ਮੁੰਬਈ (ਬਿਊਰੋ)— ਬਾਲੀਵੁੱਡ ਅਦਾਕਾਰ ਟਾਈਗਰ ਸ਼ਰਾਫ ਨੇ ਕਾਫੀ ਘੱਟ ਸਮਾਂ 'ਚ ਆਪਣੀ ਖਾਸ ਪਛਾਣ ਬਣਾ ਲਈ ਹੈ। ਇਸ ਦਾ ਇਕ ਵੱਡਾ ਕਾਰਨ ਹੈ, ਉਨ੍ਹਾਂ ਦੀ ਬੇਮਿਸਾਲ ਬਾਡੀ ਸ਼ੇਪ। ਉਹ ਖੁਦ ਨੂੰ ਐਕਸ਼ਨ ਹੀਰੋ ਦੇ ਰੂਪ 'ਚ ਪੇਸ਼ ਕਰ ਚੁੱਕੇ ਹਨ।
ਹਾਲ ਹੀ 'ਚ ਆਇਆ ਉਨ੍ਹਾਂ ਦਾ ਇਕ ਹੌਟ ਫੋਟੋਸ਼ੂਟ ਵੀ ਇਸ ਗੱਲ ਦੀ ਪੁਸ਼ਟੀ ਕਰ ਰਿਹਾ ਹੈ। ਇਸ ਤਸਵੀਰ ਨਾਲ ਟਾਈਗਰ ਨੇ ਲਿਖਿਆ ਹੈ, ''ਨਹੀਂ, ਇਹ ਯੋਗਾ ਨਹੀਂ ਹੈ ਪਰ ਇਹ ਕਰਨਾ ਚਾਹੀਦਾ ਹੈ, ਇਹ ਕਾਫੀ ਰਿਲੈਕਸਿੰਗ ਹੈ।''
ਇਸ ਫੋਟੋਸ਼ੂਟ ਨੂੰ ਸਿਰਫ ਤਿੰਨ ਘੰਟਿਆਂ 'ਚ ਹੀ ਢਾਈ ਲੱਖ ਲਾਈਕ ਮਿਲ ਚੁੱਕੇ ਹਨ। ਟਾਈਗਰ ਨੇ ਇਹ ਤਸਵੀਰਾਂ ਇੰਸਟਾਗਰਾਮ 'ਤੇ ਸ਼ੇਅਰ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਟਾਈਗਰ ਬੀਚ 'ਤੇ ਵਰਕਆਊਟ ਕਰਦੇ ਦਿਖ ਰਹੇ ਹਨ। ਟਾਈਗਰ ਨੇ ਇਸ ਨਜ਼ਾਰੇ ਦੀ ਤੁਲਨਾ ਸਵਰਗ ਨਾਲ ਕੀਤੀ ਹੈ।
ਦੱਸ ਦੇਈਏ ਕਿ ਟਾਈਗਰ ਸ਼ਰਾਫ ਦੀ ਇਸ ਸਾਲ ਰਿਲੀਜ਼ ਹੋਈ ਫਿਲਮ 'ਬਾਗੀ 2' ਨੇ 253.18 ਕਰੋੜ ਰੁਪਏ ਦੀ ਕਮਾਈ ਕੀਤੀ ਸੀ। ਟਾਈਗਰ ਦੀ ਤੁਲਨਾ ਬਾਡੀ ਦੇ ਮਾਮਲੇ 'ਚ ਰਿਤਿਕ ਰੋਸ਼ਨ ਨਾਲ ਕੀਤੀ ਜਾਂਦੀ ਹੈ।
