ਜਲੰਧਰ(ਬਿਊਰੋ)— ਪੰਜਾਬੀ ਅਦਾਕਾਰਾ ਤੇ ਮਾਡਲ ਤਨਵੀ ਨਾਗੀ ਅੱਜ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਨ੍ਹਾਂ ਦਾ ਜਨਮ 19 ਜੁਲਾਈ 1995 ਨੂੰ ਲੁਧਿਆਣਾ 'ਚ ਹੋਇਆ। ਉਨ੍ਹਾਂ ਦੇ ਪਿਤਾ ਰਾਕੇਸ਼ ਨਾਗੀ ਵੱਡੇ ਬਿਜ਼ਨੈੱਸਮੈਨ ਹਨ। ਕੁਝ ਲੋਕ ਤਾਂ ਭੀੜ 'ਚ ਉਨ੍ਹਾਂ ਨੂੰ ਦੇਖ ਕੇ ਧੋਖਾ ਖਾ ਜਾਂਦੇ ਹਨ ਕਿ ਸ਼ਾਇਦ ਇਹ ਜ਼ਰੀਨ ਖਾਨ ਹੈ। ਦੱਸ ਦੇਈਏ ਕਿ ਤਨਵੀ ਨਾਗੀ ਮੈਡੀਕਲ ਦੀ ਵਿਦਿਆਰਥਣ ਹੋਣ ਦੇ ਨਾਲ-ਨਾਲ ਪਿਛਲੇ 3 ਸਾਲਾਂ ਤੋਂ ਪਾਲੀਵੁੱਡ ਇੰਡਸਟਰੀ ਨਾਲ ਵੀ ਜੁੜੀ ਹੋਈ ਹੈ। ਉਨ੍ਹਾਂ ਨੇ ਮਨਕੀਰਤ ਔਲਖ, ਨਿੰਜਾ, ਗੈਰੀ ਸੰਧੂ ਵਰਗੇ ਕਈ ਸੁਪਰਸਟਾਰ ਸਿੰਗਰਾਂ ਨਾਲ ਮਿਊਜ਼ਿਕ ਵੀਡੀਓ 'ਚ ਕੰਮ ਕੀਤਾ ਹੈ। ਇਹ ਹੀ ਨਹੀਂ ਤਨਵੀ ਨੇ ਫਿਲਮ 'ਵਨਸ ਅਪੋਨ ਅ ਟਾਈਮ ਇਨ ਅੰਮ੍ਰਿਤਸਰ' 'ਚ ਵੀ ਮੁੱਖ ਕਿਰਦਾਰ ਨਿਭਾਇਆ ਸੀ। ਬਚਪਨ ਤੋਂ ਹੀ ਉਨ੍ਹਾਂ ਨੂੰ ਗਾਉਣ ਦਾ ਸ਼ੌਂਕ ਸੀ। ਤਨਵੀ ਨਾਗੀ ਨੂੰ ਮਿਊਜ਼ਿਕ ਵਿਰਾਸਤ 'ਚ ਮਿਲਿਆ ਹੈ। ਉਨ੍ਹਾਂ ਦੇ ਨਾਨਾ ਅਤੇ ਮਾਂ ਨੂੰ ਵੀ ਗਾਇਕੀ 'ਚ ਬਹੁਤ ਸ਼ੌਂਕ ਸੀ। ਕਾਲਜ 'ਚ ਪੜ੍ਹਾਈ ਕਰਦਿਆਂ ਉਨ੍ਹਾਂ ਨੂੰ ਸਟਾਈਲਿਸ਼ ਲੁੱਕ ਕਾਰਨ ਕਈ ਮਿਊਜ਼ਿਕ ਵੀਡੀਓ ਦੇ ਆਫਰ ਆਉਣ ਲੱਗੇ। ਬਸ ਫਿਰ ਉਨ੍ਹਾਂ ਨੇ ਇਕ ਵਾਰ ਕਿਸਮਤ ਅਜਮਾ ਕੇ ਦੇਖੀ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕਦੇ ਪਿੱਛੇ ਮੁੜ ਕੇ ਨਾ ਦੇਖਿਆ। ਇਕ ਇੰਟਰਵਿਊ ਦੌਰਾਨ ਤਨਵੀ ਨੇ ਦੱਸਿਆ ਸੀ ਕਿ ਕਿਵੇਂ ਉਸ ਨੇ ਮੈਡੀਕਲ ਪੜ੍ਹਾਈ ਛੱਡ ਕੇ ਐਕਟਿੰਗ ਦੀ ਦੁਨੀਆ 'ਚ ਕਦਮ ਰੱਖਿਆ। ਉਹ ਚਾਹੁੰਦੀ ਸੀ ਕਿ ਉਹ ਪਲੇਅਬੈਕ ਗਾਇਕਾ ਬਣੇ। ਗਾਇਕੀ ਦੇ ਖੇਤਰ 'ਚ ਕਿਵੇਂ ਐਟਰੀ ਹੋਵੇਗੀ, ਉਨ੍ਹਾਂ ਨੂੰ ਇਸ ਗੱਲ ਦਾ ਪਤਾ ਨਹੀਂ ਸੀ। ਇਸ ਤੋਂ ਇਲਾਵਾ ਤਨਵੀ ਦਾ ਕਹਿਣਾ ਹੈ ਕਿ ਐਕਟਿੰਗ ਨੂੰ ਕਿਸੇ ਤੋਂ ਸਿੱਖਿਆ ਨਹੀਂ ਜਾ ਸਕਦਾ, ਇਹ ਚੀਜ਼ ਸਾਡੇ ਅੰਦਰ ਹੀ ਹੁੰਦੀ ਹੈ। ਜਿਹੜੇ ਕਲਾਕਾਰ ਇਸ ਖੂਬੀ ਨੂੰ ਅੰਦਰੋਂ ਪਛਾਣ ਲੈਂਦੇ ਹਨ, ਉਹੀ ਹੀ ਅਸਲੀ ਐਕਟਿੰਗ ਕਰ ਸਕਦਾ ਹੈ।''