ਜਲੰਧਰ (ਬਿਊਰੋ) — ਬਾਲੀਵੁੱਡ ਤੇ ਪਾਲੀਵੁੱਡ ਅਦਾਕਾਰਾ ਸੁਰਵੀਨ ਚਾਵਲਾ ਮਾਂ ਬਣਨ ਤੋਂ ਬਾਅਦ ਹੁਣ 'ਸੈਕਰੇਡ ਗੇਮਸ 2' 'ਚ ਨਜ਼ਰ ਆਉਣ ਵਾਲੀ ਹੈ ਪਰ ਇਸ ਤੋਂ ਪਹਿਲਾਂ ਉਸ ਨੇ ਇਕ ਫੋਟੋਸ਼ੂਟ ਕਰਵਾਇਆ ਹੈ, ਜਿਸ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਸੁਰਵੀਨ ਚਾਵਲਾ ਦੇ ਨਵੇਂ ਫੋਟੋਸ਼ੂਟ 'ਚ ਉਸ ਦੀ ਹੌਟਨੈੱਸ, ਗਲੈਮਰ ਤੇ ਫਿੱਟਨੈੱਸ ਨੂੰ ਦੇਖ ਕੇ ਕਿਸੇ ਪਾਸੀਓਂ ਨਹੀਂ ਲੱਗਦਾ ਕਿ ਉਹ ਕੁਝ ਮਹੀਨੇ ਪਹਿਲਾ ਹੀ ਮਾਂ ਬਣੀ ਹੈ। ਇਸ ਫੋਟੋਸ਼ੂਟ 'ਚ ਸੁਰਵੀਨ ਦਾ ਰੇਟਰੋ ਲੁੱਕ ਨਜ਼ਰ ਆ ਰਹੀ ਹੈ।
ਹਾਲਾਂਕਿ ਰੇਟਰੋ ਲੁੱਕ 'ਚ ਵੀ ਉਸ ਨੇ ਆਪਣੀ ਹੌਟਨੈੱਸ ਦਾ ਤੜਕਾ ਲਾਇਆ ਹੈ। ਦੱਸ ਦਈਏ ਕਿ ਸੁਰਵੀਨ ਚਾਵਲਾ ਨੇ 20 ਅਪ੍ਰੈਲ 2019 ਨੂੰ ਇਕ ਧੀ ਨੂੰ ਜਨਮ ਦਿੱਤਾ ਸੀ ਅਤੇ ਇਸ ਤੋਂ ਬਾਅਦ ਉਹ ਬੇਟੀ ਦੀ ਦੇਖਭਾਲ 'ਚ ਰੁੱਝੀ ਸੀ।
ਦੱਸਣਯੋਗ ਹੈ ਕਿ ਤਿੰਨ ਮਹੀਨੇ ਬਾਅਦ ਸੁਰਵੀਨ ਚਾਵਲਾ ਪਰਦੇ ਪਰਤਣ ਨੂੰ ਤਿਆਰ ਹੈ। ਸੁਰਵੀਨ ਚਾਵਲਾ 'ਸੈਕਰੇਡ ਗੇਮਸ' ਦੇ ਪਹਿਲੇ ਸੀਜ਼ਨ 'ਚ ਜੋਜੋ ਦੇ ਕਿਰਦਾਰ 'ਚ ਨਜ਼ਰ ਆਈ ਸੀ। ਹਾਲਾਂਕਿ ਦੂਜੇ ਪਾਰਟ 'ਚ ਖੁਲਾਸਾ ਹੋਵੇਗਾ ਕਿ ਜੋਜੋ ਦੇ ਕਿਰਦਾਰ ਦਾ ਗਾਇਤੋਂਡੇ ਦੀ ਜ਼ਿੰਦਗੀ 'ਤੇ ਕੀ ਅਸਰ ਸੀ।