ਮੁੰਬਈ(ਬਿਊਰੋ)- ਬਾਲੀਵੁੱਡ ਐਕਟਰ ਸਲਮਾਨ ਖਾਨ ਦੇ ਘਰ ਨੂੰ ਬੰਬ ਨਾਲ ਉਡਾਣ ਦੀ ਧਮਕੀ ਦਿੱਤੀ ਗਈ । ਗਾਜ਼ੀਆਬਾਦ ਦੇ 16 ਸਾਲ ਦੇ ਇਕ ਲੜਕੇ ਨੇ ਮੁੰਬਈ ਪੁਲਸ ਨੂੰ ਈਮੇਲ ਭੇਜ ਕੇ ਸਲਮਾਨ ਖਾਨ ਦੇ ਘਰ ਨੂੰ ਬੰਬ ਨਾਲ ਉਡਾਣ ਦੀ ਧਮਕੀ ਦਿੱਤੀ। ਇਸ ਈਮੇਲ ਦੇ ਸਾਹਮਣੇ ਆਉਣ ਤੋਂ ਬਾਅਦ ਤੋਂ ਹੀ ਪੁਲਸ ਐਕਸ਼ਨ ਮੋੜ ਵਿਚ ਆ ਗਈ। ਰਿਪੋਰਟ ਮੁਤਾਬਕ ਇਹ ਈਮੇਲ 4 ਦਸੰਬਰ ਨੂੰ ਗਾਜ਼ੀਆਬਾਦ ਤੋਂ ਬਾਂਦਰਾ ਪੁਲਸ ਨੂੰ ਭੇਜੀ ਗਿਆ ਸੀ। ਇਸ ਈਮੇਲ ਵਿਚ ਲੜਕੇ ਨੇ ਲਿਖਿਆ,‘‘ਬਾਂਦਰਾ ਵਿਚ ਗੈਲੇਕਸੀ, ਸਲਮਾਨ ਖਾਨ ਦੇ ਘਰ ’ਤੇ ਅਗਲੇ ਦੋ ਘੰਟਿਆਂ ਵਿਚ ਬਲਾਸਟ ਹੋਵੇਗਾ, ਰੋਕ ਸਕੋ ਤਾਂ ਰੋਕ ਲਓ।’’ ਇਸ ਈਮੇਲ ਦੀ ਜਾਣਕਾਰੀ ਮਿਲਦਿਆਂ ਹੀ ਪੁਲਸ ਐਕਸ਼ਨ ਮੋੜ ਵਿਚ ਆ ਗਈ। ਦੱਸ ਦੇਈਏ ਕਿ ਸਲਮਾਨ ਖਾਨ ਮੁੰਬਈ ਦੇ ਬਾਂਦਰਾ ਇਲਾਕੇ ਵਿਚ ਗੈਲੇਕਸੀ ਅਪਾਰਟਮੈਂਟ ਆਪਣੇ ਪਰਿਵਾਰ ਨਾਲ ਰਹਿੰਦੇ ਹਨ। ਅਜਿਹੇ ਵਿਚ ਪੁਲਸ ਨੇ ਫੁਰਤੀ ਦਿਖਾਉਂਦੇ ਹੋਏ ਬੰਬ ਡਿਟੈਕਸ਼ਨ ਅਤੇ ਡਿਸਪੋਜਲ ਸਕਵਾਇਡ ਲੈ ਕੇ ਸਲਮਾਨ ਦੇ ਘਰ ਪੁੱਜੀ। ਹਾਲਾਂਕਿ ਉਸ ਸਮੇਂ ਸਲਮਾਨ ਖਾਨ ਘਰ ਵਿਚ ਨਹੀਂ ਸਨ, ਜਿਸ ਦੇ ਚਲਦੇ ਪੁਲਸ ਨੇ ਸਲੀਮ ਖਾਨ, ਮਾਂ ਸਲਮਾ ਅਤੇ ਭੈਣ ਅਰਪਿਤਾ ਨੂੰ ਸੁਰੱਖਿਅਤ ਜਗ੍ਹਾ ’ਤੇ ਪਹੁੰਚਾ ਕੇ ਪੂਰੇ ਘਰ ਦੀ ਤਾਲਾਸ਼ੀ ਲਈ। ਤਲਾਸ਼ੀ ਤੋਂ ਬਾਅਦ ਵੀ ਪੁਲਸ ਨੂੰ ਕਿਸੇ ਤਰ੍ਹਾਂ ਦਾ ਕੋਈ ਬੰਬ ਨਾ ਮਿਲਿਆ। ਉਥੇ ਹੀ ਦੂਜੇ ਪਾਸੇ ਪੁਲਸ ਨੇ ਤਕਨੀਕ ਦੀ ਮਦਦ ਨਾਲ ਉਸ ਵਿਅਕਤੀ ਦਾ ਪਤਾ ਲਗਾਇਆ ਜਿਨ੍ਹੇ ਇਹ ਈਮੇਲ ਭੇਜੀ। ਜਿਸ ਤੋਂ ਬਾਅਦ ਇਹ ਪਤਾ ਲੱਗਿਆ ਕਿ ਇਹ ਈਮੇਲ ਇਕ 16 ਸਾਲ ਦੇ ਲੜਕੇ ਨੇ ਭੇਜੀ ਸੀ, ਜੋ ਕਿ ਗਾਜ਼ੀਆਬਾਦ ਵਿਚ ਰਹਿੰਦਾ ਹੈ। ਲੋਕੇਸ਼ਨ ਦਾ ਪਤਾ ਲੱਗਦੇ ਹੀ ਪੁਲਸ ਦੀ ਟੀਮ ਗਾਜ਼ੀਆਬਾਦ ਵਿਚ ਲੜਕੇ ਦੇ ਘਰ ਪਹੁੰਚੀ ਪਰ ਉਸ ਸਮੇਂ ਲੜਕਾ ਘਰ ਵਿਚ ਨਹੀਂ ਸੀ। ਦੋਸੀ ਲੜਕੇ ਦੇ ਘਰ ਵਿਚ ਨਾ ਹੋਣ ਕਾਰਨ ਪੁਲਸ ਨੇ ਪੂਰਾ ਮਾਮਲਾ ਉਸ ਦੇ ਵੱਡੇ ਭਰਾ ਨੂੰ ਦੱਸਿਆ ਅਤੇ ਲੜਕੇ ਨੂੰ ਫੋਨ ਕਰਕੇ ਘਰ ਬੁਲਾਇਆ ਗਿਆ। ਇਸ ਤੋਂ ਬਾਅਦ ਪੁਲਸ ਨੇ ਲੜਕੇ ਨੂੰ ਬਾਂਦਰਾ ਪੁਲਸ ਸਟੇਸ਼ਨ ਵਿਚ ਪੇਸ਼ ਹੋਣ ਦਾ ਨੋਟਿਸ ਦਿੱਤਾ. ਇਸ ਦੇ ਨਾਲ ਹੀ ਲੜਕੇ ਖਿਲਾਫ ਗੈਰ-ਗਿਆਨਵਾਨ ਅਪਰਾਧ ਦੋਸ਼ ਦੀ ਰਿਪੋਰਟ ਬਣਾਈ ਗਈ। ਉਥੇ ਹੀ ਲੜਕੇ ਨੂੰ ਜੁਵੇਨਾਈਲ ਕੋਰਟ ਵਿਚ ਪੇਸ਼ ਕੀਤਾ ਗਿਆ, ਜਿੱਥੋਂ ਉਸ ਨੂੰ ਬਰੀ ਕਰ ਦਿੱਤਾ ਗਿਆ।