ ਜਾਂਦਾ ਹੈ ਕਿ ਮੋਹਿਤ ਸੂਰੀ ਸੰਨੀ ਨੂੰ 'ਕਲਯੁਗ' ਫਿਲਮ 'ਚ ਕੈਮਿਓ ਲਈ ਅਪ੍ਰੋਚ ਕੀਤਾ ਸੀ ਪਰ ਸੰਨੀ ਉਸ ਸਮੇਂ ਵੱਡੀ ਫੀਸ ਦੀ ਮੰਗ ਕਰ ਰਹੀ ਸੀ, ਜਿਸ ਕਾਰਨ ਮੋਹਿਤ ਨੇ ਉਸ ਨੂੰ ਕਾਸਟ ਨਹੀਂ ਕੀਤਾ। ਸਾਲ 2010 'ਚ ਸੰਨੀ ਲਿਓਨੀ ਦਾ ਨਾਮ ਮੈਨ ਲੀਡਿੰਗ ਮੈਗਜ਼ੀਨ 'ਮੈਕਿਸਮ' ਦੀ 12 ਟਾਪ ਐਡਲਟ ਸਟਾਰ ਅਦਾਕਾਰਾ ਦੀ ਲਿਸਟ 'ਚ ਸ਼ੁਮਾਰ ਹੋ ਗਿਆ ਸੀ। ਇਕ ਇੰਟਰਵਿਊ ਦੌਰਾਨ ਸੰਨੀ ਨੇ ਕਿਹਾ ਸੀ ਕਿ ਮੈਂ ਆਪਣੇ ਮਾਤਾ-ਪਿਤਾ ਨੂੰ ਖੁਦ ਦੱਸਿਆ ਸੀ ਕਿ ਮੈਂ ਐਡਲਟ ਸਟਾਰ ਬਣਨਾ ਚਾਹੁੰਦੀ ਹਾਂ। ਸੰਨੀ ਨੇ ਇਹ ਫੈਸਲਾ ਉਦੋਂ ਲਿਆ ਜਦੋਂ ' ' Penthouse' 'ਕਵਰ ਆਫ ਦਿ ਈਅਰ' ਨਾਲ ਕਰੀਬ 67 ਲੱਖ ਰੁਪਏ ਜਿੱਤੇ ਸਨ।