ਮੁੰਬਈ(ਬਿਊਰੋ)— 'ਨਾ ਉਮਰ ਕੀ ਸੀਮਾ ਹੋ ਨਾ ਜਨਮੋਂ ਕਾ ਹੋ ਬੰਧਨ... ਜਬ ਪਿਆਰ ਕਰੇ ਕੋਈ ਤੋ ਦੇਖੇ ਸਿਰਫ ਮਨ' ਇਹ ਲਾਈਨਾਂ ਸਾਡੇ ਆਮ ਲੋਕਾਂ ਦੀ ਜ਼ਿੰਦਗੀ 'ਚ ਕਿੰਨੀਆਂ ਮਾਇਨੇ ਰੱਖਦੀਆਂ ਹਨ ਇਹ ਤਾਂ ਪਤਾ ਨਹੀਂ ਪਰ ਬਾਲੀਵੁੱਡ ਸੈਲੀਬ੍ਰਿਟੀਜ਼ ਨੇ ਇਨ੍ਹਾਂ ਲਾਈਨਾਂ ਨੂੰ ਜ਼ਰੂਰ ਸੱਚ ਸਾਬਤ ਕੀਤਾ ਹੈ। ਆਮਤੌਰ 'ਤੇ ਵਿਆਹ ਲਈ ਲੜਕੀ ਦੀ ਉਮਰ ਹਮੇਸ਼ਾ ਲਡ਼ਕੇ ਨਾਲੋਂ ਘੱਟ ਹੀ ਦੇਖੀ ਜਾਂਦੀ ਹੈ ਪਰ ਬਾਲੀਵੁੱਡ 'ਚ ਕਈ ਅਜਿਹੀਆਂ ਅਦਾਕਾਰਾਂ ਹਨ, ਜਿਨ੍ਹਾਂ ਨੇ ਆਪਣੀ ਉਮਰ ਤੋਂ ਘੱਟ ਉਮਰ ਵਾਲੇ ਲੜਕਿਆਂ ਨਾਲ ਵਿਆਹ ਕਰਵਾ ਕੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਪਿਆਰ 'ਚ ਉਮਰ ਨਹੀਂ ਦੇਖੀ ਜਾਂਦੀ। ਐਸ਼ਵਰਿਆ ਰਾਏ ਬੱਚਨ, ਸ਼ਿਲਪਾ ਸ਼ੈੱਟੀ, ਫਰਾਹ ਖਾਨ, ਸੋਹਾ ਅਲੀ ਖਾਨ, ਫਿਲਮ ਇੰਡਸਟਰੀ ਦੀਆਂ ਅਜਿਹੀਆਂ ਅਦਾਕਾਰਾਂ ਹਨ ਜਿਨ੍ਹਾਂ ਦੇ ਪਤੀ ਉਨ੍ਹਾਂ ਤੋਂ ਘੱਟ ਉਮਰ ਦੇ ਹਨ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਜੋੜਿਆਂ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਨ੍ਹਾਂ ਦੀ ਉਮਰ 'ਚ ਕਾਫੀ ਫਰਕ ਹੈ।
ਪ੍ਰਿਅੰਕਾ ਚੋਪੜਾ ਤੇ ਨਿੱਕ ਜੋਨਸ
ਬਾਲੀਵੁੱਡ ਦੀ ਦੇਸੀ ਗਰਲ ਪ੍ਰਿਅੰਕਾ ਚੋਪੜਾ ਤੇ ਨਿੱਕ ਜੋਨਸ ਨੇ ਪਿਛਲੇ ਸਾਲ ਯਾਨੀ 2018 'ਚ ਹੀ ਵਿਆਹ ਕੀਤਾ ਹੈ। ਦੋਵਾਂ ਦਾ ਵਿਆਹ ਕਾਫੀ ਚਰਚਾ 'ਚ ਵੀ ਰਿਹਾ। ਦਰਅਸਲ, ਨਿੱਕ, ਪ੍ਰਿਅੰਕਾ ਤੋਂ 10 ਸਾਲ ਛੋਟੇ ਹਨ, ਜਿਸ ਕਾਰਨ ਅਦਾਕਾਰਾ ਨੂੰ ਅਕਸਰ ਟਰੋਲ ਕੀਤਾ ਜਾਂਦਾ ਹੈ।
ਉਰਮਿਲਾ ਮਾਤੋਂਡਕਰ- ਮੋਹਸਿਨ ਅਖਤਰ
ਫਿਲਮਾਂ ਤੋਂ ਰਾਜਨੀਤੀ ਵੱਲ ਰੁਖ ਕਰਨ ਵਾਲੀ ਬਾਲੀਵੁੱਡ ਅਦਾਕਾਰਾ ਉਰਮਿਲਾ ਮਾਤੋਂਡਕਰ ਆਪਣੇ ਪਤੀ ਮੋਹਸਿਨ ਅਖਤਰ ਤੋਂ 9 ਸਾਲ ਵੱਡੀ ਹੈ। ਸਾਲ 2016 'ਚ ਅਚਾਨਕ ਵਿਆਹ ਕਰਕੇ ਉਰਮਿਲਾ ਨੇ ਸਾਰਿਆ ਨੂੰ ਹੈਰਾਨ ਕਰ ਦਿੱਤਾ ਸੀ।
ਫਰਾਹ ਖਾਨ ਤੇ ਸ਼ਿਰੀਸ਼ ਕੁੰਦਰਾ
ਫਰਾਹ ਖਾਨ ਪਤੀ ਸ਼ਿਰੀਸ਼ ਤੋਂ ਅੱਠ ਸਾਲ ਵੱਡੀ ਹੈ। ਦੋਵਾਂ ਦੀ ਮੁਲਾਕਾਤ 2004 'ਚ 'ਮੈਂ ਹੂੰ ਨਾ' ਦੇ ਸੈੱਟ 'ਤੇ ਹੋਈ ਸੀ। 2004 'ਚ ਹੀ ਦੋਵਾਂ ਨੇ ਵਿਆਹ ਕਰ ਲਿਆ। ਫਰਾਹ ਦੀਆਂ ਦੋ ਧੀਆਂ ਤੇ ਬੇਟਾ ਹੈ।
ਬਿਪਾਸ਼ਾ ਬਾਸੂ ਤੇ ਕਰਨ ਸਿੰਘ ਗਰੋਵਰ
ਕਰਨ ਸਿੰਘ ਗਰੋਵਰ ਤੇ ਬਿਪਾਸ਼ਾ ਦੀ ਉਮਰ 'ਚ ਕਰੀਬ ਤਿੰਨ ਸਾਲ ਦਾ ਅੰਤਰ ਹੈ। ਕਰਨ, ਬਿਪਾਸ਼ਾ ਤੋਂ ਤਿੰਨ ਸਾਲ ਛੋਟੇ ਹਨ। ਦੋਵਾਂ ਨੇ 2016 'ਚ ਵਿਆਹ ਕੀਤਾ ਸੀ।
ਸੋਹਾ ਅਲੀ ਖਾਨ ਤੇ ਕੁਣਾਲ ਖੇਮੂ
ਬਾਲੀਵੁੱਡ ਅਦਾਕਾਰਾ ਸੋਹਾ ਅਲੀ ਖਾਨ ਆਪਣੇ ਪਦੀ ਕੁਣਾਲ ਖੇਮੂ ਤੋਂ 5 ਸਾਲ ਵੱਡੀ ਹੈ। ਦੋਵਾਂ ਨੇ ਸਾਲ 2015 'ਚ ਵਿਆਹ ਕੀਤਾ ਸੀ। ਦੋਵਾਂ ਦੀ ਇਕ ਧੀ ਵੀ ਹੈ।
ਸ਼ਿਲਪਾ ਸ਼ੈੱਟੀ ਤੇ ਰਾਜ ਕੁੰਦਰਾ
ਸ਼ਿਲਪਾ ਤੇ ਰਾਜ ਦੀ ਉਮਰ 'ਚ ਬਹੁਤ ਜ਼ਿਆਦਾ ਫਰਕ ਨਹੀਂ ਹੈ। ਬਾਲੀਵੁੱਡ ਅਦਾਕਾਰਾ ਸ਼ਿਲਪਾ ਸ਼ੈੱਟੀ ਆਪਣੇ ਪਤੀ ਰਾਜ ਕੁੰਦਰਾ ਤੋਂ ਸਿਰਫ ਤਿੰਨ ਮਹੀਨੇ ਵੱਡੀ ਹੈ। ਦੋਵਾਂ ਦਾ ਇਕ ਬੇਟਾ ਵੀ ਹੈ।
ਐਸ਼ਵਰਿਆ ਰਾਏ ਤੇ ਅਭਿਸ਼ੇਕ ਬੱਚਨ
ਅਭਿਸ਼ੇਕ ਬੱਚਨ ਆਪਣੀ ਪਤਨੀ ਐਸ਼ਵਰਿਆ ਰਾਏ ਤੋਂ ਤਿੰਨ ਸਾਲ ਛੋਟੇ ਹਨ। ਦੋਵਾਂ ਦਾ ਵਿਆਹ 20 ਅਪ੍ਰੈਲ 2007 ਨੂੰ ਹੋਇਆ ਸੀ। ਦੋਵਾਂ ਦੀ ਇਕ ਧੀ ਵੀ ਹੈ। ਜਿਸ ਦਾ ਨਾਮ ਆਰਾਧਿਆ ਹੈ।
