ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਰਿਤਿਕ ਰੋਸ਼ਨ ਦਾ ਜਨਮ 26 ਅਕਤੂਬਰ 1978 ਨੂੰ ਮੁੰਬਈ 'ਚ ਹੋਇਆ ਸੀ। ਉਹ ਐਕਟਰ ਸੰਜੇ ਖਾਨ ਦੀ ਬੇਟੀ ਅਤੇ ਰਿਤਿਕ ਰੋਸ਼ਨ ਦੀ ਸਾਬਕਾ ਪਤਨੀ ਹੈ।
ਦੋਹਾਂ ਦਾ 2014 'ਚ ਤਲਾਕ ਹੋਇਆ ਸੀ। ਪੇਸ਼ੇ ਤੋਂ ਸੁਜ਼ੈਨ ਖਾਨ ਇੰਟੀਰੀਅਰ ਡਿਜ਼ਾਈਨਰ ਹੈ। ਸੁਜ਼ੈਨ ਵਧੇਰੇ ਰਿਤਿਕ ਨਾਲ ਆਪਣੇ ਰਿਲੇਸ਼ਨ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ।
ਅੱਜ ਭਾਵੇਂ ਦੋਹਾਂ ਦੇ ਰਸਤੇ ਵੱਖਰੇ ਹੋ ਗਏ ਹਨ ਪਰ ਉਹ ਹਾਲੇ ਵੀ ਚੰਗੇ ਦੋਸਤ ਹਨ। ਤਲਾਕ ਤੋਂ ਬਾਅਦ ਵੀ ਦੋਹਾਂ 'ਚ ਨਾਰਾਜ਼ਗੀ ਦੇਖਣ ਨੂੰ ਨਹੀਂ ਮਿਲੀ।
ਮੁਸ਼ਕਿਲ ਸਮੇਂ 'ਚ ਸੁਜ਼ੈਨ ਨੇ ਹਮੇਸ਼ਾ ਰਿਤਿਕ ਦਾ ਸਾਥ ਦਿੱਤਾ ਹੈ। ਜਦੋਂ ਕੰਗਨਾ ਅਤੇ ਰਿਤਿਕ ਦਾ ਮਾਮਲਾ ਖਬਰਾਂ 'ਚ ਆਇਆ ਤਾਂ ਸੁਜ਼ੈਨ ਨੇ ਰਿਤਿਕ ਦੇ ਸਪੋਰਟ 'ਚ ਬਿਆਨ ਦਿੰਦੇ ਹੋਏ ਕਿਹਾ ਸੀ ਕਿ ਉਹ ਉਨ੍ਹਾਂ ਨਾਲ ਹੈ।
ਦੋਹਾਂ ਕਈ ਵਾਰ ਇਕੱਠੇ ਤੇ ਬੱਚਿਆਂ ਨਾਲ ਸਮਾਂ ਬਿਤਾਉਂਦੇ ਸਪਾਟ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਦੇ ਬੱਚਿਆਂ ਨੇ ਉਨ੍ਹਾਂ ਨੂੰ ਤਲਾਕ ਤੋਂ ਬਾਅਦ ਵੀ ਜੋੜ ਕੇ ਰੱਖਿਆ ਹੋਇਆ ਹੈ।
ਰਿਤਿਕ-ਸੁਜ਼ੈਨ ਦੀ ਬਾਂਡਿੰਗ ਦੇਖ ਉਨ੍ਹਾਂ ਦੇ ਮੁੜ ਵਿਆਹ ਕਰਨ ਦੇ ਅੰਦਾਜ਼ੇ ਚਰਚਾ ਦਾ ਵਿਸ਼ਾ ਬਣੇ ਰਹਿੰਦੇ ਹਨ।
ਦੱਸ ਦੇਈਏ ਕਿ ਸਾਲ 2000 'ਚ ਰਿਲੀਜ਼ ਹੋਈ ਫਿਲਮ 'ਕਹੋ ਨਾ ਪਿਆਰ ਹੈ' ਦੀ ਰਿਲੀਜ਼ ਦੇ ਕੁਝ ਦਿਨਾਂ ਬਾਅਦ ਹੀ ਰਿਤਿਕ ਨੇ ਆਪਣੀ ਬਚਪਨ ਦੀ ਦੋਸਤੀ ਸੁਜ਼ੈਨ ਖਾਨ ਨਾਲ ਵਿਆਹ ਕਰ ਲਿਆ ਸੀ।