ਮੁੰਬਈ (ਬਿਊਰੋ)— ਬੀਤੇ ਦਿਨੀਂ ਤੈਮੂਰ ਨਾਲ ਇਕ ਘਟਨਾ ਘਟੀ ਹੈ। ਦਰਅਸਲ ਨੈਨੀ ਨਾਲ ਆਊੁਟਿੰਗ 'ਤੇ ਨਿਕਲੇ ਤੈਮੂਰ ਨਾਲ ਇਕ ਸ਼ਖਸ ਨੇ ਜਬਰਨ ਸੈਲਫੀ ਕਲਿੱਕ ਕਰਨ ਦੀ ਕੋਸ਼ਿਸ਼ ਕੀਤੀ। ਹਾਲਾਂਕਿ ਇਹ ਸ਼ਖਸ ਆਪਣੇ ਮਕਸਦ 'ਚ ਸਫਲ ਨਾ ਹੋ ਸਕਿਆ ਕਿਉਂਕਿ ਤੈਮੂਰ ਦੀ ਨੈਨੀ ਨੇ ਉਸ ਨੂੰ ਉੱਥੋਂ ਭਜਾ ਦਿੱਤਾ। ਹੁਣ ਇਸ ਗੱਲ ਦੀ ਚਰਚਾ ਹੋ ਰਹੀ ਹੈ ਕਿ ਇਸ ਘਟਨਾ ਤੋਂ ਬਾਅਦ ਪਟੌਦੀ ਪਰਿਵਾਰ ਤੈਮੂਰ ਦੀ ਸੁਰੱਖਿਆ ਲਈ ਬਾਡੀਗਾਰਡ ਰੱਖਣ ਦਾ ਪਲਾਨ ਬਣਾ ਰਿਹਾ ਹੈ।
ਇਕ ਰਿਪੋਰਟ ਮੁਤਾਬਕ ਇਸ ਗੱਲ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਤੈਮੂਰ ਲਈ ਸੈਫ-ਕਰੀਨਾ ਬਾਡੀਗਾਰਡ ਰੱਖ ਸਕਦੇ ਹਨ।
ਹਾਲਾਂਕਿ ਇਸ ਬਾਰੇ ਕੋਈ ਵੀ ਅਧਿਕਾਰਤ ਸੂਚਨਾ ਸਾਹਮਣੇ ਨਹੀਂ ਆਈ ਹੈ ਪਰ ਤੈਮੂਰ ਦੀ ਸੁਰੱਖਿਆ ਨੂੰ ਲੈ ਕੇ ਸੈਫ ਅਤੇ ਕਰੀਨਾ ਕਾਫੀ ਗੰਭੀਰ ਹਨ। ਕਰੀਨਾ ਕਪੂਰ ਪਹਿਲਾਂ ਹੀ ਇਕ ਇੰਟਰਵਿਊ 'ਚ ਇਸ ਗੱਲ ਦਾ ਜ਼ਿਕਰ ਕਰ ਚੁੱਕੇ ਹਨ ਕਿ ਕਈ ਵਾਰ ਮੀਡੀਆ ਦੀ ਲਗਾਤਾਰ ਤੈਮੂਰ ਨੂੰ ਮਿਲਣ ਵਾਲੀ ਅਟੈਂਸ਼ਨ ਉਨ੍ਹਾਂ ਨੂੰ ਪਰੇਸ਼ਾਨ ਕਰਦੀ ਹੈ।
ਤੈਮੂਰ ਆਪਣੀ ਕਿਊਟਨੈੱਸ ਕਾਰਨ ਹੁਣ ਤੱਕ ਦੇ ਸਭ ਤੋਂ ਮਸ਼ਹੂਰ ਸਟਾਰ ਕਿੱਡ ਬਣ ਚੁੱਕੇ ਹਨ। ਆਏ ਦਿਨ ਮੀਡੀਆ ਦੇ ਕੈਮਰੇ ਉਨ੍ਹਾਂ ਦੀ ਇਕ ਝਲਕ ਪਾਉਣ ਲਈ ਬੇਤਾਬ ਰਹਿੰਦੇ ਹਨ।