ਜਲੰਧਰ (ਬਿਊਰੋ) — ਇਨ੍ਹੀਂ ਦਿਨੀਂ ਟਿਕਟੌਕ ਤੇ ਦੀਪਕ ਸਿੰਘਾੜ ਨਾਂ ਦੇ ਇਕ ਮੁੰਡੇ ਦੀ ਡਾਂਸ ਵੀਡੀਓ ਖੂਬ ਵਾਇਰਲ ਹੋ ਰਹੀਆਂ ਹਨ। ਇਹ ਵੀਡੀਓ ਇੰਨ੍ਹੀਆਂ ਜ਼ਿਆਦਾ ਵਾਇਰਲ ਹੋ ਰਹੀਆਂ ਹਨ ਕਿ ਕੁਝ ਵੀਡੀਓ ਸੈਲੀਬ੍ਰਿਟੀ ਤੱਕ ਵੀ ਪਹੁੰਚ ਗਈਆਂ ਹਨ। ਸੈਲੀਬ੍ਰਿਟੀ ਵੀ ਉਨ੍ਹਾਂ ਨਾਲ ਮਿਲਕੇ ਵੀਡੀਓ ਬਣਾਉਣ ਲੱਗੇ ਹਨ ਤੇ ਉਸ ਦੇ ਡਾਂਸ ਦੀ ਤਾਰੀਫ ਕਰ ਰਹੇ ਹਨ ਪਰ ਬਾਲੀਵੁੱਡ ਕੋਰੀਓਗ੍ਰਾਫਰ ਟੇਰੇਂਸ ਨੇ ਇਸ ਮੁੰਡੇ ਨੂੰ ਉਸ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਮੌਕਾ ਦਿੱਤਾ ਹੈ।
ਦੱਸ ਦਈਏ ਕਿ ਜਿਹੜੇ ਮੁੰਡੇ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ ਉਸ ਦਾ ਅਸਲ ਨਾਂ ਦੀਪਕ ਸਿੰਘਾੜ ਨਹੀਂ ਹੈ। ਇਸ ਮੁੰਡੇ ਦੇ ਪਿਤਾ ਨੇ ਖੁਦਕੁਸ਼ੀ ਕਰ ਲਈ ਸੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਹਾਲਤ ਬਹੁਤ ਹੀ ਖਰਾਬ ਹੋ ਗਈ। ਇਹ ਮੁੰਡਾ ਮੱਧ ਪ੍ਰਦੇਸ਼ ਵਿਚ ਆਪਣੀ ਮਾਂ ਨਾਲ ਰਹਿੰਦਾ ਹੈ। ਇਸ ਮੁੰਡੇ ਨੂੰ ਦੀਪਕ ਸਿੰਘਾੜ ਨਾਂ ਦੇ ਮੁੰਡੇ ਨੇ ਡਾਂਸ ਕਰਦੇ ਹੋਏ ਦੇਖ ਲਿਆ ਸੀ। ਦੀਪਕ ਨੇ ਇਸ ਮੁੰਡੇ ਦਾ ਡਾਂਸ ਵੀਡੀਓ ਬਣਾ ਕੇ ਟਿਕਟੌਕ 'ਤੇ ਪਾ ਦਿੱਤਾ।
ਵੀਡੀਓ ਖੂਬ ਵਾਇਰਲ ਹੋ ਗਿਆ ਅਤੇ ਦੀਪਕ ਹਰ ਰੋਜ਼ ਇਸ ਮੁੰਡੇ ਦਾ ਇਕ ਵੀਡੀਓ ਬਣਾਉਂਦਾ ਅਤੇ ਉਸ ਨੂੰ ਆਪਣੇ ਟਿਕਟੌਕ ਅਕਾਊਂਟ 'ਤੇ ਅਪਲੋਡ ਕਰ ਦਿੰਦਾ ਹੈ। ਇਸ ਕਰਕੇ ਜਿਨ੍ਹਾਂ ਲੋਕਾਂ ਨੇ ਇਹ ਵੀਡੀਓ ਦੇਖਿਆ ਉਨ੍ਹਾਂ ਨੂੰ ਲੱਗਿਆ ਕਿ ਡਾਂਸ ਵਾਲਾ ਮੁੰਡਾ ਦੀਪਕ ਹੈ ਪਰ ਇਕ ਵੀਡੀਓ ਵਿਚ ਇਹ ਮੁੰਡਾ ਖੁਦ ਕਹਿੰਦਾ ਹੈ ਕਿ ਉਸ ਦਾ ਨਾਂ ਦੀਪਕ ਨਹੀਂ ਉਦੇ ਸਿੰਘ ਹੈ। ਉਦੇ ਦੀਆਂ ਵੀਡੀਓ ਹਰ ਇਕ ਨੂੰ ਪਸੰਦ ਆ ਰਹੀਆਂ ਹਨ ਪਰ ਟੇਰੇਂਸ ਨੇ ਉਸ ਨੂੰ ਇਕ ਡਾਂਸ ਸ਼ੋਅ ਵਿਚ ਆਡੀਸ਼ਨ ਦੇਣ ਦਾ ਆਫਰ ਦਿੱਤਾ ਹੈ। ਇਹ ਡਾਂਸ ਸ਼ੋਅ ਇਕ ਨਿੱਜੀ ਚੈਨਲ 'ਤੇ ਜਲਦ ਸ਼ੁਰੂ ਹੋਣ ਜਾ ਰਿਹਾ ਹੈ। ਹੁਣ ਕਿਸਮਤ ਦੇ ਸਿਤਾਰੇ ਉਸ ਦਾ ਸਾਥ ਦਿੰਦੇ ਹਨ ਜਾਂ ਨਹੀਂ ਇਹ ਤਾਂ ਸਮਾਂ ਹੀ ਦੱਸੇਗਾ।