ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਸੁਰਵੀਨ ਚਾਵਲਾ ਨੇ 15 ਅਪ੍ਰੈਲ 2019 ਨੂੰ ਧੀ ਨੂੰ ਜਨਮ ਦਿੱਤਾ ਸੀ। ਧੀ ਦੇ ਜਨਮ ਤੋਂ ਬਾਅਦ ਸੁਰਵੀਨ ਨੇ ਕੰਮ 'ਤੇ ਵਾਪਸੀ ਕਰ ਲਈ ਹੈ। ਹਾਲ ਹੀ 'ਚ ਸੁਰਵੀਨ ਇਕ ਵਿਗਿਆਪਨ 'ਚ ਨਜ਼ਰ ਆਈ ਹੈ ਪਰ ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਉਨ੍ਹਾਂ ਦੀ ਪੰਜ ਮਹੀਨਿਆਂ ਦੀ ਧੀ ਨੇ ਵੀ ਟੀ. ਵੀ. 'ਚ ਡੈਬਿਊ ਕੀਤਾ ਹੈ। ਸੁਰਵੀਨ ਦੀ ਧੀ ਦਾ ਨਾਮ ਈਵਾ ਹੈ। ਹੁਣ ਸੁਰਵੀਨ ਦੀ ਨਿਊਬਾਰਨ ਧੀ ਈਵਾ ਨੇ ਛੋਟੀ ਜਿਹੀ ਉਮਰ 'ਚ ਟੀ. ਵੀ. 'ਤੇ ਆਪਣਾ ਡੈਬਿਊ ਕਰ ਲਿਆ ਹੈ।
ਇਸ ਵਿਗਿਆਪਨ 'ਚ ਈਵਾ ਦਾ ਚਿਹਰਾ ਵੀ ਦਿਖਾਇਆ ਗਿਆ ਹੈ। ਸੁਰਵੀਨ ਨੇ ਆਪਣੇ ਇੰਸਟਾਗ੍ਰਾਮ 'ਤੇ ਧੀ ਦੇ ਡੈਬਿਊ ਦਾ ਵੀਡੀਓ ਵੀ ਸ਼ੇਅਰ ਕੀਤਾ ਹੈ। ਵੀਡੀਓ 'ਚ ਸੁਰਵੀਨ ਵੀ ਆਪਣੀ ਧੀ ਨਾਲ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ 'ਚ ਮਾਂ-ਧੀ ਦੀ ਜੋੜੀ ਕਾਫੀ ਵਧੀਆ ਨਜ਼ਰ ਆ ਰਹੀ ਹੈ।
ਦੱਸਣਯੋਗ ਹੈ ਕਿ ਸੁਰਵੀਨ ਚਾਵਲਾ ‘ਡਿਸਕੋ ਸਿੰਘ’ ’ਚ ਦਿਲਜੀਤ ਦੋਸਾਂਝ ਨਾਲ ਕੰਮ ਕਰ ਚੁਕੀ ਹੈ। ਸੁਰਵੀਨ ਚਾਵਲਾ ‘ਪਾਰਚਡ’ ਤੇ ‘ਹੇਟ ਸਟੋਰੀ 2’ ਵਰਗੀਆਂ ਫਿਲਮਾਂ ਲਈ ਜਾਣੀ ਜਾਂਦੀ ਹੈ।