ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਟਾਈਗਰ ਸ਼ਰਾਫ ਨੂੰ ਬਾਲੀਵੁੱਡ ਦਾ ਮਾਈਕਲ ਜੈਕਸਨ ਕਿਹਾ ਜਾਂਦਾ ਹੈ। ਸਿਰਫ ਡਾਂਸ ਹੀ ਨਹੀਂ ਟਾਈਗਰ ਦੀ ਫੈਨ ਫਾਲੋਇੰਗ ਉਸ ਦੇ ਐਕਸ਼ਨ ਕਰਕੇ ਵੀ ਹੈ। ਇਸ ਕਾਰਨ ਲੜਕੀਆਂ ਦੇ ਨਾਲ-ਨਾਲ ਟਾਈਗਰ ਦੇ ਫੈਨ ਮੁੰਡੇ ਵੀ ਕਾਫੀ ਹਨ। ਸਿਰਫ ਟਾਈਗਰ ਹੀ ਨਹੀਂ ਇਨ੍ਹਾਂ ਖੂਬੀਆਂ ਨਾਲ ਤਾਂ ਬਾਲੀਵੁੱਡ ਅਦਾਕਾਰਾ ਦਿਸ਼ਾ ਪਟਾਨੀ ਵੀ ਕਿਸੇ ਤੋਂ ਘੱਟ ਨਹੀਂ ਹੈ।
ਟਾਈਗਰ ਤੇ ਦਿਸ਼ਾ ਦੀਆਂ ਖੂਬੀਆਂ ਇਕ-ਦੂਜੇ ਨਾਲ ਕਾਫੀ ਮਿਲਦੀਆਂ ਹਨ। ਇਸੇ ਲਈ ਦੋਵੇਂ ਖਾਸ ਰਿਸ਼ਤਾ ਵੀ ਰੱਖਦੇ ਸਨ। ਮੀਡੀਆ 'ਚ ਇਨ੍ਹਾਂ ਦੇ ਰਿਸ਼ਤੇ ਦੀ ਚਰਚਾ ਹੈ ਪਰ ਦੋਵਾਂ 'ਚੋਂ ਹਾਲੇ ਤੱਕ ਕਦੇ ਕਿਸੇ ਨੇ ਕੋਈ ਐਲਾਨ ਨਹੀਂ ਕੀਤਾ। ਇਨ੍ਹਾਂ ਦੇ ਫੈਨਜ਼ ਲਈ ਇਕ ਬੁਰੀ ਖਬਰ ਹੈ। ਦਰਅਸਲ ਟਾਈਗਰ ਤੇ ਦਿਸ਼ਾ ਇਕ-ਦੂਜੇ ਨੂੰ ਕਾਫੀ ਸਮੇਂ ਤੋਂ ਡੇਟ ਕਰਨ ਰਹੇ ਹਨ ਅਤੇ ਹੁਣ ਬ੍ਰੇਕਅੱਪ ਕਰਨ ਦਾ ਫੈਸਲਾ ਲਿਆ ਹੈ।
ਖਬਰਾਂ ਤਾਂ ਇਹ ਵੀ ਹਨ ਕਿ ਦੋਵਾਂ 'ਚ ਬੀਤੇ ਕੁਝ ਦਿਨਾਂ 'ਚ ਕਈ ਵਾਰ ਲੜਾਈ ਹੋਈ ਹੈ। ਦੋਵਾਂ ਨੇ ਕਈ ਵਾਰ ਮਿਲ ਕੇ ਇਕ-ਦੂਜੇ ਨਾਲ ਇਸ ਰਿਸ਼ਤੇ ਨੂੰ ਕਈ ਮੌਕੇ ਦਿੱਤੇ ਪਰ ਹਰ ਵਾਰ ਫੇਲ ਹੋ ਗਏ। ਇਸ ਕਰਕੇ ਹੁਣ ਦੋਵਾਂ ਨੇ ਇਕ-ਦੂਜੇ ਤੋਂ ਵੱਖ ਹੋਣ ਦਾ ਫੈਸਲਾ ਲਿਆ ਹੈ। ਦੋਵਾਂ ਕੋਲ ਇਕ ਤੋਂ ਵੱਧ ਇਕ ਵੱਡੇ ਪ੍ਰੋਜੈਕਟ ਹਨ, ਜਿਨ੍ਹਾਂ 'ਤੇ ਹੁਣ ਧਿਆਨ ਦੇਣਾ ਚਾਹੁੰਦੇ ਹਨ।
ਦੋਵੇਂ ਇਕ-ਦੂਜੇ ਨੂੰ ਪਿਛਲੇ ਤਿੰਨ ਸਾਲ ਤੋਂ ਡੇਟ ਕਰ ਰਹੇ ਸਨ। ਇੰਨਾ ਹੀ ਨਹੀਂ ਦੋਵਾਂ ਨੇ ਸਾਲ 2018 ਦੀ ਸ਼ੁਰੂਆਤ 'ਚ ਹੀ ਬਲਾਕਬਸਟਰ ਫਿਲਮ 'ਬਾਗੀ-2' ਦਿੱਤੀ ਸੀ। ਇਸ 'ਚ ਦੋਵਾਂ ਦੀ ਕੈਮਿਸਟਰੀ ਨੂੰ ਲੋਕਾਂ ਵਲੋਂ ਖੂਬ ਪਸੰਦ ਕੀਤਾ ਗਿਆ ਸੀ ਪਰ ਕਿਸੇ ਨੂੰ ਨਹੀਂ ਪਤਾ ਸੀ ਕਿ ਦੋਵਾਂ ਦਾ ਰਿਸ਼ਤਾ ਇੰਨੀ ਜਲਦੀ ਖਤਮ ਹੋ ਜਾਵੇਗਾ।