ਮੁੰਬਈ(ਬਿਊਰੋ)— ਬਾਲੀਵੁੱਡ ਸੈਲੀਬ੍ਰਿਟੀ ਸਟਾਰ ਕਿੱਡ ਤੈਮੂਰ ਅਲੀ ਖਾਨ ਸੋਸ਼ਲ ਮੀਡੀਆ 'ਚ ਕਾਫੀ ਮਸ਼ਹੂਰ ਹੈ। ਤੈਮੂਰ ਦੇ ਹਰ ਲੁੱਕ ਅਤੇ ਅੰਦਾਜ਼ ਨੂੰ ਫੋਟੋਗ੍ਰਾਫਰ ਕੈਮਰਿਆਂ 'ਚ ਕੈਦ ਕਰਨ ਨੂੰ ਤਿਆਰ ਰਹਿੰਦੇ ਹਨ। ਹਾਲ ਹੀ 'ਚ ਉਸ ਦੀਆਂ ਕੁਝ ਤਸਵੀਰਾਂ ਤੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਦਰਅਸਲ ਇਹ ਤਸਵੀਰਾਂ ਤੇ ਵੀਡੀਓਜ਼ ਗਣਪਤੀ ਬੱਪਾ ਦੇ ਸੈਲੀਬ੍ਰੇਸ਼ਨ ਦੌਰਾਨ ਦੀਆਂ ਹਨ। ਤੈਮੂਰ ਗਣਪਤੀ ਦੇ ਦਰਸ਼ਨ ਕੀਤੇ ਅਤੇ ਪਰਿਵਾਰ ਨਾਲ ਕਾਫੀ ਮਸਤੀ ਕੀਤੀ। ਕਰੀਨਾ ਕਪੂਰ ਖਾਨ ਮੰਗਲਵਾਰ ਨੂੰ ਆਪਣੀ ਭੂਆ ਰੀਮਾ ਜੈਨ ਦੇ ਘਰ ਗਣਪਤੀ ਦੇ ਦਰਸ਼ਨ ਕਰਨ ਪਹੁੰਚੀ ਸੀ। ਇਸ ਦੌਰਾਨ ਉਸ ਨਾਲ ਤੈਮੂਰ ਵੀ ਮੌਜੂਦ ਸੀ।
ਉਸ ਚਿੱਟੇ ਰੰਗ ਦਾ ਕੁੜਤਾ ਪਜਾਮਾ ਪਾਇਆ ਸੀ, ਜਿਸ ਫੈਨਜ਼ ਵਲੋਂ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਰੀਮਾ ਜੈਨ ਦੇ ਦੋਵੇਂ ਬੇਟੇ ਅਦਾਰ ਅਤੇ ਅਰਮਾਨ ਜੈਨ ਨੇ ਤੇਮੂਰ ਨਾਲ ਤਸਵੀਰਾਂ ਅਤੇ ਵੀਡੀਓ ਜਾਰੀ ਕੀਤੀਆਂ ਹਨ।
ਦੱਸ ਦੇਈਏ ਕਿ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਦਾ ਲਾਡਲਾ ਤੈਮੂਰ ਪਲੇਅ ਸਕੂਲ ਜਾਂਦਾ ਹੈ। ਜਦੋਂ ਤੋਂ ਤੈਮੂਰ ਪਲੇਅ ਸਕੂਲ ਜਾ ਰਿਹਾ ਹੈ ਉਦੋਂ ਤੋਂ ਰੋਜਾਨਾ ਉਸ ਦੀਆਂ ਤਸਵੀਰਾਂ ਅਤੇ ਵੀਡੀਓ ਸੋਸ਼ਲ ਮੀਡੀਆ ਤੇ ਵਾਇਰਲ ਹੁੰਦੀਆਂ ਨਜ਼ਰ ਆ ਰਹੀਆਂ ਹਨ।