ਮੁੰਬਈ(ਬਿਊਰੋ)— ਅਮਰੀਕਨ ਸੀਰੀਜ਼ 'ਗੇਮ ਆਫ ਥ੍ਰੋਨਸ' ਦੀ ਦੀਵਾਨਗੀ ਕਿਸੇ ਤੋਂ ਘੱਟ ਨਹੀਂ ਹੈ। ਇਸ ਸੀਰੀਜ਼ ਨੂੰ ਦੁਨੀਆ ਦੇ ਕਰੋੜਾਂ ਫੈਨਜ਼ ਮਿਲੇ। ਡੇਵਿਡ ਬੇਨੀਆਫ ਤੇ ਡੀਬੀ ਵੇਈਸ ਦੀ ਇਸ ਸੀਰੀਜ਼ 'ਚ ਹਰ ਐਕਟਰ ਐਕਟਿੰਗ ਕਰਨ ਲਈ ਕਿਸੇ ਵੀ ਹੱਦ ਤੱਕ ਜਾਣ ਨੂੰ ਤਿਆਰ ਸੀ ਪਰ ਬਹੁਤ ਘੱਟ ਲੋਕਾਂ ਨੂੰ ਪਤਾ ਹੈ ਕਿ ਸੰਨੀ ਲਿਓਨ ਨੂੰ ਵੀ ਇਸ ਸੀਰੀਜ਼ 'ਚ ਐਕਟਿੰਗ ਕਰਨ ਦਾ ਮੌਕਾ ਮਿਲੀਆ ਸੀ।
ਹਾਲਾਂਕਿ ਸੰਨੀ ਲਿਓਨ ਇਸ 'ਚ ਕੰਮ ਕਰਨ ਤੋਂ ਸਾਫ ਇਨਕਾਰ ਕਰ ਦਿੱਤਾ ਸੀ। ਇਸ ਗੱਲ ਦਾ ਖੁਲਾਸਾ ਖੁਦ ਸੰਨੀ ਨੇ ਫ੍ਰੀ ਪ੍ਰੈੱਸ ਜਨਰਲ ਨਾਲ ਗੱਲ ਕਰਦੇ ਹੋਏ ਕੀਤਾ। ਸੰਨੀ ਲਿਓਨ ਨੇ ਦੱਸਿਆ ਕਿ ਉਸ ਨੇ ਇਸ ਫੇਮ ਸੀਰੀਜ਼ ਦਾ ਹਿੱਸਾ ਬਣਨ ਤੋਂ ਇਨਕਾਰ ਕਿਉਂ ਕੀਤਾ? ਸੰਨੀ ਨੇ ਕਿਹਾ, “ਮੈਨੂੰ ਇਕ ਦਿਨ ਇਕ ਮੈਸੇਜ ਆਇਆ ਸੀ ਅਤੇ ਉਸ ਸ਼ਖਸ ਨੇ ਕਿਹਾ ਮੈਨੂੰ ਪਤਾ ਹੈ ਕਿ ਅਸੀਂ ਆਖਰੀ ਸਮੇਂ 'ਚ ਤੁਹਾਨੂੰ ਅਪ੍ਰੋਚ ਕਰ ਰਹੇ ਹਾਂ ਪਰ ਅਸੀਂ ਤੁਹਾਨੂੰ 'ਗੇਮ ਆਫ ਥ੍ਰੋਨਸ' 'ਚ ਕਾਸਟ ਕਰਨਾ ਚਾਹੁੰਦੇ ਹਾਂ।
ਇਹ ਮੈਸੇਜ ਪੜ੍ਹ ਕੇ ਮੈਨੂੰ ਲੱਗਿਆ ਕਿ ਇਹ ਕੀ ਹੋ ਰਿਹਾ ਹੈ। ਇਹ ਕਿਵੇਂ ਹੋ ਸਕਦਾ ਹੈ। ਮੈਨੂੰ ਯਕੀਨ ਹੀ ਨਹੀਂ ਹੋ ਰਿਹਾ ਸੀ। ਫਿਰ ਉਸ ਨੇ ਆਈ. ਐਮ. ਡੀ. ਬੀ. ਦਾ ਇਕ ਹੋਰ ਲਿੰਕ ਭੇਜਿਆ, ਜਿਸ 'ਚ ਉਸ ਦੀ ਪ੍ਰੋਫਾਈਲ ਸੀ ਤੇ ਕਰੋਸ ਚੈੱਕ ਕਰਨ 'ਤੇ ਪਤਾ ਲੱਗਿਆ ਕਿ ਉਹ ਸ਼ਖਸ ਫੇਕ ਸੀ।''
ਸੰਨੀ ਇਸ ਟਰੈਪ 'ਚ ਫਸੀ ਨਹੀਂ, ਉਸ ਨੇ ਇਸ ਤੋਂ ਪਹਿਲਾਂ ਹੀ ਉਸ ਇਨਸਾਨ ਬਾਰੇ ਸਭ ਪਤਾ ਕਰ ਲਿਆ ਸੀ। ਸੰਨੀ ਨੇ ਅੱਗੇ ਕਿਹਾ, ''ਪਹਿਲਾਂ ਤਾਂ ਮੈਂ ਇਹ ਮੈਸੇਜ ਪੜ੍ਹ ਕੇ ਹੈਰਾਨ ਹੋ ਗਈ ਸੀ। ਸੰਨੀ ਦੇ ਵਰਕ ਫਰੰਟ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਇਸ ਸਮੇਂ ਤਮਿਲ ਡੈਬਿਊ ਦੀ ਤਿਆਰੀ ਕਰ ਰਹੀ ਹੈ।
ਜੀ ਹਾਂ, ਸੰਨੀ ਤਮਿਲ ਫਿਲਮ 'ਵੀਰਮਾ ਦੇਵੀ' ਨਾਲ ਆਪਣਾ ਤਮਿਲ ਡੈਬਿਊ ਕਰਨ ਜਾ ਰਹੀ ਹੈ। ਇਸ 'ਚ ਸੰਨੀ ਯੋਧਾ ਦੀ ਭੂਮਿਕਾ 'ਚ ਨਜ਼ਰ ਆਵੇਗੀ। ਸੰਨੀ ਦਾ ਮੰਨਣਾ ਹੈ ਕਿ ਇਸ ਫਿਲਮ ਨਾਲ ਉਸ ਦੀ ਈਮੇਜ਼ ਇਕ ਦਮ ਬਦਲ ਜਾਵੇਗੀ।