ਮੁੰਬਈ (ਬਿਊਰੋ)— ਹਾਲੀਵੁੱਡ ਦੇ ਮਸ਼ਹੂਰ ਐਕਟਰ ਸਿਲਵੈਸਟਰ ਸਟੈਲਨ ਨੇ ਮੰਗਲਵਾਰ ਨੂੰ ਫਿਲਮ 'ਰੈਂਬੋ-5' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਇਸ ਫਿਲਮ ਦਾ ਇੰਤਜ਼ਾਰ ਕਾਫੀ ਲੰਬੇ ਸਮੇਂ ਤੋਂ ਹੋ ਰਿਹਾ ਸੀ। ਸਿਲਵੈਸਟਰ ਨੇ ਇੰਸਟਾਗ੍ਰਾਮ 'ਤੇ ਇਸ ਦਾ ਐਲਾਨ ਕੀਤਾ ਹੈ। 72 ਸਾਲਾਂ ਦੇ ਸਿਲਵੈਸਟਰ ਇਸ ਐਕਸ਼ਨ ਫਿਲਮ ਸੀਰੀਜ਼ ਦੇ 5ਵੇਂ ਪਾਰਟ 'ਚ ਇਕ ਯੋਧਾ ਦੀ ਭੂਮਿਕਾ 'ਚ ਨਜ਼ਰ ਆਉਣਗੇ।
ਹਾਲ ਹੀ 'ਚ ਉਨ੍ਹਾਂ ਨੇ ਆਪਣੀ ਇਸ ਫਿਲਮ ਦਾ ਪਹਿਲਾ ਲੁੱਕ ਰਿਲੀਜ਼ ਕੀਤਾ ਹੈ। ਸਟੈਲਨ ਨੇ ਇੱਕ ਪੋਸਟ 'ਚ ਲਿਖਿਆ, “ਅੱਜ ਰਾਤ ਸ਼ੂਟਿੰਗ ਸ਼ੁਰੂ ਕਰ ਰਹੇ ਹਾਂ।'' ਦੱਸ ਦੇਈਏ ਕਿ ਇਸ ਫਿਲਮ ਦਾ ਡਾਇਰੈਕਸ਼ਨ ਏਡ੍ਰੀਆਨ ਗ੍ਰਨਬਰਗ ਕਰ ਰਹੇ ਹਨ। ਸਟੈਲਨ ਨੇ ਇਸ ਗੱਲ ਦਾ ਵੀ ਐਲਾਨ ਕਰ ਦਿੱਤਾ ਹੈ ਕਿ ਫਿਲਮ ਅਗਲੇ ਸਾਲ ਰਿਲੀਜ਼ ਹੋਣੀ ਹੈ।
ਸਿਲਵੈਸਟਰ ਦੀ ਫਿਲਮ 'ਕ੍ਰੀਡ-2' ਵੀ ਜਲਦੀ ਹੀ ਰਿਲੀਜ਼ ਹੋਣ ਵਾਲੀ ਹੈ। ਹਾਲ ਹੀ 'ਚ ਸਲਮਾਨ ਖਾਨ ਨੇ ਇਸ ਫਿਲਮ ਲਈ ਸਿਲਵੈਸਟਰ ਨੂੰ ਸੁੱਭਕਾਮਨਾਵਾਂ ਵੀ ਦਿੱਤੀਆਂ ਸਨ। ਸਲਮਾਨ ਨੇ ਉਮੀਦ ਜ਼ਾਹਿਰ ਕੀਤੀ ਸੀ ਕਿ ਉਹ 'ਰੌਕੀ', 'ਰੈਂਬੋ' ਤੇ 'ਐਕਸਪੈਂਡੇਬਲ' ਵਾਂਗ ਹੀ ਹਿੱਟ ਫਿਲਮ ਸਿੱਧ ਹੋਵੇਗੀ।
ਸਲਮਾਨ ਨੇ ਫਿਲਮ ਦਾ ਮੰਗਲਵਾਰ ਨੂੰ ਟਵਿਟਰ 'ਤੇ ਪੋਸਟਰ ਸ਼ੇਅਰ ਕਰਦੇ ਹੋਏ ਕੈਪਸ਼ਨ ਲਿਖਿਆ, “ਸੁਣਿਆ ਹੈ ਕਿ 'ਕ੍ਰੀਡ-2' ਜਲਦੀ ਹੀ ਰਿਲੀਜ਼ ਹੋਣ ਵਾਲੀ ਹੈ। ਉਮੀਦ ਕਰਦਾ ਹਾਂ ਕਿ ਫ੍ਰੈਂਚਾਇਜ਼ੀ 'ਰੌਕੀ', 'ਰੈਂਬੋ' ਤੇ 'ਐਕਸਪੈਂਡੇਬਲ' ਵਾਂਗ ਹੀ ਹਿੱਟ ਹੋਵੇ।''