ਮੁੰਬਈ(ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਅਰਜੁਨ ਕਪੂਰ ਉਂਝ ਤਾਂ ਮਲਾਇਕਾ ਅਰੋੜਾ ਨਾਲ ਰਿਲੇਸ਼ਨਸ਼ਿਪ ਕਾਰਨ ਆਏ ਦਿਨ ਚਰਚਾ 'ਚ ਰਹਿੰਦੇ ਹਨ ਪਰ ਇਸ ਵਾਰ ਉਨ੍ਹਾਂ ਦਾ ਚਰਚਾ 'ਚ ਆਉਣ ਦਾ ਕਾਰਨ ਕੁਝ ਹੋਰ ਹੀ ਹੈ। ਹਾਲ ਹੀ 'ਚ ਅਰਜੁਨ ਜਦੋਂ ਅਮਰੀਕਾ 'ਚ ਸੀ ਤਾਂ ਉਨ੍ਹਾਂ ਨੇ ਆਪਣੀ ਇਕ ਤਸਵੀਰ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤੀ ਸੀ। ਇਸ ਤਸਵੀਰ 'ਚ ਉਨ੍ਹਾਂ ਦੇ ਹੱਥ 'ਚ ਇਕ ਲਾਜਵਾਬ ਘੜੀ ਦੇਖੀ ਗਈ ਸੀ।
ਇਹ ਘੜੀ ਕੋਈ ਸਾਧਾਰਣ ਘੜੀ ਨਹੀਂ ਹੈ। ਇਸ ਦੀ ਕੀਮਤ ਬਹੁਤ ਜ਼ਿਆਦਾ ਹੈ। ਇਹ ਘੜੀ ਖਾਸ ਕਰਕੇ ਖਿਡਾਰੀਆਂ ਲਈ ਹੈ। ਘੜੀ 'ਚ 18 ਕੈਰੇਟ ਸੋਨੇ ਦੀ ਵਰਤੋਂ ਕੀਤੀ ਗਈ ਹੈ ।ਇਸ ਘੜੀ ਨੂੰ 1992 'ਚ ਲਾਂਚ ਕੀਤਾ ਗਿਆ ਸੀ। ਅਰਜੁਨ ਕਪੂਰ ਦੀ ਇਸ ਘੜੀ ਦੀ ਕੀਮਤ ਰਿਪੋਰਟ 'ਚ ਭਾਰਤੀ ਬਾਜ਼ਾਰ ਮੁਤਾਬਕ 27 ਲੱਖ 57 ਹਜ਼ਾਰ ਰੁਪਏ ਦੱਸੀ ਜਾ ਰਹੀ ਹੈ।
ਦੱਸ ਦੇਈਏ ਕਿ ਇੰਨੀ ਕੀਮਤ 'ਚ ਇਕ ਸਾਧਾਰਣ ਪਰਿਵਾਰ ਨੋਈਡਾ ਵਰਗੇ ਇਲਾਕੇ 'ਚ 2 ਬੀ.ਐੱਚ. ਕੇ ਫਲੈਟ ਖਰੀਦ ਸਕਦਾ ਹੈ। ਅਰਜੁਨ ਦੀ ਇਹ ਸਭ ਤੋਂ ਕੀਮਤੀ ਘੜੀਆਂ 'ਚੋਂ ਇਕ ਹੈ। ਵਾਟਰ ਪਰੂਫ ਹੋਣ ਕਰਕੇ ਵਾਟਰ ਸਪੋਰਟਸ ਲਈ ਇਹ ਘੜੀ ਬਹੁਤ ਹੀ ਵਧੀਆ ਹੈ ।