ਜਲੰਧਰ (ਬਿਊਰੋ) - ਕਪਿਲ ਸ਼ਰਮਾ ਸ਼ੋਅ ਨੂੰ ਜੱਜ ਕਰ ਚੁੱਕੇ ਨਵਜੋਤ ਸਿੰਘ ਸਿੱਧੂ ਭਾਵੇਂ ਆਪਣੇ ਵਿਵਾਦਿਤ ਬਿਆਨ ਤੇ ਚੋਣਾਂ ਕਾਰਨ ਸ਼ੋਅ ਤੋਂ ਗਾਇਬ ਹਨ ਪਰ ਉਨ੍ਹਾਂ ਦੇ ਚਰਚੇ ਸ਼ੋਅ ਦੇ ਹਰੇਕ ਐਪੀਸੋਡ 'ਚ ਹੁੰਦੇ ਹਨ। ਬੀਤੇ ਦਿਨੀਂ ਜਦੋਂ ਸਲਮਾਨ ਖਾਨ ਤੇ ਕੈਟਰੀਨਾ ਕੈਫ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਪਹੁੰਚੇ ਤਾਂ ਉਨ੍ਹਾਂ ਕਪਿਲ ਨੇ ਕੈਟਰੀਨਾ ਨੂੰ ਦੱਸਿਆ ਕਿ ਨਵਜੋਤ ਸਿੱਧੂ ਨੇ ਤੁਹਾਡੇ ਲਈ ਚਿੱਠੀ ਭੇਜੀ ਹੈ।
ਕਪਿਲ ਨੇ ਕੈਟਰੀਨਾ ਨੂੰ ਕਿਹਾ 'ਤੁਸੀ ਜਦੋਂ ਵੀ ਸ਼ੋਅ 'ਤੇ ਆਉਂਦੇ ਹੋ ਉਦੋਂ ਸਿੱਧੂ ਸਾਬ੍ਹ ਤੁਹਾਨੂੰ ਇਥੇ ਬੈਠੇ ਮਿਲਦੇ ਹਨ ਪਰ ਇਸ ਵਾਰ ਅਰਚਨਾ ਜੀ ਹੈ ਪਰ ਫਿਰ ਵੀ ਸਿੱਧੂ ਸਾਬ੍ਹ ਨੇ ਤੁਹਾਡੇ ਨਾਂ ਇਕ ਚਿੱਠੀ ਭੇਜੀ ਹੈ'।ਇਹ ਚਿੱਠੀ ਕਪਿਲ ਨੇ ਪੜ੍ਹ ਕੇ ਸੁਣਾਈ, ਜਿਸ 'ਚ ਲਿਖਿਆ ਸੀ। 'ਹੈਲੋ ਕੈਟ, ਬਹੁਤ ਦੇਰ ਕਰ ਦਿੱਤੀ ਮੇਹਰਬਾਂ ਆਤੇ ਆਤੇ, ਅਗਰ ਤੁਮ ਪਹਿਲੇ ਬਤਾਤੀ ਤੋਂ ਹਮ ਐਮ.ਐਲ.ਏ ਕੀ ਸੀਟ ਛੋੜ ਕਰ ਆ ਜਾਤੇ'
ਕੈਟਰੀਨਾ ਇਹ ਸਭ ਕੁੱਝ ਸੁਣ ਕੇ ਬਹੁਤ ਹੈਰਾਨ ਹੋ ਗਈ ਤੇ ਸਿੱਧੂ ਸਾਬ੍ਹ ਬਾਰੇ ਪੁੱਛਣ ਲੱਗ ਪਈ ਤਾਂ ਕਪਿਲ ਦਾ ਜਵਾਬ ਸੀ ਕਿ ਸਿੱਧੂ ਸਾਬ੍ਹ ਪੰਜਾਬ 'ਚ ਰੁਝੇਵਿਆਂ ਵਿਚ ਹਨ। ਦਸਣਯੋਗ ਹੈ ਕਿ ਸਲਮਾਨ ਖਾਨ ਤੇ ਕੈਟਰੀਨਾ ਆਪਣੀ ਆਉਣ ਵਾਲੀ ਫਿਲਮ 'ਭਾਰਤ' ਦੀ ਪਰਮੋਸ਼ਨ ਲਈ ਕਪਿਲ ਦੇ ਸ਼ੋਅ 'ਚ ਪਹੁੰਚੇ ਸਨ।