ਮੁੰਬਈ(ਬਿਊਰੋ)— ਭਾਰਤ ਦੇ ਉਪ ਪ੍ਰਧਾਨ ਮੰਤਰੀ ਵੈਂਕੇਯਾ ਨਾਇਡੂ ਨੇ ਰਿਤਿਕ ਰੌਸ਼ਨ ਦੀ ਹਾਲ 'ਚ ਰਿਲੀਜ਼ ਹੋਈ ਫਿਲਮ 'ਸੁਪਰ-30' ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਆਨੰਦ ਦੀ ਪ੍ਰੇਰਣਾਦਾਇਕ ਕਹਾਣੀ ਨੇ ਮੇਰਾ ਦਿਲ ਛੂ ਲਿਆ ਹੈ। ਰਿਤਿਕ ਰੌਸ਼ਨ ਦੀ ਫਿਲਮ 'ਸੁਪਰ-30' 12 ਜੁਲਾਈ ਨੂੰ ਰਿਲੀਜ਼ ਹੋ ਚੁੱਕੀ ਹੈ ਤੇ ਮਿਕਸ ਪ੍ਰਤੀਕਿਰਿਆਵਾਂ ਦੇ ਨਾਲ ਬਾਕਸ-ਆਫਿਸ 'ਤੇ ਚੰਗਾ ਕਾਰੋਬਾਰ ਕਰ ਰਹੀ ਹੈ। ਨਾਇਡੂ ਨੇ ਬੁੱਧਵਾਰ ਨੂੰ ਫਿਲਮ 'ਸੁਪਰ-30' ਦੇ ਨਿਰਮਾਤਾਵਾਂ ਨੂੰ ਫਿਲਮ 'ਚ 'ਰੌਸ਼ਨ ਤੇ ਪ੍ਰਭਾਵਸ਼ਾਲੀ ਵਿਦਿਆਰਥੀਆਂ ਦੇ ਸੁਪਨੇ ਨੂੰ ਸਾਕਾਰ ਕਰਨ ਦੇ ਲਈ ਅਣਥੱਕ ਮਿਹਨਤ ਕਰਨ ਵਾਲੇ ਅਧਿਆਪਕ ਦੇ ਸਮਰਪਣ, ਵਚਨਬੱਧਤਾ ਤੇ ਮਿਸ਼ਨਰੀ ਉਤਸ਼ਾਹ ਨੂੰ ਇਸ ਤਰ੍ਹਾਂ ਦੀ ਖੂਬਸੂਰਤੀ ਦੇ ਨਾਲ ਫਿਲਮਾਉਣ ਲਈ ਵਧਾਈ ਦਿੱਤੀ। ਫਿਲਮ ਦੇਖਣ ਤੋਂ ਬਾਅਦ ਵੈਂਕੇਯਾ ਨਾਇਡੂ ਨੇ ਕਿਹਾ ਕਿ ਆਨੰਦ ਦੀ ਪ੍ਰੇਰਣਾਦਾਇਕ ਕਹਾਣੀ ਨੇ ਮੇਰਾ ਦਿਲ ਛੂ ਲਿਆ ਹੈ, ਜਿਸ ਨੇ ਗਰੀਬ ਬੱਚਿਆਂ ਨੂੰ ਰੌਸ਼ਨ ਭਵਿੱਖ ਦੇਣ ਲਈ ਸਾਰੀਆਂ ਰੁਕਾਵਟਾਂ ਦੇ ਖਿਲਾਫ ਲੜਾਈ ਲੜੀ। ਇਸ ਖਾਸ ਮੌਕੇ 'ਤੇ ਰਿਤਿਕ ਰੌਸ਼ਨ ਵੀ ਉਪ-ਰਾਸ਼ਟਰਪਤੀ ਦੇ ਨਾਲ ਮੌਜੂਦ ਸਨ, ਜੋ ਫਿਲਮ 'ਚ ਆਨੰਦ ਦਾ ਕਿਰਦਾਰ ਨਿਭਾ ਰਹੇ ਹਨ। ਨਾਇਡੂ ਨੇ ਬਿਹਤਰੀਨ ਕੋਚਿੰਗ ਸੈਂਟਰ ਸ਼ੁਰੂ ਕਰਨ ਲਈ ਆਨੰਦ ਦੀਆਂ ਕੋਸ਼ਿਸ਼ਾਂ ਦੀ ਸ਼ਲਾਘਾ ਕੀਤੀ ਹੈ ਤੇ ਸਮਾਜ ਦੇ ਆਰਥਿਕ ਰੂਪ ਨਾਲ ਪਿਛੜੇ ਵਰਗਾਂ ਤੋਂ ਪ੍ਰਤਿਭਾਸ਼ਾਲੀ ਵਿਦਿਆਰਥੀਆਂ ਨੂੰ ਟ੍ਰੈਕ ਕਰਨ ਤੇ ਉਨ੍ਹਾਂ ਨੂੰ ਟ੍ਰੇਨਿੰਗ ਦੇਣ ਤੇ ਉਨ੍ਹਾਂ ਦੀ ਕੁਸ਼ਲਤਾ ਨੂੰ ਉਤਸ਼ਾਹਿਤ ਕਰਨ ਦੇ ਲਈ ਵੀ ਆਨੰਦ ਦੀਆਂ ਕੋਸ਼ਿਸ਼ਾਂ ਦੀ ਸ਼ਲਾਘਾ ਕਰਦੇ ਨਜ਼ਰ ਆਏ। ਉਨ੍ਹਾਂ ਕਿਹਾ ਕਿ ਰੌਸ਼ਨ ਵਲੋਂ ਕੀਤਾ ਗਿਆ ਇਹ ਨੇਕ ਕੰਮ ਦੂਜਿਆਂ ਲਈ ਪ੍ਰੇਰਣਾ ਹੈ। ਫਿਲਮ 'ਚ ਆਨੰਦ ਕੁਮਾਰ (ਰਿਤਿਕ) ਦੀ ਜੀਵਨੀ ਨਾਲ ਰੂ-ਬ-ਰੂ ਕਰਵਾਇਆ ਗਿਆ ਹੈ। ਇਕ ਭਾਰਤੀ ਮੈਥ ਟੀਚਰ ਦੀ ਯਾਤਰਾ ਜੋ ਇਕ ਟਾਪ ਕੋਚਿੰਗ ਸੈਂਟਰ 'ਚ ਅਮੀਰ ਬੱਚਿਆਂ ਨੂੰ ਪੜਾਉਣ ਤੋਂ ਲੈ ਕੇ ਗਰੀਬ ਬੱਚਿਆਂ ਨੂੰ ਪੜਾਉਣ ਦੇ ਲਈ ਖੁਦ ਇਕ ਇੰਸਟੀਚਿਊਸ਼ਨ ਦੀ ਸ਼ੁਰੂਆਤ ਕਰਦਾ ਹੈ।