ਮੁੰਬਈ (ਬਿਊਰੋ)— ਸਾਬਕਾ ਐਡਲਟ ਸਟਾਰ ਸੰਨੀ ਲਿਓਨ ਦੀ ਬਾਇਓਪਿਕ 'ਕਰਨਜੀਤ : ਦਿ ਅਨਟੋਲਡ ਸਟੋਰੀ ਆਫ ਸੰਨੀ ਲਿਓਨ' ਚਰਚਾ 'ਚ ਬਣੀ ਹੋਈ ਹੈ। ਡਿਜ਼ੀਟਲ ਪਲੈਟਫਾਰਮ ਜ਼ੀ-5 'ਤੇ ਰਿਲੀਜ਼ ਇਸ ਵੈੱਬ ਸੀਰੀਜ਼ 'ਚ 10 ਐਪੀਸੋਡ ਰਾਹੀਂ ਸੰਨੀ ਲਿਓਨ ਦੀ ਜ਼ਿੰਦਗੀ ਦੱਸੀ ਗਈ ਹੈ। ਇਹ ਪਹਿਲੀ ਅਜਿਹੀ ਵੈੱਬ ਸੀਰੀਜ਼ ਬਾਇਓਪਿਕ ਹੈ, ਜਿਸ 'ਚ ਮੁੱਖ ਕਿਰਦਾਰ ਨੇ ਖੁਦ ਹੀ ਆਪਣੀ ਭੂਮਿਕਾ ਨਿਭਾਈ ਹੈ।
ਪਹਿਲੇ ਐਪੀਸੋਡ 'ਚ ਸੰਨੀ ਲਿਓਨ ਤੋਂ ਪੱਤਰਕਾਰ ਅਨੁਪਮ ਵੱਲੋਂ ਇੰਟਰਵਿਊ ਲੈਂਦੇ ਦਿਖਾਇਆ ਗਿਆ ਹੈ। ਇਸ ਦੌਰਾਨ ਸੰਨੀ ਕਈ ਤਿੱਖੇ ਸਵਾਲਾਂ ਦਾ ਜਵਾਬ ਦਿੰਦੀ ਹੈ। ਐਡਲਟ ਸਟਾਰ ਬਣਨ ਬਾਰੇ ਸੰਨੀ ਕਹਿੰਦੀ ਹੈ ਕਿ ਇਸ ਲਈ ਗਟਸ (ਹਿੰਮਤ) ਚਾਹੀਦੇ ਹਨ। ਕੱਪੜੇ ਲਾਹੁਣ ਲਈ ਮਜ਼ਬੂਤ ਇਰਾਦਿਆਂ ਦੀ ਜ਼ਰੂਰਤ ਹੁੰਦੀ ਹੈ। ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ।
ਸੰਨੀ ਬਾਰੇ ਦੱਸਿਆ ਗਿਆ ਹੈ ਕਿ ਜਦੋਂ ਉਹ 13 ਸਾਲ ਦੀ ਸੀ ਤਾਂ ਉਨ੍ਹਾਂ ਦੀ ਫੈਮਿਲੀ ਕੈਨੇਡਾ ਤੋਂ ਲਾਸ ਏਂਜਲਸ ਸੈਟਲ ਹੋ ਗਈ ਸੀ। ਹਾਲਾਂਕਿ ਸੰਨੀ ਲਾਸ ਏਂਜਲਸ ਨਹੀਂ ਜਾਣਾ ਚਾਹੁੰਦੀ ਸੀ ਕਿਉਂਕਿ ਉਨ੍ਹਾਂ ਨੂੰ ਡਰ ਸੀ ਕਿ ਉਹ ਆਪਣੇ ਦੋਸਤਾਂ ਤੋਂ ਵੱਖ ਹੋ ਜਾਵੇਗੀ।
ਸੰਨੀ ਬਚਪਨ 'ਚ ਕਾਫੀ ਚੰਗਾ ਗਾਉਂਦੀ ਸੀ। ਬਾਇਓਪਿਕ 'ਚ ਉਨ੍ਹਾਂ ਨੂੰ ਗੁਰਦੁਆਰੇ 'ਚ ਗਾਉਂਦੇ ਹੋਏ ਦਿਖਾਇਆ ਗਿਆ ਹੈ।
ਸੰਨੀ ਲਿਓਨ ਨੂੰ ਗਲੈਮਰਸ ਪਾਰਟੀਆਂ 'ਚ ਜਾਣ ਦਾ ਸ਼ੌਕ ਅਤੇ ਮੈਗਜ਼ੀਨ ਦੇ ਕਵਰ ਪੇਜ਼ 'ਤੇ ਆਉਣ ਦੀ ਚਾਹਤ ਬਚਪਨ ਤੋਂ ਸੀ। ਬਾਇਓਪਿਕ 'ਚ ਵੀ ਇਸ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।
ਆਪਣੀਆਂ ਇੱਛਾਵਾਂ ਪੂਰੀਆਂ ਕਰਨ ਲਈ ਸੰਨੀ ਆਪਣੇ ਮਾਤਾ-ਪਿਤਾ 'ਤੇ ਡਿਪੈਂਡ ਨਾ ਰਹਿ ਕੇ ਖੁਦ ਪੈਸੇ ਕਮਾਉਣਾ ਚਾਹੁੰਦੀ ਸੀ। ਇਸ ਲਈ ਉਨ੍ਹਾਂ ਨੇ ਜੂਸ ਵੇਚਿਆ, ਘਰ-ਘਰ ਅਖਬਾਰ ਸੁੱਟੇ ਅਤੇ ਕਈ ਅਜਿਹੇ ਕੰਮ ਕੀਤੇ।
ਸੰਨੀ ਨੂੰ ਉਨ੍ਹਾਂ ਦੇ ਘਰ ਅਤੇ ਸਕੂਲ ਫ੍ਰੈਂਡਸ ਵਿਚਕਾਰ ਸੰਨੀ ਜਾਂ ਕਰਨਜੀਤ ਨਹੀਂ ਬਲਕਿ ਗੋਗੂ ਕਹਿ ਕੇ ਸੱਦਿਆ ਜਾਂਦਾ ਸੀ।
ਸੰਨੀ ਦੀ ਬਾਇਓਪਿਕ 'ਚ ਉਨ੍ਹਾਂ ਦੇ ਪਹਿਲੀ ਕਿੱਸ ਦਾ ਵੀ ਜ਼ਿਕਰ ਹੈ। ਉਹ ਸਕੂਲ ਦੇ ਇਕ ਲੜਕੇ ਨੂੰ ਕਿੱਸ ਕਰਦੀ ਹੈ, ਜਿਸ ਨੂੰ ਉਨ੍ਹਾਂ ਦੇ ਪਿਤਾ ਜਸਪਾਲ ਸਿੰਘ ਵੋਹਰਾ ਦੇਖ ਲੈਂਦੇ ਹਨ। ਇਸ ਤੋਂ ਬਾਅਦ ਉਹ ਲੜਕੇ ਦੇ ਪਿਤਾ ਨੂੰ ਉਸ ਦੇ ਹੱਥ-ਪੈਰ ਤੋੜਣ ਦੀ ਧਮਕੀ ਦਿੰਦੇ ਹਨ।
ਸੰਨੀ ਦੇ ਪਹਿਲੇ ਫੋਟੋਸ਼ੂਟ ਦਾ ਵੀ ਜ਼ਿਕਰ ਹੈ। ਇਸ 'ਚ ਉਹ ਬੋਲਡ ਅੰਦਾਜ਼ 'ਚ ਨਜ਼ਰ ਆਈ।
ਸੰਨੀ ਲਿਓਨ ਦੇ ਮਾਤਾ-ਪਿਤਾ ਨੂੰ ਉਨ੍ਹਾਂ ਦੇ ਬੋਲਡ ਫੋਟੋਸ਼ੂਟ ਦਾ ਪਤਾ ਉਸ ਸਮੇਂ ਚੱਲਦਾ ਹੈ, ਜਦੋਂ ਉਹ ਇਕ ਬੁੱਕ ਸਟੋਰ 'ਤੇ ਕਿਤਾਬਾਂ ਖਰੀਦਣ ਜਾਂਦੇ ਹਨ ਅਤੇ ਇਕ ਮੈਗਜ਼ੀਨ ਦੇ ਕਵਰ 'ਤੇ ਆਪਣੀ ਬੇਟੀ ਦੀ ਬੋਲਡ ਤਸਵੀਰ ਦੇਖਦੇ ਹਨ।