ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਤਾਪਸੀ ਪਨੂੰ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਮੁੜ ਕੰਮ ਕਰਨ ਨੂੰ ਲੈ ਕੇ ਉਤਸ਼ਾਹਿਤ ਹੈ। ਤਾਪਸੀ ਨੇ ਫਿਲਮ 'ਪਿੰਕ' ਵਿਚ ਅਮਿਤਾਭ ਨਾਲ ਕੰਮ ਕੀਤਾ ਹੈ ਅਤੇ ਹੁਣ ਫਿਲਮ 'ਬਦਲਾ' ਵਿਚ ਕੰਮ ਕਰ ਰਹੀ ਹੈ।
ਤਾਪਸੀ ਨੇ ਸਕਾਟਲੈਂਡ 'ਚ ਥ੍ਰਿਲਰ ਫਿਲਮ 'ਬਦਲਾ' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ।
ਉਨ੍ਹਾਂ ਕਿਹਾ ਕਿ ਸੁਜਾਏ ਘੋਸ਼ ਦੇ ਨਿਰਦੇਸ਼ਨ ਵਿਚ ਬਣ ਰਹੀ ਇਸ ਫਿਲਮ ਵਿਚ ਉਹ ਆਪਣੇ ਕਿਰਦਾਰ ਰਾਹੀਂ ਆਪਣਾ ਪੱਖ ਦਿਖਾਵੇਗੀ।
ਤਾਪਸੀ ਨੇ ਕਿਹਾ ਕਿ ਜਦੋਂ ਤੁਸੀਂ ਇਕ ਬਿਹਤਰੀਨ ਫਿਲਮਕਾਰ ਅਤੇ ਇਕ ਦਿੱਗਜ ਸਹਿ ਕਲਾਕਾਰ ਦੇ ਸੁਰੱਖਿਅਤ ਹੱਥਾਂ ਵਿਚ ਹੁੰਦੇ ਹੋ ਤਾਂ ਤੁਹਾਨੂੰ ਡਰਨ ਦੀ ਕੋਈ ਲੋੜ ਨਹੀਂ ਹੁੰਦੀ।
