ਮੁੰਬਈ (ਬਿਊਰੋ)— ਸਲਮਾਨ ਖਾਨ ਦੀ ਫਿਲਮ 'ਟਾਈਗਰ ਜ਼ਿੰਦਾ ਹੈ' ਦਾ ਨਾਂ ਸਾਲ 2017-18 ਦੀਆਂ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀਆਂ ਫਿਲਮਾਂ ਦੀ ਲਿਸਟ 'ਚ ਸ਼ਾਮਲ ਹੈ। ਇਸ ਫਿਲਮ ਨੇ ਰਿਲੀਜ਼ ਦੇ ਤੀਜੇ ਦਿਨ ਹੀ 50 ਕਰੋੜ ਦਾ ਆਂਕੜਾ ਪਾਰ ਕਰ ਲਿਆ ਸੀ ਤਾਂ ਉੱਥੇ ਬਜਟ ਤੋਂ ਦੁੱਗਣੀ ਕਮਾਈ ਕਰਦੇ ਹੋਏ ਸਲਮਾਨ ਬਾਲੀਵੁੱਡ ਦੇ ਟਾਈਗਰ ਬਣ ਗਏ ਸਨ। 'ਟਾਈਗਰ ਜ਼ਿੰਦਾ ਹੈ' ਫਿਲਮ ਨੂੰ ਰਿਲੀਜ਼ ਹੋਏ 9 ਮਹੀਨੇ ਬੀਤ ਚੁੱਕੇ ਹਨ ਅਤੇ ਹੁਣ ਇਸ ਫਿਲਮ ਦੇ ਨਾਂ ਇਕ ਨਵਾਂ ਰਿਕਾਰਡ ਜੁੜ ਗਿਆ ਹੈ। 'ਸਵੈਗ ਸੇ ਸਵਾਗਤ' ਗੀਤ ਨੂੰ ਯੂਟਿਊਬ 'ਤੇ 600 ਮਿਲੀਅਨ ਵਿਊਜ਼ ਮਿਲ ਚੁੱਕੇ ਹਨ।
ਇੰਨੇ ਵਿਊਜ਼ ਮਿਲਣ ਤੋਂ ਬਾਅਦ ਸਲਮਾਨ ਖਾਨ ਦੀ ਫਿਲਮ ਦਾ ਇਹ ਗੀਤ ਭਾਰਤ ਦਾ ਪਹਿਲਾ ਹਿੱਟ ਗੀਤ ਬਣ ਗਿਆ ਹੈ, ਜਿਸ ਨੂੰ ਇੰਨੇ ਜ਼ਿਆਦਾ ਵਿਊਜ਼ ਮਿਲੇ ਹਨ। ਇਸ ਗੀਤ ਨੂੰ ਵਿਸ਼ਾਲ-ਸ਼ੇਖਰ ਦੀ ਜੋੜੀ ਨੇ ਕੰਪੋਜ ਕੀਤਾ ਸੀ, ਜਿਸ ਦੀ ਸ਼ੂਟਿੰਗ ਗ੍ਰੀਸ ਤੋਂ ਇਲਾਵਾ ਕਈ ਹੋਰ ਜਗ੍ਹਾ ਹੋਈ ਸੀ। ਇਸ ਗੀਤ 'ਚ 100 ਡਾਂਸਰਸ ਨੂੰ ਲਿਆ ਗਿਆ ਸੀ। ਇਹ ਗੀਤ ਇਸ ਲਈ ਵੀ ਮਸ਼ਹੂਰ ਹੋਇਆ ਸੀ ਕਿਉਂਕਿ ਇਸ ਗੀਤ ਨਾਲ ਵੱਡੇ ਪਰਦੇ 'ਤੇ ਕੈਟਰੀਨਾ ਅਤੇ ਸਲਮਾਨ 5 ਸਾਲ ਬਾਅਦ ਵੱਡੀ ਸਕ੍ਰੀਨ 'ਤੇ ਇਕੱਠੇ ਨਜ਼ਰ ਆਏ ਸਨ।
ਗੀਤ 'ਚ ਦੋਹਾਂ ਦੀ ਕੈਮਿਸਟਰੀ ਅਤੇ ਡਾਂਸ ਮੂਵਸ ਨੂੰ ਲੋਕਾਂ ਨੇ ਖੂਬ ਪਸੰਦ ਕੀਤਾ। ਤੁਹਾਨੂੰ ਦੱਸ ਦੇਈਏ ਕਿ 'ਸਵੈਗ ਸੇ ਕਰੇਂਗੇ ਸਬਕਾ ਸਵਾਗਤ' ਗੀਤ ਦੇ ਅਰੇਬਿਕ ਵਰਜ਼ਨ ਨੂੰ ਰਬਿਹ ਅਤੇ ਬ੍ਰਿਗਿਟੀ ਨੇ ਗਾਇਆ ਸੀ। ਇਸ ਗੀਤ ਨੂੰ ਹਿੰਦੀ 'ਚ ਮੁਹੰਮਦ ਜਦ ਮਲਕ ਨੇ ਟ੍ਰਾਂਸਲੇਟ ਕੀਤਾ ਸੀ, ਜਿਸ ਨੇ ਬਾਲੀਵੁੱਡ 'ਚ ਤਹਿਲਕਾ ਮਚਾ ਦਿੱਤਾ ਸੀ। ਦੱਸ ਦੇਈਏ ਕਿ ਅੱਜਕਲ ਸਲਮਾਨ ਖਾਨ ਆਪਣੀ ਆਉਣ ਵਾਲੀ ਫਿਲਮ 'ਭਾਰਤ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ।