ਮੁੰਬਈ (ਬਿਊਰੋ)— 'ਵੀਰੇ ਦੀ ਵੈਡਿੰਗ' 100 ਕਰੋੜ ਦੇ ਕਲੱਬ 'ਚ ਸ਼ਾਮਲ ਹੋ ਗਈ ਹੈ। ਫਿਲਮ 'ਚ ਬੋਲਡ ਸੀਨ ਨੂੰ ਲੈ ਕੇ 30 ਸਾਲਾ ਸਵਰਾ ਭਾਸਕਰ ਕਾਫੀ ਚਰਚਾ 'ਚ ਹੈ। ਸਵਰਾ ਨੂੰ ਲੈ ਕੇ ਘੱਟ ਹੀ ਲੋਕ ਜਾਣਦੇ ਹਨ ਕਿ ਉਹ ਸਾਬਕਾ-ਨੇਵੀ ਕਮਾਂਡਰ ਚਿਤਰਾਪੂ ਉਦੈ ਭਾਸਕਰ ਦੀ ਬੇਟੀ ਹੈ।
ਉਂਝ, ਗੱਲ ਜੇਕਰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਦੀ ਕਰੀਏ ਤਾਂ ਸਵਰਾ 37 ਸਾਲ ਦੇ ਨੈਸ਼ਨਲ ਐਵਾਰਡ ਵਿਨਰ ਐਂਡ ਸਕ੍ਰੀਨਪਲੇ ਰਾਈਟਰ ਹਿਮਾਂਸ਼ੂ ਸ਼ਰਮਾ ਨੂੰ ਡੇਟ ਕਰ ਰਹੀ ਹੈ।
ਦੋਵੇਂ ਪਿਛਲੇ 4 ਸਾਲ ਤੋਂ ਰਿਲੇਸ਼ਨਸ਼ਿਪ 'ਚ ਹਨ ਅਤੇ ਜਲਦ ਵਿਆਹ ਕਰ ਸਕਦੇ ਹਨ। ਜਾਣਕਾਰੀ ਮੁਤਾਬਕ ਸਵਰਾ ਅਤੇ ਹਿਮਾਂਸ਼ੂ ਦੀ ਮੁਲਾਕਾਤ 'ਰਾਂਝਣਾ' ਦੀ ਸ਼ੂਟਿੰਗ ਦੌਰਾਨ ਹੋਈ ਸੀ।
'ਰਾਂਝਣਾ' ਦੇ ਸੈੱਟ 'ਤੇ ਹੋਈ ਦੋਸਤੀ ਤੋਂ ਬਾਅਦ ਦੋਵੇਂ ਫਿਲਮਾਂ 'ਤਨੂੰ ਵੈਡਸ ਮਨੂੰ ਰਿਟਰਨ' ਦੇ ਸੈੱਟ 'ਤੇ ਕਰੀਬ ਆਏ ਅਤੇ ਇਨ੍ਹਾਂ ਨੇ ਡੇਟਿੰਗ ਸ਼ੁਰੂ ਕਰ ਦਿੱਤੀ।
ਜ਼ਿਕਰਯੋਗ ਹੈ ਕਿ ਇਕ ਇੰਟਰਵਿਊ ਦੌਰਾਨ ਸਵਰਾ ਇਸ ਗੱਲ ਨੂੰ ਸਵੀਕਾਰ ਕਰ ਚੁੱਕੀ ਹੈ।
ਉਨ੍ਹਾਂ ਨੇ ਕਿਹਾ, ''ਜੀ ਹਾਂ ਅਸੀਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਾਂ ਅਤੇ ਇਸ ਰਿਲੇਸ਼ਨਸ਼ਿਪ ਤੋਂ ਅਸੀਂ ਦੋਵੇਂ ਖੁਸ਼ ਹਾਂ।''