ਮੁੰਬਈ(ਬਿਊਰੋ)— ਇਨ੍ਹੀਂ ਦਿਨੀਂ ਦੇਸ਼ ਭਰ 'ਚ ਤਿਉਹਾਰਾਂ ਦਾ ਸੀਜ਼ਨ ਨੂੰ ਸੈਲੀਬ੍ਰੇਟ ਕੀਤਾ ਜਾ ਰਿਹਾ ਹੈ। ਅਜਿਹੇ ਖਾਸ ਮੌਕਿਆਂ 'ਤੇ ਬਾਲੀਵੁੱਡ ਕਿਵੇਂ ਪਿੱਛੇ ਰਹਿ ਸਕਦਾ ਹੈ। ਹਾਲ ਹੀ 'ਚ ਕਰੀਨਾ ਕਪੂਰ ਖਾਨ ਦੇ ਨੰਨ੍ਹੇ ਤੈਮੂਰ ਅਲੀ ਖਾਨ ਅਤੇ ਸੋਹਾ ਅਲੀ ਖਾਨ ਦੀ ਧੀ ਇਨਾਇਆ ਦੀਆਂ ਪ੍ਰੀ ਦੀਵਾਲੀ ਸੈਲੀਬ੍ਰੇਸ਼ਨ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਤੈਮੂਰ ਮਾਂ ਕਰੀਨਾ ਕਪੂਰ ਨਾਲ ਪਲੇ ਵੇ ਸਕੂਲ 'ਚ ਹੋਏ ਦੀਵਾਲੀ ਸੈਲੀਬਰੇਸ਼ਨ 'ਚ ਹਿੱਸਾ ਲੈਣ ਲਈ ਪਹੁੰਚਿਆ ਸੀ। ਇਸ ਦੌਰਾਨ ਤੈਮੂਰ ਨੇ ਕੁੜਤਾ ਪਜਾਮਾ ਕੈਰੀ ਕੀਤਾ ਸੀ, ਜਿਸ 'ਚ ਉਹ ਬੇਹੱਦ ਕਿਊਟ ਲੱਗ ਰਿਹਾ ਸੀ।
ਤੈਮੂਰ ਅਲੀ ਖਾਨ ਦੇ ਨਾਲ ਉਸ ਦੀ ਭੂਆ ਸੋਹਾ ਅਲੀ ਖਾਨ ਵੀ ਨਜ਼ਰ ਆ ਰਹੀ ਸੀ। ਉਹ ਆਪਣੀ ਬੇਟੀ ਇਨਾਇਆ ਨਾਲ ਦੀਵਾਲੀ ਦੇ ਇਸ ਸਮਾਰੋਹ 'ਚ ਪਹੁੰਚੀ ਹੋਈ ਸੀ।
ਉਹ ਆਪਣੀ ਮਾਂ ਦੀ ਗੋਦ 'ਚ ਬੇਹੱਦ ਕਿਊਟ ਨਜ਼ਰ ਆ ਰਹੀ ਸੀ। ਇਹ ਦੋਵੇਂ ਭੈਣ ਭਰਾ ਅਕਸਰ ਇੱਕਠੇ ਨਜ਼ਰ ਆ ਜਾਂਦੇ ਹਨ। ਕਰੀਨਾ ਕਪੂਰ ਅਤੇ ਸੋਹਾ ਅਲੀ ਖਾਨ ਦੋਵੇਂ ਨਨਾਣ ਭਰਜਾਈ ਹਨ ਅਤੇ ਅਕਸਰ ਦੋਵੇਂ ਵਧੀਆ ਬਾਂਡ ਸ਼ੇਅਰ ਕਰਦੀਆਂ ਹਨ।