ਮੁੰਬਈ(ਬਿਊਰੋ)— ਤੈਮੂਰ ਅਲੀ ਖਾਨ ਅੱਜ ਦੇ ਦੌਰ ਦਾ ਸਭ ਤੋਂ ਮਸ਼ਹੂਰ ਸਟਾਰ ਕਿਡ ਕਿਹਾ ਜਾਵੇ ਤਾਂ ਸ਼ਾਇਦ ਗਲਤ ਨਹੀਂ ਹੋਵੇਗਾ। ਮੀਡੀਆ ਤੈਮੂਰ ਦੀਆਂ ਤਸਵੀਰਾਂ ਕੈਮਰੇ 'ਚ ਕੈਦ ਕਰਨ ਲਈ ਹਰ ਥਾਂ ਮੌਜੂਦ ਰਹਿੰਦੇ ਹਨ, ਜੋ ਹੁਣ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਖਾਨ ਦੇ ਗੁਆਂਢੀਆਂ ਲਈ ਬਹੁਤ ਸਿਰਦਰਦ ਬਣ ਗਿਆ ਹੈ। ਇਸ ਪਰੇਸ਼ਾਨੀ ਕਾਰਨ ਇਸ ਗੁਆਂਢੀਆਂ ਨੇ ਪੁਲਸ 'ਚ ਸ਼ਿਕਾਇਤ ਕਰ ਦਿੱਤੀ ਹੈ। ਰਿਪੋਰਟਸ ਮੁਤਾਬਕ, ਤੈਮੂਰ ਦੀਆਂ ਤਸਵੀਰਾਂ ਲੈਣ ਲਈ ਵੱਡੀ ਗਿਣਤੀ 'ਚ ਫੋਟੋਗ੍ਰਾਫਰਸ ਸੈਫ ਅਤੇ ਕਰੀਨੇ ਦੇ ਘਰ ਦੇ ਬਾਹਰ ਮੌਜੂਦ ਰਹਿੰਦੀ ਹੈ।
ਇਸ ਤੋਂ ਹੋਣ ਵਾਲੇ ਰੌਲੇ ਅਤੇ ਹੋਰ ਪਰੇਸ਼ਾਨੀਆਂ ਦੇ ਚਲਦੇ ਸਟਾਰ ਕਪਲ ਦੇ ਗੁਆਂਢੀ ਇਨ੍ਹੇ ਪ੍ਰੇਸ਼ਾਨ ਹੋ ਗਏ ਕਿ ਉਨ੍ਹਾਂ ਨੇ ਫੋਟੋਗ੍ਰਾਫਰਸ (ਪਾਪਾਰਾਜ਼ੀ) ਖਿਲਾਫ ਸ਼ਿਕਾਇਤ ਕਰਵਾ ਦਿੱਤੀ। ਇਹੀ ਕਾਰਨ ਹੈ ਕਿ ਹੁਣ ਪਾਪਾਰਾਜ਼ੀ ਸੈਫ-ਕਰੀਨਾ ਦੇ ਘਰ ਦੇ ਬਾਹਰ ਨਜ਼ਰ ਨਹੀਂ ਆਉਂਦੇ ਹਨ। ਕੁਝ ਦਿਨ ਪਹਿਲਾਂ ਜਦੋਂ ਉਹ ਉੱਥੇ ਪਹੁੰਚੇ ਤਾਂ ਪੁਲਸ ਨੇ ਉਨ੍ਹਾਂ ਨੂੰ ਘਰ ਦੇ ਬਾਹਰ ਤੋਂ ਹਟਾਉਂਦੇ ਹੋਏ ਉੱਥੋਂ ਚਲੇ ਲਈ ਕਹਿ ਦਿੱਤਾ ਸੀ।
ਪਹਿਲਾਂ ਮੰਨਿਆ ਜਾ ਰਿਹਾ ਸੀ ਕਿ ਸੈਫ ਨੇ ਪਾਪਾਰਾਜ਼ੀਆਂ ਖਿਲਾਫ ਸ਼ਿਕਾਇਤ ਕੀਤੀ ਹੈ ਪਰ ਐਕਟਰ ਨੇ ਇਕ ਇੰਟਰਵਿਯੂ ਦੌਰਾਨ ਕਿਹਾ ਕਿ ਉਨ੍ਹਾਂ ਨੇ ਅਜਿਹਾ ਕੁਝ ਨਹੀਂ ਕੀਤਾ ਹੈ। ਹੁਣ ਲੱਗਦਾ ਹੈ ਕਿ ਇਹ ਸਾਫ ਹੁੰਦਾ ਦਿਖਾਈ ਦੇ ਰਿਹਾ ਹੈ ਕਿ ਆਖਿਰ ਸ਼ਿਕਾਇਤ ਕਿਸ ਨੇ ਕੀਤੀ ਸੀ। ਉਂਝ ਹੁਣ ਪਪਰਾਜ਼ੀ ਭਲੇ ਹੀ ਸੈਫ ਕਰੀਨੇ ਦੇ ਘਰ ਦੇ ਬਾਹਰ ਨਹੀਂ ਦਿਖਦੇ ਹੋਣ ਪਰ ਉਨ੍ਹਾਂ ਦਾ ਤੈਮੂਰ ਨੂੰ ਬਾਕੀ ਥਾਵਾਂ 'ਤੇ ਫਾਲੋ ਕਰਨਾ ਜਾਰੀ ਹੈ।