ਮੁੰਬਈ(ਬਿਊਰੋ)- ਸੈਫ ਅਲੀ ਖਾਨ ਤੇ ਕਰੀਨਾ ਕਪੂਰ ਖਾਨ ਦੇ ਬੇਟੇ ਤੈਮੂਰ ਅਲੀ ਖਾਨ ਦੀ ਪ੍ਰਸਿੱਧੀ ਕਿਸੇ ਤੋਂ ਲੁੱਕੀ ਨਹੀਂ ਹੈ ਪਰ ਹੁਣ ਤਾਂ ਤੈਮੂਰ ਦੀ ਦੀਵਾਨਗੀ ਇੰਨ੍ਹੀਂ ਵਧ ਗਈ ਹੈ ਕਿ ਲੋਕ ਉਸ ਦੇ ਨਾਂ ਦੇ ਖਿਡੌਣੇ ਵੇਚ ਰਹੇ ਹਨ। ਜੀ ਹਾਂ, ਇਹ ਬਿਲਕੁਲ ਸੱਚ ਹੈ ਕਿ, ਜਿਸ ਦਾ ਸਬੂਤ ਹੈ ਇਹ ਤਸਵੀਰ, ਜੋ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ ਦੇ ਕੈਪਸ਼ਨ ’ਚ ਲਿਖਿਆ ਹੈ, ‘‘ਇਹ ਗੁੱਡਾ ਕੇਰਲਾ ਦੇ ਇਕ ਸਟੋਰ ’ਚ ਵਿਕ ਰਿਹਾ ਹੈ।’’ ਮਤਲਬ ਇਹ ਖਿਡੌਣਾ ਕੰਪਨੀਆਂ ਨੂੰ ਵੀ ਤੈਮੂਰ ਦੀ ਪ੍ਰਸਿੱਧੀ ਦਾ ਅੰਦਾਜ਼ਾ ਹੈ ਤਾਂ ਹੀ ਉਸ ਦੇ ਨਾਂ ਨਾਲ ਖਿਡੌਣੇ ਵੇਚੇ ਜਾ ਰਹੇ ਹਨ।
ਗੁੱਡੇ ਨੂੰ ਦਿੱਤਾ ਤੈਮੂਰ ਵਰਗਾ ਲੁੱਕ
ਇਸ ਗੁੱਡੇ ਦਾ ਲੁੱਕ ਵੀ ਤੈਮੂਰ ਵਰਗਾ ਹੀ ਹੈ। ਤੈੂਮਰ ਵਰਗੇ ਖਿਲਰੇ ਵਾਲ, ਗੋਲ ਚਿਹਰਾ ਤੇ ਮਾਸੂਮੀਅਤ। ਇੰਨਾ ਹੀ ਨਹੀਂ ਗੁੰਡੇ ਦੇ ਕਵਰ ’ਤੇ ਵੀ ਤੈਮੂਰ ਲਿਖਿਆ ਹੋਇਆ ਹੈ। ਹੁਣ ਦੇਖਣਾ ਹੈ ਕਿ ਆਪਣੇ ਲਾਡਲੇ ਦਾ ਇਹ ਗੁੱਡਾ ਦੇਖ ਕੇ ਸੈਫ-ਕਰੀਨਾ ਕਿਵੇਂ ਦਾ ਰਿਐਕਸ਼ਨ ਦਿੰਦੇ ਹਨ।
ਤੈਮੂਰ ਦੀ ਇਕ ਤਸਵੀਰ ਦੀ ਕੀਮਤ
ਕੁਝ ਦਿਨ ਪਹਿਲੇ ਹੀ ਸੈਫ ਨੇ ਕਰਨ ਜੌਹਰ ਦੇ ਚੈਟ ਸ਼ੋਅ ‘ਕਾਫੀ ਵਿਦ ਕਰਨ’ ’ਚ ਦੱਸਿਆ ਕੀ ਤੈਮੂਰ ਦੀਆਂ ਜਿਹੜੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਆਉਂਦੀਆਂ ਹਨ, ਉਨ੍ਹਾਂ ਦੀ ਕੀਮਤ 1500 ਰੁਪਏ ਪ੍ਰਤੀ ਤਸਵੀਰ ਹੁੰਦੀ ਹੈ। ਸੈਫ ਮੁਤਾਬਕ, ਇਸ ਗੱਲ ਦੀ ਜਾਣਕਾਰੀ ਉਸ ਦੇ ਸਹੁਰੇ ਸਾਹਿਬ ਰਣਧੀਰ ਕਪੂਰ ਨੇ ਦਿੱਤੀ ਹੈ। ਬਕੌਲ ਸੈਫ ਜਦੋਂ ਉਸ ਨੂੰ ਤੈਮੂਰ ਦੀ ਇਕ ਤਸਵੀਰ ਦਾ ਰੇਟ ਪਤਾ ਲੱਗਾ ਤਾਂ ਉਹ ਖੁਦ ਵੀ ਹੈਰਾਨ ਰਹਿ ਗਏ।
ਤੈਮੂਰ ਤੋਂ ਕਰਾਉਣਾ ਚਾਹੁੰਦੇ ਹਨ ਨੈਪੀ ਐਡ
ਕੁਝ ਸਮੇਂ ਪਹਿਲਾਂ ਹੀ ਇਕ ਇੰਟਰਵਿਊ ਦੌਰਾਨ ਸੈਫ ਅਲੀ ਖਾਨ ਨੇ ਮਜ਼ਾਕ ’ਚ ਇਹ ਗੱਲ ਆਖੀ ਸੀ ਕਿ ਜੇਕਰ ਉਸ ਨੂੰ ਤੈਮੂਰ ਦੇ ਜਰੀਏ ਚੰਗਾ ਪੈਸਾ ਕਮਾਉਣ ਲਈ ਮਿਲਦਾ ਹੈ ਤਾਂ ਉਸ ਨੂੰ ਕਿਸੇ ਤਰ੍ਹਾਂ ਦੀ ਕੋਈ ਪਰੇਸ਼ਾਨੀ ਨਹੀਂ ਹੈ। ਸੈਫ ਨੇ ਤਾਂ ਇਹ ਵੀ ਕਿਹਾ ਸੀ ਕਿ ਜੇਕਰ ਕਿਸੇ ਕੋਲ ਚੰਗਾ ਨੈਪੀ ਵਿਗਿਆਪਨ ਹੋਵੇ ਤਾਂ ਤੈਮੂਰ ਨੂੰ ਕਾਸਟ ਕਰ ਸਕਦੇ ਹਨ। ਹਾਲਾਂਕਿ ਤੈਮੂਰ ਦੀ ਕਿਊਟਨੈ¤ਸ ਨਾਲ ਰੁਪਏ ਕਮਾਉਣ ’ਤੇ ਕਰੀਨਾ ਕਪੂਰ ਖਾਨ ਆਪਣੇ ਪਤੀ ਤੋਂ ਉਲਟ ਸੋਚਦੀ ਹੈ। ਸੈਫ ਮੁਤਾਬਕ, ਜਦੋਂ ਉਨ੍ਹਾਂ ਨੇ ਇਹ ਗੱਲ ਮਜ਼ਾਕੀਆ ਤਰੀਕੇ ਨਾਲ ਕਰੀਨਾ ਨੂੰ ਆਖੀ ਤਾਂ ਉਨ੍ਹਾਂ ਨੇ ਕਿਹਾ ਸੀ ਕਿ ਤੁਸੀਂ ਇੰਨੇ ਚੀਪ ਨਾ ਬਣੋ।
