ਮੁੰਬਈ (ਬਿਊਰੋ)— ਅਭਿਨੇਤਰੀ ਨਿਕੋਲ ਕਿਡਮੈਨ ਨੇ ਕਿਹਾ ਕਿ ਅਭਿਨੇਤਾ ਟਾਮ ਕਰੂਜ਼ ਨਾਲ ਵਿਆਹ ਦੀ ਵਜ੍ਹਾ ਕਾਰਨ ਉਹ ਹਾਲੀਵੁੱਡ 'ਚ ਯੌਨ ਸ਼ੋਸ਼ਣ ਤੋਂ ਬਚੀ ਰਹੀ। ਕਰੂਜ਼ ਨਾਲ ਵਿਆਹ ਸਮੇਂ ਉਹ ਸਿਰਫ 22 ਸਾਲਾਂ ਦੀ ਸੀ। ਕਿਡਮੈਨ ਨੇ ਇਕ ਇੰਟਰਵਿਊ 'ਚ ਕਿਹਾ ਕਿ ਬੀਤੇ ਸਮੇਂ ਨੂੰ ਦੇਖ ਕੇ ਮਹਿਸੂਸ ਹੁੰਦਾ ਹੈ ਕਿ ਉਸ ਸਮੇਂ ਉਸ ਦੇ ਪਤੀ ਦੇ ਸੁਪਰਸਟਾਰ ਹੋਣ ਕਾਰਨ ਉਹ ਹਾਲੀਵੁੱਡ ਦੀ ਹਨੇਰੀ ਦੁਨੀਆ ਤੋਂ ਬਚ ਸਕੀ।
ਆਸਕਰ ਜੇਤੂ ਕਿਡਮੈਨ ਦਾ ਕਹਿਣਾ ਹੈ ਕਿ ਮਸ਼ਹੂਰ ਅਭਿਨੇਤਾ ਨਾਲ ਵਿਆਹ ਕਾਰਨ ਉਸ ਨੂੰ ਇਕ ਖਾਸ ਤਰੀਕੇ ਦੀ ਸੁਰੱਖਿਆ ਮਿਲੀ। ਮਰਦ ਉਸ ਦੇ ਯੌਨ ਸ਼ੋਸ਼ਣ ਤੋਂ ਦੂਰ ਰਹੇ। ਕਿਡਮੈਨ ਨੇ ਕਿਹਾ, 'ਮੈਂ ਬਹੁਤ ਘੱਟ ਉਮਰ 'ਚ ਵਿਆਹ ਕਰਵਾਇਆ ਸੀ। ਇਸ ਨਾਲ ਮੈਨੂੰ ਕੋਈ ਸ਼ਕਤੀ ਨਹੀਂ ਮਿਲੀ ਪਰ ਯਕੀਨੀ ਰੂਪ ਨਾਲ ਮੇਰੇ ਲਈ ਇਹ ਸੁਰੱਖਿਆ ਸੀ।'
ਉਸ ਨੇ ਕਿਹਾ, 'ਮੈਂ ਪਿਆਰ ਲਈ ਵਿਆਹ ਕਰਵਾਇਆ ਪਰ ਬੇਹੱਦ ਸ਼ਕਤੀਸ਼ਾਲੀ ਵਿਅਕਤੀ ਨਾਲ ਵਿਆਹ ਕਰਵਾਉਣ ਦੇ ਨਾਲ ਮੈਂ ਯੌਨ ਸ਼ੋਸ਼ਣ ਤੋਂ ਬਚੀ ਰਹੀ।' ਉਸ ਨੇ ਕਿਹਾ ਕਿ ਕਰੂਜ਼ ਤੋਂ ਵੱਖ ਹੋਣ ਤੋਂ ਬਾਅਦ ਉਸ ਦੇ ਪ੍ਰਤੀ ਲੋਕਾਂ ਦਾ ਰਵੱਈਆ ਬਦਲ ਗਿਆ।