ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਐਕਟਰ ਸੈਫ ਅਲੀ ਖਾਨ ਤੇ ਅਭਿਨੇਤਰੀ ਕਰੀਨਾ ਕਪੂਰ ਦੇ ਬੇਟੇ ਤੈਮੂਰ ਅਲੀ ਖਾਨ ਅੱਜ ਤਿੰਨ ਸਾਲ ਦੇ ਹੋ ਗਏ ਹਨ। ਤੈਮੂਰ ਅਲੀ ਖਾਨ ਦਾ ਜਨਮਦਿਨ ਬੀਤੀ ਰਾਤ ਉਨ੍ਹਾਂ ਦੇ ਪਰਿਵਾਰ ਨੇ ਬਹੁਤ ਹੀ ਧੂਮਧਾਮ ਨਾਲ ਮਨਾਇਆ।
ਉਨ੍ਹਾਂ ਦੇ ਜਨਮਦਿਨ ਦੇ ਇਸ ਖਾਸ ਮੌਕੇ ’ਤੇ ਪਾਪਾ ਸੈਫ ਅਲੀ ਖਾਨ ਤੇ ਮਾਂ ਕਰੀਨਾ ਕਪੂਰ, ਮਾਸੀ ਕਰਿਸ਼ਮਾ ਕਪੂਰ, ਸੋਹਾ ਅਲੀ ਖਾਨ ਅਤੇ ਰੀਮਾ ਜੈਨ ਵੀ ਮੌਜੂਦ ਸਨ। ਤੈਮੂਰ ਦੇ ਜਨਮਦਿਨ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ ’ਤੇ ਵੀ ਖੂਬ ਸੁਰਖੀਆਂ ਬਟੋਰ ਰਹੀਆਂ ਹਨ।
ਇਸ ਦੇ ਨਾਲ ਹੀ ਤੈਮੂਰ ਦੀ ਜਨਮਦਿਨ ਪਾਰਟੀ ਮੌਕੇ ਕਰਨ ਜੌਹਰ ਦੇ ਬੇਟੇ ਜੱਸ ਜੌਹਰ ਤੇ ਰਿਤੇਸ਼ ਦੇਸ਼ਮੁਖ ਤੇ ਜਿਨੇਲੀਆ ਡਿਸੂਜਾ ਦੇ ਬੱਚੇ ਰਿਆਨ ਅਤੇ ਰਾਹਿਲ ਤੇ ਕਈ ਹੋਰ ਨੰਨ੍ਹੇ ਸਟਾਰ ਕਿਡਸ ਵੀ ਸ਼ਾਮਿਲ ਹੋਏ ਸਨ।
ਆਪਣੇ ਬਰਥਡੇ ’ਤੇ ਤੈਮੂਰ ਨੇ ਕ੍ਰਿਸਮਸ ਥੀਂਸ ਕੇਕ ਕੱਟ ਕੀਤਾ, ਜਿਸ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡਿਆ ’ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।ਦੱਸ ਦੇਈਏ ਕਿ ਸੈਫ ਅਲੀ ਖਾਨ ਅਤੇ ਕਰੀਨਾ ਕਪੂਰ ਨੇ ਸਾਲ 2012 ਵਿਚ ਵਿਆਹ ਕਰਵਾਇਆ ਸੀ।
ਉਥੇ ਹੀ ਤੈਮੂਰ ਅਲੀ ਖਾਨ ਦਾ ਜਨਮ 20 ਦਸੰਬਰ 2016 ਨੂੰ ਹੋਇਆ। ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਕਰੀਨਾ ਕਪੂਰ ਦੀ ‘ਗੁੱਡ ਨਿਊਜ਼’ ਜਲਦ ਹੀ ਰਿਲੀਜ਼ ਹੋਣ ਵਾਲੀ ਹੈ। ਇਸ ਫਿਲਮ ਵਿਚ ਉਨ੍ਹਾਂ ਨਾਲ ਅਕਸ਼ੈ ਕੁਮਾਰ, ਕਿਆਰਾ ਅਡਵਾਣੀ ਅਤੇ ਦਿਲਜੀਤ ਦੋਸਾਂਝ ਨਾਲ ਨਜ਼ਰ ਆਉਣਗੇ।
