ਮੁੰਬਈ (ਬਿਊਰੋ)— 18 ਸਾਲ ਦੀ ਉਮਰ 'ਚ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤਣ ਵਾਲੀ ਸੁਸ਼ਮਿਤਾ ਸੇਨ ਦਾ ਅੱਜ ਜਨਮਦਿਨ ਹੈ। ਸੁਸ਼ਮਿਤਾ ਦਾ ਜਨਮ 19 ਨਵੰਬਰ, 1975 ਨੂੰ ਹੈਦਰਾਬਾਦ 'ਚ ਹੋਇਆ ਸੀ। 21 ਮਈ, 1994 ਨੂੰ ਸੁਸ਼ਮਿਤਾ ਨੇ ਮਿਸ ਯੂਨੀਵਰਸ ਦਾ ਤਾਜ ਹਾਸਲ ਕੀਤਾ ਸੀ। ਤੁਹਾਨੂੰ ਦੱਸ ਦੇਈਏ ਮਿਸ ਯੂਨੀਵਰਸ ਦਾ ਖਿਤਾਬ ਜਿੱਤਣ ਤੋਂ ਪਹਿਲਾਂ ਸੁਸ਼ਮਿਤਾ 'ਮਿਸ ਇੰਡੀਆ ਮੁਕਾਬਲੇ' 'ਚ ਐਸ਼ਵਰਿਆ ਰਾਏ ਨੂੰ ਹਰਾ ਚੁੱਕੀ ਹੈ।
ਤੁਹਾਨੂੰ ਦੱਸ ਦੇਈਏ ਮਿਸ ਯੂਨੀਵਰਸ ਦੇ ਮੁਕਾਬਲੇ ਦੌਰਾਨ ਸੁਸ਼ਮਿਤਾ ਨੇ ਇਕ ਜਵਾਬ ਤੋਂ ਬਾਜ਼ੀ ਮਾਰ ਲਈ ਸੀ। ਸੁਸ਼ਮਿਤਾ ਦਾ ਮੁਕਾਬਲਾ ਐਸ਼ਵਰਿਆ ਨਾਲ ਸੀ। ਇਸ ਦੌਰਾਨ ਸਵਾਲ ਪੁੱਛਿਆ ਗਿਆ ਕਿ ਜੇਕਰ ਤੁਸੀਂ ਕਿਸੇ ਇਤਿਹਾਸਕ ਘਟਨਾ ਨੂੰ ਬਦਲ ਸਕਦੇ, ਤਾਂ ਉਹ ਕਿਹੜੀ ਹੁੰਦੀ? ਇਸ 'ਤੇ ਐਸ਼ਵਰਿਆ ਦਾ ਜਵਾਬ ਸੀ ਕਿ ਆਪਣੇ ਜਨਮ ਦਾ ਸਮਾਂ ਪਰ ਸੁਸ਼ਮਿਤਾ ਨੇ ਕਿਹਾ ਸੀ ਇੰਦਰਾਗਾਂਧੀ ਦੀ ਮੌਤ।
ਉੱਥੇ ਹੀ ਉਸ ਤੋਂ ਬਾਅਦ ਜਦੋਂ ਸੁਸ਼ਮਿਤਾ ਤੋਂ ਪੁੱਛਿਆ ਗਿਆ ਕਿ ਜੇਕਰ ਤੁਹਾਡੇ ਕੋਲ ਸਮਾਂ ਤੇ ਪੈਸਾ ਹੋਵੇਗਾ ਤਾਂ ਕੀ ਐਡਵੈਂਚਰ ਕਰਨਾ ਚਾਹੁੰਦੇ ਹੋ? ਇਸ 'ਤੇ ਉਨ੍ਹਾਂ ਜਵਾਬ ਦਿੱਤਾ ਕਿ ਮੇਰੇ ਹਿਸਾਬ ਨਾਲ ਐਡਵੈਂਚਰ ਉਹ ਹੈ, ਜੋ ਤੁਸੀਂ ਅੰਦਰੋਂ ਮਹਿਸੂਸ ਕਰਦੇ ਹੋ। ਮੈਨੂੰ ਬੱਚਿਆਂ ਨਾਲ ਰਹਿਣਾ ਬਹੁਤ ਵਧੀਆ ਲਗਦਾ ਹੈ। ਮੌਕਾ ਮਿਲੇ ਤਾਂ ਜ਼ਰੂਰ ਉਨ੍ਹਾਂ ਨਾਲ ਸਮਾਂ ਬਤੀਤ ਕਰਾਂਗੀ। ਮੇਰੇ ਲਈ ਇਹੀ ਐਡਵੈਂਚਰ ਹੈ।
ਆਪਣੇ ਫਿਲਮੀ ਕਰੀਅਰ ਦੌਰਾਨ 'ਬੀਵੀ ਨੰਬਰ 1', 'ਆਖੇਂ', 'ਕਿਉਂਕਿ ਮੈਂ ਝੂਠ ਨਹੀਂ ਬੋਲਤਾ', 'ਸਿਰਫ ਤੁੰਮ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ। ਇਸ ਤੋਂ ਇਲਾਵਾ ਸੁਸ਼ਮਿਤਾ ਸ਼ਾਨਦਾਰ ਅਦਾਕਾਰੀ ਕਰਕੇ ਫਿਲਮਫੇਅਰ ਪੁਰਸਕਾਰ 'ਚ ਸਰਬੋਤਮ ਸਹਾਇਕ ਅਭਿਨੇਤਰੀ ਦਾ ਪੁਰਸਕਾਰ ਨਾਲ ਸਮਮਾਨਿਤ ਹੋ ਚੁੱਕਾ ਹੈ।
