ਮੁੰਬਈ(ਬਿਊਰੋ)— ਸਾਊਦੀ ਅਰਬ ਦੇ ਪ੍ਰਿੰਸ ਅਲਵਾਲੀਨ ਬਿਨ ਤਲਾਲ ਨੂੰ ਹਾਲ ਹੀ 'ਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਤਲਾਲ ਸਾਊਦੀ ਅਰਬ ਦਾ ਸਭ ਤੋਂ ਅਮੀਰ ਵਿਅਕਤੀ ਮੰਨਿਆ ਜਾਂਦਾ ਹੈ। ਉਸ ਦੀ ਕੰਪਨੀ ਕਿੰਗਡਮ ਹੋਲਡਿੰਗ ਕੋਲ ਟਵਿਟਰ, ਐਪਲ, ਸਿਟੀਗਰੁੱਪ ਤੇ ਈ-ਬੇ ਵਰਗੀਆਂ ਵੱਡੀਆਂ ਕੰਪਨੀਆਂ 'ਚ ਹਿੱਸੇਦਾਰੀ ਹੈ। ਤਲਾਲ ਦੇ ਪਿਤਾ ਵੀ ਸਾਊਦੀ ਅਰਬ ਦੇ ਵਿਤ ਮੰਤਰੀ ਰਹਿ ਚੁੱਕੇ ਹਨ।
ਦੁਨੀਆ ਭਰ 'ਚ ਉਸ ਦੇ ਬਿਜ਼ਨੈੱਸ ਤੇ ਇੰਵੈਸਟਮੈਂਟਸ ਹੈ ਤੇ ਫੋਬਰਸ ਮੁਤਾਬਕ, ਪ੍ਰਿੰਸ ਤਲਾਲ 18 ਅਰਬ ਡਾਲਰ ਦਾ ਮਾਲਕ ਹੈ। ਤਲਾਲ ਆਪਣੇ ਲਗਜ਼ਰੀ ਲਾਈਫ ਸਟਾਈਲ ਲਈ ਦੁਨੀਆ ਭਰ 'ਚ ਜਾਣਿਆ ਜਾਂਦਾ ਹੈ। ਖਾਸ ਗੱਲ ਹੈ ਕਿ ਤਲਾਲ ਨੇ 4 ਵਿਆਹ ਕਰਵਾ ਚੁੱਕਾ ਹੈ।
ਅੱਜ ਗੱਲ ਹੋਵੇਗੀ ਉਸ ਦੀ ਬੇਟੀ ਪ੍ਰਿੰਸੇਸ ਰੀਮ ਦੀ ਜੋ ਆਪਣੇ ਗਲੈਮਰ ਲਈ ਪੂਰੇ ਸਾਊਦੀ 'ਚ ਮਸ਼ਹੂਰ ਹੈ। ਰੀਮ ਪੇਸ਼ੇ ਤੋਂ ਫੋਟੋਗ੍ਰਾਫਰ ਹੈ ਪਰ ਸੋਸ਼ਲ ਮੀਡੀਆ 'ਤੇ ਹਮੇਸ਼ਾ ਛਾਈ ਰਹਿੰਦੀ ਹੈ। ਉਸ ਦੀ ਹੌਟਨੈੱਸ ਕਾਰਨ ਉਸ ਨੂੰ ਦੂਜੀ ਕਿਮ ਕਾਰਦਸ਼ੀਆਂ ਆਖਿਆ ਜਾਂਦਾ ਹੈ।
ਸਾਊਦੀ ਵਰਗੇ ਕੱਟੜ ਇਸਲਾਮਿਕ ਦੇਸ਼ 'ਚ ਵੀ ਰੀਮ ਨੂੰ ਇਸ ਦੇ ਖੁੱਲ੍ਹੇ ਵਿਚਾਰਾਂ ਲਈ ਜਾਣਿਆ ਜਾਂਦਾ ਹੈ। ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਰੀਮ ਪੂਰੀ ਤਰ੍ਹਾਂ ਰਿਵਾਇਤੀ ਡਰੈੱਸ 'ਚ ਨਜ਼ਰ ਆਈ। ਰੀਮ ਨੇ ਅਮਰੀਕਾ ਦੀ ਨਿਊ ਹੇਵਨ ਯੂਨੀਵਰਸਿਟੀ ਤੋਂ ਪੜਾਈ ਕੀਤੀ ਹੈ।
ਰੀਮ ਸੋਸ਼ਲ ਮੀਡੀਆ 'ਤੇ ਕਾਫੀ ਸਰਗਰਮ ਰਹਿੰਦੀ ਹੈ। ਟਵਿਟਰ 'ਤੇ ਅਕਸਰ ਉਸ ਨੂੰ ਲੋਕ ਕਿਮ ਕਾਰਦਸ਼ੀਆਂ ਆਖਦੇ ਹਨ। ਰੀਮ ਪ੍ਰਿੰਸ ਤਲਾਲ ਦੀ ਪਹਿਲੀ ਪਤਨੀ ਦੀ ਬੇਟੀ ਹੈ। ਰੀਮ ਜ਼ਿਆਦਾਤਰ ਪੈਰਿਸ 'ਚ ਹੀ ਰਹਿੰਦੀ ਹੈ।