ਮੁੰਬਈ (ਬਿਊਰੋ)— ਸੁਨੀਲ ਸ਼ੈੱਟੀ ਦੇ ਬੇਟੇ ਅਹਾਨ ਸ਼ੈੱਟੀ ਤੇ ਉਸ ਦੀ ਗਰਲਫਰੈਂਡ ਦੋਸਤਾਂ ਨਾਲ ਕੁਝ ਦਿਨ ਪਹਿਲਾਂ ਮੁੰਬਈ ਦੇ ਬਾਂਦਰਾ 'ਚ ਦੇਖੇ ਗਏ ਸਨ। ਉਸੇ ਦੌਰਾਨ ਉਨ੍ਹਾਂ ਦੀਆਂ ਕੁਝ ਤਸਵੀਰਾਂ ਖਿੱਚੀਆਂ ਗਈਆਂ ਸਨ। ਦੱਸਣਯੋਗ ਹੈ ਕਿ ਸਾਜਿਦ ਨਾਡੀਆਡਵਾਲਾ ਦੀ ਫਿਲਮ ਨਾਲ ਬਾਲੀਵੁੱਡ 'ਚ ਐਂਟਰੀ ਕਰਨ ਦੀ ਤਿਆਰੀ 'ਚ ਲੱਗੇ ਅਹਾਨ ਨੇ ਅਜੇ ਤਕ ਆਪਣਾ ਰਿਸ਼ਤਾ ਜਨਤਕ ਨਹੀਂ ਕੀਤਾ ਹੈ। ਜੈਕੀ ਸ਼ਰਾਫ ਦੇ ਬੇਟੇ ਟਾਈਗਰ ਸ਼ਰਾਫ ਵਾਂਗ ਅਹਾਨ ਵੀ ਖੁੱਲ੍ਹੇ ਸੁਭਾਅ ਦੇ ਨਹੀਂ ਹਨ ਤੇ ਉਹ ਆਪਣੀ ਨਿੱਜੀ ਜ਼ਿੰਦਗੀ 'ਤੇ ਖੁੱਲ੍ਹ ਕੇ ਗੱਲਬਾਤ ਨਹੀਂ ਕਰਦੇ ਹਨ। ਅਹਾਨ ਦੀ ਗਰਲਫਰੈਂਡ ਤਾਨੀਆ ਇਕ ਬਿਜ਼ਨੈੱਸਮੈਨ ਦੀ ਬੇਟੀ ਹੈ। ਅਜਿਹੀਆਂ ਖਬਰਾਂ ਹਨ ਕਿ ਤਾਨੀਆ ਤੇ ਅਹਾਨ ਪਿਛਲੇ ਤਿੰਨ-ਚਾਰ ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਤਾਨੀਆ ਇਕ ਮਾਡਲ ਹੈ। ਦੋਵਾਂ ਵਿਚਾਲੇ ਲਾਂਗ ਡਿਸਟੈਂਸ ਰਿਲੇਸ਼ਨਸ਼ਿਪ ਦੀ ਗੱਲ ਦੱਸੀ ਜਾਂਦੀ ਹੈ। ਤਾਨੀਆ ਘੁੰਮਣ ਦੀ ਸ਼ੌਕੀਨ ਹੈ ਤੇ ਸੋਸ਼ਲ ਮੀਡੀਆ 'ਤੇ ਕਾਫੀ ਐਕਟਿਵ ਰਹਿੰਦੀ ਹੈ। ਉਹ ਜਿਥੇ ਵੀ ਜਾਂਦੀ ਹੈ, ਆਪਣੀਆਂ ਤਸਵੀਰਾਂ ਨੂੰ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕਰਨਾ ਨਹੀਂ ਭੁੱਲਦੀ।