ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੰਨੀ ਲਿਓਨ ਇਨ੍ਹੀਂ ਦਿਨੀਂ ਆਪਣੇ ਪਤੀ ਤੇ ਧੀ ਨਿਸ਼ਾ ਕੌਰ ਵੈੱਬਰ ਨਾਲ ਮੈਕਸੀਕੋ 'ਚ ਛੁੱਟੀਆਂ ਦਾ ਆਨੰਦ ਲੈ ਰਹੀ ਹੈ। ਇਸ ਦੇ ਨਾਲ ਹੀ ਸੰਨੀ ਲਿਓਨ ਨੇ ਸੋਸ਼ਲ ਮੀਡੀਆ 'ਤੇ ਹਾਲ ਹੀ 'ਚ ਕਾਫੀ ਤਸਵੀਰਾਂ ਪੋਸਟ ਕੀਤੀਆਂ ਹਨ। ਅੱਜ ਸੰਨੀ ਦੀ ਧੀ ਨਿਸ਼ਾ ਦਾ ਜਨਮ ਦਿਨ ਹੈ।
ਇਸ ਦੀ ਵਧਾਈ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਕੇ ਤੇ ਭਾਵੁਕ ਮੈਸਜ ਲਿਖ ਕੇ ਦਿੱਤੀ ਹੈ। ਸੰਨੀ ਨੇ ਆਪਣੀ ਤੇ ਨਿਸ਼ਾ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਇੰਸਟਾਗ੍ਰਾਮ 'ਤੇ ਲਿਖਿਆ, “ਦੁਨੀਆ ਦੀ ਸਭ ਤੋਂ ਖੂਬਸੂਰਤ ਪਰੀ ਲਈ। ਮੇਰੀ ਪਿਆਰੀ ਧੀ ਨੂੰ ਜਨਮਦਿਨ ਮੁਬਾਰਕ ਹੋਵੇ!
ਤੁਸੀਂ ਮੇਰੀ ਸਨਸ਼ਾਇਨ ਹੋ...ਮੇਰੀ ਇਕਲੌਤੀ ਸਾਨਸ਼ਾਇਨ...ਮੈਂ ਤੁਹਾਨੂੰ ਬੇਹੱਦ ਪਿਆਰ ਕਰਦੀ ਹਾਂ...ਤੁਸੀਂ ਸ਼ਾਇਦ ਕਦੇ ਨਹੀਂ ਜਾਣ ਪਾਓਗੇ ਕਿ ਮੈਂ ਤੁਹਾਨੂੰ ਕਿੰਨਾ ਪਿਆਰ ਕਰਦੀ ਹਾਂ! ਮੇਰੀ ਸਨਸ਼ਾਇਨ ਕਦੇ ਦੂਰ ਨਾ ਜਾਵੇ।'' ਇਸ ਦੇ ਨਾਲ ਹੀ ਸੰਨੀ ਦੇ ਪਤੀ ਡੈਨੀਅਲ ਵੈੱਬਰ ਨੇ ਵੀ ਨਿਸ਼ਾ ਦੀ ਸੋਸ਼ਲ ਮੀਡੀਆ 'ਤੇ ਤਸਵੀਰ ਸ਼ੇਅਰ ਕਰਦੇ ਹੋਏ ਜਨਮਦਿਨ ਦੀ ਵਧਾਈ ਦਿੱਤੀ ਹੈ ਤੇ ਲਿਖਿਆ ਹੈ, “ਹਰ ਦਿਨ ਤੁਹਾਡੇ ਨਾਲ ਇਕ ਸੱਚਾ ਆਸ਼ੀਰਵਾਦ ਹੈ।
ਮੈਂ ਰੋਜ਼ ਰੱਬ ਦਾ ਸ਼ੁਕਰਾਨਾ ਕਰਦਾ ਹਾਂ ਕਿ ਉਹ ਤੁਹਾਨੂੰ ਸਾਡੀ ਜ਼ਿੰਦਗੀ 'ਚ ਲੈ ਕੇ ਆਏ। ਤੁਸੀਂ ਮਤਲਬ JOY।'' ਨਿਸ਼ਾ ਜਦੋਂ 21 ਮਹੀਨਿਆ ਦੀ ਸੀ ਤਾਂ ਸੰਨੀ-ਡੈਨੀਅਲ ਨੇ ਉਸ ਨੂੰ ਗੋਦ ਲਿਆ ਸੀ। ਨਿਸ਼ਾ ਤੋਂ ਇਲਾਵਾ ਸੰਨੀ ਦੋ ਮੁੰਡਿਆਂ ਦੀ ਮਾਂ ਵੀ ਹੈ।
ਨਿਸ਼ਾ ਨੂੰ ਲਾਤੁਰ ਤੋਂ ਗੋਦ ਲਿਆ ਸੀ, ਜਿਸ ਦੀ ਜਾਣਕਾਰੀ ਉਸ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਕੇ ਦਿੱਤੀ ਸੀ। ਇਸ ਦੇ ਨਾਲ ਹੀ ਨਿਸ਼ਾ ਕੌਰ ਵੈਬਰ 3 ਸਾਲ ਦੀ ਹੋ ਗਈ ਹੈ, ਜਿਸ ਨੂੰ ਜਨਮ ਦਿਨ ਬਹੁਤ ਮੁਬਾਰਕ।