ਮੁੰਬਈ (ਬਿਊਰੋ) — ਮਿਸ ਯੂਨੀਵਰਸ ਰਹੀ ਸੁਸ਼ਮਿਤਾ ਸੇਨ ਹਮੇਸ਼ਾ ਆਪਣੀਆਂ ਸ਼ਰਤਾਂ 'ਤੇ ਜ਼ਿੰਦਗੀ ਜਿਉਂਦੀ ਹੈ। ਇਹੀ ਅੰਦਾਜ਼ ਉਸ ਨੂੰ ਹੋਰਾਂ ਸੈਲੀਬ੍ਰਿਟੀਜ਼ ਤੋਂ ਵੱਖਰਾ ਕਰਦਾ ਹੈ। ਸੁਸ਼ਮਿਤਾ ਸੇਨ ਨੇ ਐਸ਼ਵਰਿਆ ਰਾਏ ਬੱਚਨ ਨੂੰ ਪਿੱਛੇ ਛੱਡ ਕੇ ਫੇਮਿਨਾ ਮਿਸ ਇੰਡੀਆ ਦਾ ਖਿਤਾਬ ਹਾਸਲ ਕੀਤਾ ਸੀ, ਜਿਸ ਤੋਂ ਬਾਅਦ ਉਹ ਸਾਲ 1994 'ਚ ਮਿਸ ਯੂਨੀਵਰਸ ਬਣੀ ਸੀ।
ਖਬਰਾਂ ਦੀ ਮੰਨੀਏ ਤਾਂ ਇਸ ਗੱਲ ਨੂੰ ਲੈ ਕੇ ਦੋਵਾਂ ਵਿਚਕਾਰ ਕੋਲਡ ਵਾਰ ਵੀ ਚੱਲ ਰਿਹਾ ਹੈ ਪਰ ਇਸ ਨੂੰ ਲੈ ਕੇ ਸੁਸ਼ਮਿਤਾ ਸੇਨ ਨੇ ਹੁਣ ਖੁਲਾਸਾ ਕੀਤਾ ਹੈ। ਸੁਸ਼ਮਿਤਾ ਸੇਨ ਨੇ ਇਕ ਇੰਟਰਵਿਊ 'ਚ ਖੁਲਾਸਾ ਕੀਤਾ ਸੀ ਕਿ ਮੇਰੇ ਤੇ ਐਸ਼ਵਰਿਆ ਰਾਏ ਬੱਚਨ 'ਚ ਕੋਲਡਵਾਰ ਵਰਗਾ ਕੁਝ ਵੀ ਨਹੀਂ ਸੀ। ਐਸ਼ਵਰਿਆ ਹੋਰਾਂ ਲੋਕਾਂ ਨਾਲੋਂ ਵੱਖਰੀ ਹੈ।
ਕੋਲਡ ਵਾਰ ਵਾਲੀ ਗੱਲ ਬਿਲਕੁਲ ਬਕਵਾਸ ਹੈ। ਜਦੋਂ ਸੁਸ਼ਮਿਤਾ ਸੇਨ ਤੋਂ ਪੁੱਛਿਆ ਗਿਆ ਕਿ ਉਹ ਐਸ਼ਵਰਿਆ ਨੂੰ ਦੋਸਤ ਕਹੇਗੀ ਤਾਂ ਉਸ ਨੇ ਕਿਹਾ ਕਿ ਸਾਨੂੰ ਇਕ-ਦੂਜੇ ਨਾਲ ਸਮਾਂ ਬਿਤਾਉਣਾ ਹੋਵੇਗਾ। ਇਕ ਇੰਟਰਵਿਊ 'ਚ ਸੁਸ਼ਮਿਤਾ ਸੇਨ ਨੇ ਹੋਰ ਵੀ ਕਈ ਖੁਲਾਸੇ ਕੀਤੇ ਹਨ ਪਰ ਇਕ ਗੱਲ ਜ਼ਰੂਰ ਹੈ ਕਿ ਜਿਸ ਤਰ੍ਹਾਂ ਦਾ ਸੁਸ਼ਮਿਤਾ ਸੇਨ ਦਾ ਜਵਾਬ ਸੀ ਉਸ ਤੋਂ ਸਾਫ ਹੋ ਜਾਂਦਾ ਹੈ ਕਿ ਇਸ ਗੱਲ ਨੂੰ ਲੈ ਕੇ ਦੋਵਾਂ 'ਚ ਮਨ-ਮੁਟਾਅ ਤਾਂ ਜ਼ਰੂਰ ਸੀ ।
