ਜਲੰਧਰ (ਬਿਊਰੋ) — ਪੰਜਾਬੀ ਫਿਲਮਾਂ ਦੀ ਖੂਬਸੂਰਤ ਅਦਾਕਾਰਾ ਸੁਰਵੀਨ ਚਾਵਲਾ ਜਲਦ ਹੀ ਬੇਬੀ ਨੂੰ ਜਨਮ ਦੇਣ ਵਾਲੀ ਹੈ। ਇਨ੍ਹੀਂ ਦਿਨੀਂ ਉਹ ਆਪਣੇ 'ਬੇਬੀ ਬੰਪ' ਨੂੰ ਲੈ ਕੇ ਖੂਬ ਇੰਜੁਆਏ ਕਰ ਰਹੀ ਹੈ। ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਨੇ ਬੇਬੀ ਬੰਪ ਨੂੰ ਸਟਾਈਲਿਸ਼ ਬਣਾ ਦਿੱਤਾ ਸੀ।
ਜਿਥੇ ਪਹਿਲਾ ਪ੍ਰੈਂਗਨੇਟ ਹੋਣ 'ਤੇ ਐਕਟਰੈੱਸ ਕੈਮਰਾ ਫੇਸ ਕਰਨ ਤੋਂ ਬਚਦੀਆਂ ਸਨ, ਉਥੇ ਹੀ ਕਰੀਨਾ ਕਪੂਰ ਤੋਂ ਬਾਅਦ ਬੇਬੀ ਬੰਪ ਸ਼ੋਅ ਕਰਨਾ ਟ੍ਰੈਂਡੀ ਹੋ ਗਿਆ ਹੈ।
ਹਾਲ ਹੀ 'ਚ ਸੁਰਵੀਨ ਚਾਵਲਾ ਨੇ ਆਪਣੇ ਇੰਸਟਾਗਰਾਮ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਬੇਬੀ ਬੰਪ ਫਲਾਂਟ ਕਰਦੀ ਨਜ਼ਰ ਆ ਰਹੀ ਹੈ।
ਇਨ੍ਹਾਂ ਤਸਵੀਰਾਂ 'ਚ ਉਸ ਨੇ ਗੂੜ੍ਹੇ ਨੀਲੇ ਰੰਗ ਦੀ ਡਰੈੱਸ ਪਾਈ ਹੈ ਅਤੇ ਵੱਖ-ਵੱਖ ਪੋਜ਼ ਦੇ ਕੇ ਫੋਟੋਸ਼ੂਟ ਕਲਿਕ ਕਰਵਾ ਰਹੀ ਹੈ।
ਇਸ ਲੁੱਕ 'ਚ ਸੁਰਵੀਨ ਚਾਵਲਾ ਕਾਫੀ ਸਟਾਈਲਿਸ਼ ਤੇ ਖੂਬਸੂਰਤ ਨਜ਼ਰ ਆ ਰਹੀ ਹੈ।
ਦੱਸ ਦੇਈਏ ਕਿ ਸੁਰਵੀਨ ਚਾਵਲਾ 'ਪਾਰਚਡ' ਤੇ 'ਹੇਟ ਸਟੋਰੀ 2' ਵਰਗੀਆਂ ਫਿਲਮ ਲਈ ਜਾਣੀ ਜਾਂਦੀ ਹੈ।
ਉਹ ਸਾਲ 2014 'ਚ ਦਿਲਜੀਤ ਦੋਸਾਂਝ ਨਾਲ 'ਡਿਸਕੋ ਸਿੰਘ' 'ਚ ਨਜ਼ਰ ਆਈ ਸੀ।
ਇਸ ਤੋਂ ਇਲਾਵਾ ਸੁਰਵੀਨ ਚਾਵਲਾ ਕਈ ਗੀਤਾਂ 'ਚ ਵੀ ਨਜ਼ਰ ਆ ਚੁੱਕੀ ਹੈ।