ਨਵੀਂ ਦਿੱਲੀ(ਬਿਊਰੋ)— ਸੰਨੀ ਲਿਓਨ ਦੇ ਕਿਸੇ ਇਕ ਫੈਨ ਨੂੰ ਉਸ ਨਾਲ ਲੰਚ ਕਰਨ ਦਾ ਮੌਕਾ ਮਿਲ ਸਕਦਾ ਹੈ ਪਰ ਇਸ ਲਈ ਇਕ ਵੱਡੀ ਰਕਮ ਚੁਕਾਉਣੀ ਹੋਵੇਗੀ। ਸੰਨੀ ਲਿਓਨ ਦਾ ਇਹ ਫੈਨ ਉਸ ਨਾਲ ਲੰਚ ਦੌਰਾਨ 2 ਘੰਟੇ ਦਾ ਸਮਾਂ ਬਿਤਾਅ ਸਕਦਾ ਹੈ। ਅਸਲ 'ਚ ਸੰਨੀ ਲਿਓਨ ਅਦਾਕਾਰੀ ਤੋਂ ਇਲਾਵਾ ਚੈਰਿਟੀ ਵਰਕ 'ਚ ਵੀ ਸਕ੍ਰਿਆ ਹੈ। ਉਹ ਇਕ ਕੈਂਪੇਨ ਦੇ ਜ਼ਰੀਏ ਅਮਰੀਕੀ ਕੈਂਸਰ ਸੁਸਾਇਟੀ ਤੇ ਪੇਟਾ ਦੀ ਮਦਦ ਕਰਨਾ ਚਾਹੁੰਦੀ ਹੈ।
ਇਸ ਲਈ ਉਹ ਆਕਸ਼ਨ ਤੋਂ ਇਕ ਫੈਨ ਨੂੰ ਚੁਣੇਗੀ ਤੇ ਉਸ ਨਾਲ ਲੰਚ ਕਰੇਗੀ। ਸਭ ਤੋਂ ਜ਼ਿਆਦਾ ਬੋਲੀ ਲਾਉਣ ਵਾਲੇ ਫੈਨ ਨੂੰ ਸੰਨੀ ਲੰਚ 'ਤੇ ਦੋ ਘੰਟੇ ਬਿਤਾਉਣ ਦਾ ਸਮਾਂ ਮਿਲੇਗਾ। ਸੰਨੀ ਦਾ ਮਕਸਦ ਹੈ ਕਿ ਉਹ ਇਸ ਐਕਸ਼ਨ ਨਾਲ ਕਰੀਬ 2500 ਡਾਲਰ ਯਾਨੀ 1.68 ਲੱਖ ਰੁਪਏ ਕਮਾਵਏ। ਜੇਤੂ ਨੂੰ ਲੰਚ ਮੁਫਚ ਮਿਲੇਗਾ ਪਰ ਵਾਈਨ ਦੇ ਵੱਖਰੇ ਪੈਸੇ ਦੇਣੇ ਪੈਣਗੇ।
ਸੰਨੀ ਨਾਲ ਲੰਚ ਕਰਨ ਵਾਲਾ ਜੈਤੂ ਇਕ ਤਸਵੀਰ ਤੇ ਆਟੋਗ੍ਰਾਫ ਵੀ ਲੈ ਸਕਦਾ ਹੈ। ਇਹ ਮੁਲਾਕਾਤ ਲਾਂਸ ਏਂਜਿਲਸ 'ਚ ਹੋਵੇਗੀ। ਆਕਸ਼ਨ 'ਚ ਭਾਗ ਲੈਣ ਵਾਲਾ ਜੇਤੂ 18 ਸਾਲ ਤੋਂ ਉਪਰ ਦਾ ਹੋਣਾ ਚਾਹੀਦਾ ਹੈ।