ਹੈਦਰਾਬਾਦ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਤਾਪਸੀ ਪੰਨੂ ਦਾ ਕਹਿਣਾ ਹੈ ਕਿ ਅਭਿਨੇਤਰੀਆਂ ਲਈ ਚੀਜ਼ਾਂ ਕਾਫੀ ਬਿਹਤਰ ਹੋ ਗਈਆਂ ਹਨ ਅਤੇ ਉਨ੍ਹਾਂ ਲਈ ਵੰਨ-ਸੁਵੰਨਤਾ ਅਤੇ ਬਦਲ ਵਧਦੇ ਜਾ ਰਹੇ ਹਨ। ਉਸ ਨੇ ਕਿਹਾ ਕਿ 8 ਸਾਲ ਪਹਿਲਾਂ ਜਦੋਂ ਉਸ ਨੇ ਫਿਲਮੀ ਦੁਨੀਆ ਵਿਚ ਕਦਮ ਰੱਖਿਆ ਸੀ, ਉਦੋਂ ਦੀ ਤੁਲਨਾ ਵਿਚ ਹੁਣ ਔਰਤਾਂ ਨੂੰ ਜੋ ਭੂਮਿਕਾਵਾਂ ਮਿਲ ਰਹੀਆਂ ਹਨ, ਉਸ ਵਿਚ ਬਦਲਾਅ ਆਇਆ ਹੈ।
'ਪਿੰਕ' ਸਟਾਰ ਨੇ ਕਿਹਾ ਕਿ ਫਿਲਮਾਂ ਦੀ ਪਸੰਦ ਬਿਹਤਰ ਹੋ ਗਈ ਹੈ, ਹੁਣ ਮਹਿਲਾ ਕਿਰਦਾਰਾਂ ਦੀ ਵੰਨ-ਸੁਵੰਨਤਾ ਵੱਧ ਹੈ ਅਤੇ ਹਾਂ ਸੱਚ ਵਿਚ (ਅਭਿਨੇਤਰੀਆਂ ਲਈ) ਚੀਜ਼ਾਂ ਕਾਫੀ ਬਿਹਤਰ ਹੋਈਆਂ ਹਨ ਅਤੇ ਮਹਿਲਾ ਕਿਰਦਾਰਾਂ ਲਈ ਫਿਲਮਾਂ ਦੇ ਬਦਲ ਵੱਧ ਹਨ।