ਮੁੰਬਈ(ਬਿਊਰੋ)- ਟੀ.ਵੀ. ਅਦਾਕਾਰਾ ਸੁਰਭੀ ਜਯੋਤੀ ਦੇ ਫੈਨਜ਼ ਲਈ ਖੁਸ਼ਖਬਰੀ ਹੈ। ਸੁਰਭੀ ਕਲਰਸ ਟੀ.ਵੀ. ਦੇ ਸਭ ਤੋਂ ਜ਼ਿਆਦਾ ਪਸੰਦ ਕੀਤੇ ਜਾਣ ਵਾਲੀ ਸੀਰੀਅਲ 'ਨਾਗਿਣ 3' ਵਿਚ ਨਜ਼ਰ ਆ ਰਹੀ ਹੈ। ਹੁਣ ਅਜਿਹੀਆਂ ਖਬਰਾਂ ਹਨ ਕਿ ਸੁਰਭੀ ਐੱਮ. ਟੀ.ਵੀ. ਦੇ ਸ਼ੋਅ 'Ace of Space' ਵਿਚ ਵੀ ਨਜ਼ਰ ਆਉਣ ਵਾਲੀ ਹੈ। ਸੁਰਭੀ ਦੀ ਇਹ ਐਂਟਰੀ ਜਲਦ ਹੋਣ ਵਾਲੀ ਹੈ। ਅਜਿਹਾ ਦੱਸਿਆ ਜਾ ਰਿਹਾ ਹੈ ਕਿ ਉਹ ਜਲਦ ਹੀ ਸ਼ੋਅ ਦੇ ਐਲੀਮਿਨੇਸ਼ਨ ਐਪੀਸੋਡ 'ਚ ਨਜ਼ਰ ਆਉਣ ਵਾਲੀ ਹੈ। ਹਾਲ ਹੀ ਵਿਚ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਅਦਾਕਾਰਾ ਸਾਰਾ ਅਲੀ ਖਾਨ ਨੇ ਇਸ ਸ਼ੋਅ ਵਿਚ ਆਪਣੀ ਮੌਜੂਦਗੀ ਦਰਜ ਕਰਾਈ ਸੀ। ਸਾਰਾ ਇੱਥੇ ਆਪਣੇ ਫਿਲਮ 'ਕੇਦਾਰਨਾਥ' ਦੇ ਪ੍ਰਮੋਸ਼ਨ ਲਈ ਆਈ ਸੀ। ਸੁਰਭੀ ਅਤੇ ਸਾਰਾ ਅਲੀ ਖਾਨ ਤੋਂ ਇਲਾਵਾ, ਕਰਨ ਟਿੱਬਾ, ਸ਼ਿਬਾਨੀ ਦਾਂਡੇਕਰ, ਕਰਨ ਪਟੇਲ, ਰਣਵੀਰ ਸਿੰਘ ਅਤੇ ਨਿਆ ਸ਼ਰਮਾ ਵਰਗੇ ਵੱਡੇ ਕਲਾਕਾਰ ਪਹਿਲਾਂ ਤੋਂ ਹੀ 'Ace of Space' 'ਚ ਆਪਣੀ ਮੌਜੂਦਗੀ ਦਰਜ ਕਰਵਾ ਚੁੱਕੇ ਹਨ। ਸ਼ੋਅ ਨੂੰ 'ਬਿੱਗ ਬਾਸ 11' ਦੇ ਮਸ਼ਹੂਰ ਮੁਕਾਬਲੇਬਾਜ਼ ਵਿਕਾਸ ਗੁਪਤਾ ਹੋਸਟ ਕਰਦੇ ਹਨ।