ਮੁੰਬਈ (ਬਿਊਰੋ)— ਤਾਪਸੀ ਪਨੂੰ ਦੀ ਫਿਲਮ 'ਮਨਮਰਜ਼ੀਆਂ' ਇਸ ਹਫਤੇ ਬਾਕਸ ਆਫਿਸ 'ਤੇ ਰਿਲੀਜ਼ ਹੋ ਚੁੱਕੀ ਹੈ। ਦਰਸ਼ਕ ਫਿਲਮ ਦੇਖਣ ਲਈ ਉਤਸ਼ਾਹਿਤ ਹੈ। ਤਾਪਸੀ ਆਪਣੇ ਮਸਤਮੌਲਾ ਅੰਦਾਜ਼ ਤੇ ਐਕਟਿੰਗ ਲਈ ਜਿੰਨੀ ਮਸ਼ਹੂਰ ਹੈ, ਓਨੀ ਹੀ ਉਹ ਆਪਣੇ ਨਾਂ ਨੂੰ ਲੈ ਕੇ ਵੀ ਪੋਜ਼ੈਸਿਵ ਹੈ।
ਜਦੋਂ ਵੀ ਕਿਸੇ ਨੇ ਤਾਪਸੀ ਦਾ ਨਾਂ ਗਲਤ ਲਿਖਿਆ ਸਮਝੋ ਫਿਰ ਦੂਜੇ ਦੀ ਖੈਰ ਨਹੀਂ। ਇਸ ਮਾਮਲੇ 'ਚ ਤਾਪਸੀ ਵੱਡੇ-ਵੱਡੇ ਡਾਇਰੈਕਟਰ, ਪ੍ਰੋਡਿਊਸਰਾਂ ਤੇ ਐਕਟਰਾਂ ਦੀ ਵੀ ਕਲਾਸ ਲਾ ਚੁੱਕੀ ਹੈ। ਅਰਜੁਨ ਕਪੂਰ ਨੇ ਹਾਲ ਹੀ 'ਚ ਤਾਪਸੀ ਦੀ ਫਿਲਮ 'ਮਨਮਰਜ਼ੀਆਂ' ਲਈ ਵਧਾਈ ਦਿੱਤੀ ਪਰ ਅਰਜੁਨ ਨੇ ਤਾਪਸੀ ਨੂੰ ਸੋਸ਼ਲ ਮੀਡੀਆ 'ਤੇ ਮੈਸੇਜ ਭੇਜਦੇ ਸਮੇਂ ਟੈਗ 'ਚ ਉਸ ਦਾ ਨਾਂ ਗਲਤ ਲਿੱਖ ਦਿੱਤਾ।
ਇਸ ਦਾ ਜਵਾਬ ਦਿੰਦੇ ਹੋਏ ਤਾਪਸੀ ਨੇ ਵਧਾਈ ਸਵੀਕਾਰ ਕਰਦੇ ਹੋਏ ਉਸ ਦੀ ਗਲਤੀ ਵੀ ਦੱਸ ਦਿੱਤੀ। ਇਸ ਤੋਂ ਬਾਅਦ ਕਰਨ ਜੌਹਰ ਨੇ ਅਰਜੁਨ ਨੂੰ ਕਿਹਾ ਕਿ ਅਜਿਹੀ ਅਗਲੀ ਵਾਰ ਨਾ ਕਰਨਾ ਕਿਉਂਕਿ ਤਾਪਸੀ ਬਹੁਤ ਗੁੱਸਾ ਹੋ ਜਾਂਦੀ ਹੈ। ਅਰਜੁਨ ਕਪੂਰ ਤੋਂ ਪਹਿਲਾਂ ਕਰਨ ਜੌਹਰ ਖੁਦ ਵੀ ਇਹੀ ਗਲਤੀ ਕਰ ਚੁੱਕੇ ਹਨ ਤੇ ਉਹ ਵੀ ਤਾਪਸੀ ਦੀ ਡਾਂਟ ਸੁਣ ਚੁੱਕੇ ਹਨ।
ਆਪਣੀ ਇਸ ਗਲਤੀ ਲਈ ਕਰਨ ਨੇ ਤਾਪਸੀ ਤੋਂ ਮੁਆਫੀ ਮੰਗ ਕੇ ਉਸ ਨੂੰ ਮਨਾਇਆ ਸੀ ਪਰ ਹੁਣ ਤਾਪਸੀ ਅਰਜੁਨ ਨੂੰ ਮੁਆਫ ਕਰਦੀ ਹੈ ਜਾਂ ਨਹੀਂ ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।
