ਮੁੰਬਈ (ਬਿਊਰੋ) — ਮਸ਼ਹੂਰ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਅਕਸਰ ਹੀ ਕੁਝ ਅਜਿਹਾ ਦੇਖਣ ਮਿਲਦਾ ਹੈ, ਜੋ ਤੁਹਾਨੂੰ ਕਿਸੇ ਦੂਜੇ ਸ਼ੋਅ 'ਚ ਦੇਖਣ ਨੂੰ ਨਹੀਂ ਮਿਲਦੀ। ਹਾਲ ਹੀ 'ਚ ਕਪਿਲ ਦੇ ਸ਼ੋਅ 'ਚ ਵਰੁਣ ਧਵਨ ਤੇ ਆਦਿਤਿਆ ਰਾਏ ਕਪੂਰ ਦੀ ਦੋਸਤੀ ਦੀ ਇਕ ਝਲਕ ਦੇਖਣ ਨੂੰ ਮਿਲੀ। ਸਪਨਾ ਬਣੇ ਕ੍ਰਿਸ਼ਣਾ ਅਭਿਸ਼ੇਕ ਨਾਲ ਰੰਗ ਖੇਡਣ ਤੋਂ ਬਾਅਦ ਵਰੁਣ ਧਵਨ ਆਪਣੇ ਕੱਪੜੇ ਬਦਲ ਕੇ ਆਏ। ਉਸ ਨੂੰ ਨਵੇਂ ਕੱਪੜਿਆਂ 'ਚ ਦੇਖ ਕੇ ਆਦਿਤਿਆ ਨੇ ਕਿਹਾ ਕਿ ਉਹ ਵੀ ਜੁੱਤੇ ਬਦਲਣਾ ਚਾਹੁੰਦਾ ਹੈ।
ਆਦਿਤਿਆ ਦੇ ਕਹਿਣ 'ਤੇ ਉਸ ਦੇ ਦੂਜੇ ਸਟੇਜ 'ਤੇ ਜੁੱਤੇ ਮੰਗਵਾਏ ਗਏ। ਕਪਿਲ ਨੇ ਪੂਰੀ ਮਦਦ ਕਰਦੇ ਹੋਏ ਜੁੱਤੀਆਂ ਵਾਲੀ ਟ੍ਰੇ ਆਦਿਤਿਆ ਤੱਕ ਪਹੁੰਚਾਈ। ਆਦਿਤਿਆ ਜੁੱਤੇ ਪਾਉਣ ਦੀ ਕੋਸ਼ਿਸ਼ ਕਰਨ ਲੱਗਾ ਤੇ ਉਥੇ ਹੀ ਕਪਿਲ ਨੇ ਆਪਣੀਆਂ ਗੱਲਾਂ ਸ਼ੁਰੂ ਕਰ ਦਿੱਤੀਆਂ। ਇਸੇ ਦੌਰਾਨ ਟੀ. ਵੀ. ਸਕ੍ਰੀਨ 'ਤੇ ਦਿਖਦਾ ਹੈ ਕਿ ਕੋਈ ਆਦਿਤਿਆ ਦੇ ਜੁੱਤੇ ਬੰਨ੍ਹ ਰਿਹਾ ਹੈ। ਪਹਿਲਾਂ ਤਾਂ ਪਤਾ ਨਹੀਂ ਲੱਗਾ ਪਰ ਕਪਿਲ ਦੇ ਕਹਿਣ 'ਤੇ ਜਦੋਂ ਪੂਰਾ ਸੀਨ ਦਿਖਾਇਆ ਜਾਂਦਾ ਹੈ ਤਾਂ ਸਾਹਮਣੇ ਆਉਂਦਾ ਹੈ ਕਿ ਵਰੁਣ ਧਵਨ ਹੇਠਾ ਬੈਠ ਕੇ ਆਦਿਤਿਆ ਨੂੰ ਜੁੱਤੇ ਪਾਉਣ 'ਚ ਮਦਦ ਕਰ ਰਹੇ ਸਨ। ਉਸ ਨੇ ਆਪਣੇ ਹੱਥਾਂ ਨਾਲ ਆਦਿਤਿਆ ਦੇ ਬੂਟਾਂ ਦੇ ਫੀਤੇ ਬੰਨ੍ਹੇ। ਵਰੁਣ ਤੇ ਆਦਿਤਿਆ ਦਾ ਪਿਆਰ ਦੇਖ ਕੇ ਕਪਿਲ ਵੀ ਕਾਫੀ ਹੈਰਾਨ ਸੀ। ਉਸ ਨੇ ਦੋਵਾਂ ਦੀ ਬਾਡਿੰਗ ਦੀ ਤਾਰੀਫ ਵੀ ਕੀਤੀ।
ਦੱਸਣਯੋਗ ਹੈ ਕਿ ਕਰਨ ਜੌਹਰ ਦੀ ਫਿਲਮ 'ਕਲੰਕ' ਦੀ ਪ੍ਰਮੋਸ਼ਨ 'ਚ ਪੂਰੀ ਸਟਾਰ ਕਾਸਟ ਕਪਿਲ ਦੇ ਸ਼ੋਅ 'ਚ ਪਹੁੰਚੀ ਸੀ। ਇਸ ਫਿਲਮ 'ਚ ਵਰੁਣ, ਆਦਿਤਿਆ ਤੋਂ ਇਲਾਵਾ ਆਲੀਆ ਭੱਟ, ਸੋਨਾਕਸ਼ੀ ਸਿਨ੍ਹਾ, ਮਾਧੁਰੀ ਦੀਕਸ਼ਿਤ, ਸੰਜੇ ਦੱਤ ਵਰਗੇ ਸਿਤਾਰੇ ਮੁੱਖ ਭੂਮਿਕਾ 'ਚ ਹਨ।