ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸਭ ਤੋਂ ਮਸ਼ਹੂਰ ਕਿੱਡ ਤੈਮੂਰ ਅਲੀ ਖ਼ਾਨ ਆਪਣੀ ਕਿਊਟਨੈੱਸ ਕਾਰਨ ਹਮੇਸ਼ਾ ਸੁਰਖੀਆਂ 'ਚ ਰਹਿੰਦੇ ਹਨ। ਉਨ੍ਹਾਂ ਦੀਆਂ ਤਸਵੀਰਾਂ ਆਉਂਦੇ ਹੀ ਵਾਇਰਲ ਹੋ ਜਾਂਦੀਆਂ ਹਨ। 20 ਦਸੰਬਰ ਨੂੰ ਕਰੀਨਾ ਦਾ ਲਾਡਲਾ ਤੈਮੂਰ ਦੋ ਸਾਲ ਦਾ ਹੋ ਜਾਵੇਗਾ। ਜਨਮਦਿਨ ਦੇ ਜਸ਼ਨ ਦੀਆਂ ਤਿਆਰੀਆਂ ਹੁਣ ਤੋਂ ਹੀ ਸ਼ੁਰੂ ਹੋ ਗਈਆਂ ਹਨ।
ਬੀਤੀ ਸ਼ਾਮ ਵੀ ਕਰੀਨਾ-ਸੈਫ ਨੇ ਆਪਣੇ ਘਰ ਪ੍ਰੀ-ਬਰਥਡੇ ਪਾਰਟੀ ਕੀਤੀ। ਇਸ ਪਾਰਟੀ 'ਚ ਤੈਮੂਰ ਦੇ ਚਾਹੁਣ ਵਾਲਿਆਂ ਨੇ ਤੈਮੂਰ ਕਾਫੀ ਤੋਹਫੇ ਦਿੱਤੇ। ਇਸ ਦੀਆਂ ਤਸਵੀਰਾਂ ਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ 'ਚ ਸਭ ਤੋਂ ਖਾਸ ਹੈ ਤੈਮੂਰ ਨੂੰ ਮਿਲੀ ਯੈਲੋ ਕਲਰ ਦੀ ਲੈਂਬੋਰਗਿੰਨੀ ਕਾਰ। ਜਿਸ ਦੀ ਵੀਡੀਓ ਕਾਫੀ ਵਾਇਰਲ ਹੋ ਰਹੀ ਹੈ। ਜੀ ਹਾਂ, ਦੋ ਸਾਲ ਦੇ ਹੋਣ ਵਾਲੇ ਛੋਟੇ ਨਵਾਬ ਨੂੰ ਛੋਟੀ ਜਿਹੀ ਲੈਂਬੋਰਗਿੰਨੀ ਮਿਲੀ ਹੈ ਜਿਸ ਨੂੰ ਨੀਲੇ ਗੁਬਾਰਿਆਂ ਨਾਲ ਸਜਾਇਆ ਗਿਆ।