ਮੁੰਬਈ(ਬਿਊਰੋ)— ਸਾਲ 2000 'ਚ ਆਈ ਆਮਿਰ ਖਾਨ ਦੀ ਫਿਲਮ 'ਮੇਲਾ' 'ਚ ਵਿਲੇਨ ਦਾ ਕਿਰਦਾਰ ਅਜੇ ਵੀ ਲੋਕਾਂ ਦੇ ਦਿਮਾਗ 'ਚ ਬੈਠਾ ਹੋਇਆ ਹੈ। ਫਿਲਮ 'ਚ ਗੁਜਰ ਨਾਂ ਦੇ ਇਸ ਵਿਲੇਨ ਨੇ ਪੂਰੇ ਪਿੰਡ 'ਚ ਦਹਿਸ਼ਤ ਫੈਲਾਅ ਕੇ ਰੱਖੀ ਸੀ। 18 ਸਾਲ ਬਾਅਦ ਇਹ ਵਿਲੇਨ ਹੁਣ ਕਿਵੇਂ ਦਾ ਨਜ਼ਰ ਆਉਂਦਾ ਹੈ ਇਹ ਕੋਈ ਨਹੀਂ ਜਾਣਦਾ। ਦੱਸਣਯੋਗ ਹੈ ਕਿ ਫਿਲਮ 'ਚ ਆਮਿਰ ਖਾਨ ਦੇ ਭਰਾ ਫੈਜ਼ਲ ਨੇ ਵੀ ਮੁੱਖ ਭੂਮਿਕਾ ਨਿਭਾਈ ਸੀ। ਫਿਲਮ 'ਚ ਵਿਲੇਨ ਦਾ ਇਹ ਕਿਰਦਾਰ ਆਮਿਰ ਦੇ ਕਿਰਦਾਰ 'ਤੇ ਕਾਫੀ ਭਾਰੀ ਪਿਆ ਸੀ। ਰਾਤੋਂ-ਰਾਤ ਆਪਣੀ ਖਲਨਾਇਕੀ ਨਾਲ ਮਸ਼ਹੂਰ ਹੋਣ ਵਾਲੇ ਇਸ ਐਕਟਰ ਦਾ ਨਾਂ ਟੀਨੂੰ ਵਰਮਾ ਹੈ। ਟੀਨੂੰ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਸਾਲ 1993 'ਚ ਆਈ ਸੁਪਰਹਿੱਟ ਫਿਲਮ 'ਆਂਖੇਂ' ਨਾਲ ਕੀਤੀ ਸੀ ਪਰ ਟੀਨੂੰ ਨੂੰ ਪਛਾਣ ਫਿਲਮ 'ਮੇਲਾ' 'ਚ ਜ਼ਬਰਦਸਤ ਕਿਰਦਾਰ ਨਿਭਾਉਣ ਕਾਰਨ ਮਿਲੀ ਸੀ। ਫਿਲਮ 'ਚ ਬਾਕਸ ਆਫਿਸ 'ਤੇ ਧੂਮ ਮਚਾ ਦਿੱਤੀ ਸੀ। ਦੱਸ ਦੇਈਏ ਕਿ ਇਹ ਫਿਲਮ 21ਵੀਂ ਸਦੀ ਦੇ ਮੌਕੇ 'ਤੇ ਰਿਲੀਜ਼ ਹੋਈ ਸੀ। ਟੀਨੂੰ ਦੇ ਕਰੀਅਰ ਦੀ ਗੱਲ ਕਰੀਏ ਤਾਂ ਉਸ ਨੇ 'ਰਾਜਾ ਹਿੰਦੂਸਤਾਨੀ', 'ਸ਼ੋਅਲੇ ਔਰ ਸ਼ਬਨਮ', 'ਗਦਰ', 'ਬਾਜ਼' ਤੇ 'ਗੁਲਾਮੀ' ਵਰਗੀਆਂ ਫਿਲਮਾਂ 'ਚ ਵੀ ਆਪਣੀ ਖਲਨਾਇਕੀ ਨਾਲ ਡਰ ਪੈਦਾ ਕੀਤਾ ਸੀ ਪਰ ਟੀਨੂੰ ਨੂੰ ਬਾਲੀਵੁੱਡ 'ਚ ਕੰਮ ਮਿਲਣਾ ਬੰਦ ਹੋ ਗਿਆ ਤੇ ਉਸ ਨੇ ਪਰਿਵਾਰ ਦੇ ਨਾਲ ਸਮੇਂ ਬਿਤਾਉਣ ਦਾ ਫੈਸਲਾ ਕੀਤਾ। ਟੀਨੂੰ ਇਕ ਐਕਟਰ ਹੋਣ ਦੇ ਨਾਲ-ਨਾਲ ਇਕ ਸਟੰਟਮੈਨ ਵੀ ਹੈ। ਉਸ ਨੂੰ ਬੈਸਟ ਐਕਸ਼ਨ ਲਈ ਫਿਲਮਫੇਅਰ ਐਵਾਰਡਜ਼ ਵੀ ਮਿਲ ਚੁੱਕਾ ਹੈ। ਇਥੋਂ ਤੱਕ ਕੀ ਉਸ ਨੇ ਕਈ ਸੀਰੀਅਲਾਂ 'ਚ ਵੀ ਕੰਮ ਕੀਤਾ ਹੈ। ਇਨ੍ਹਾਂ ਹੀ ਨਹੀਂ ਉਸ ਨੇ ਆਪਣੇ ਫਿਲਮੀ ਕਰੀਅਰ 'ਚ ਨਿਰਦੇਸ਼ਨ 'ਚ ਵੀ ਹਥ ਅਜਮਾਇਆ/ਕਿਸਮਤ ਅਜਮਾਈ ਹੈ। ਟੀਨੂੰ ਨੇ ਫਿਲਮ 'ਮਾਂ ਤੁਝੇ ਸਲਾਮ', 'ਬਾਜ਼', 'ਰਾਜਾ ਠਾਕੁਰ', 'ਦਿਸ ਵੀਕੈਂਡ' ਤੇ 'ਗੁਲਾਮੀ' ਵਰਗੀਆਂ ਫਿਲਮਾਂ ਨੂੰ ਡਾਇਰੈਕਟ ਵੀ ਕੀਤਾ ਹੈ।