ਮੁੰਬਈ (ਬਿਊਰੋ) — ਮੁੰਬਈ 'ਚ ਇੰਦਰ ਕੁਮਾਰ ਦੇ ਨਿਰਦੇਸ਼ਨ ਵਾਲੀ ਫਿਲਮ 'ਟੋਟਲ ਧਮਾਲ' ਦਾ ਸੋਮਵਾਰ ਟਰੇਲਰ ਲਾਂਚ ਕੀਤਾ ਗਿਆ। ਇਸ ਮੌਕੇ ਫਿਲਮ ਦੀ ਸਟਾਰ ਕਾਸਟ ਅਜੇ ਦੇਵਗਨ, ਅਨਿਲ ਕਪੂਰ, ਮਾਧੁਰੀ ਦੀਕਸ਼ਿਤ, ਅਰਸ਼ਦ ਵਾਰਸੀ, ਜਾਵੇਦ ਜਾਫਰੀ, ਜੌਨੀ ਲਿਵਰ, ਫਿਲਮ ਨਿਰਦੇਸ਼ਕ ਇੰਦਰ ਕੁਮਾਰ ਮੌਜੂਦ ਰਹੇ ਸਨ।
ਫਿਲਮ 'ਚ ਰਿਤੇਸ਼ ਦੇਸ਼ਮੁੱਖ, ਜਾਵੇਦ ਜਾਫਰੀ ਤੇ ਮਹੇਸ਼ ਮਾਂਜਰੇਕਰ ਦੀਆਂ ਵੀ ਅਹਿਮ ਭੂਮਿਕਾਵਾਂ ਹਨ।
ਇਹ ਫਿਲਮ ਸਾਲ 2007 'ਚ ਆਈ ਸੁਪਰਹਿੱਟ ਫਿਲਮ 'ਧਮਾਲ' ਦਾ ਤੀਜਾ ਭਾਗ ਹੈ।
ਫਿਲਮ 'ਚ ਅਜੇ ਦੇਵਗਨ ਨੇ ਸੰਜੇ ਦੱਤ ਦੀ ਜਗ੍ਹਾ ਲਈ ਹੈ।
ਫਿਲਮ 'ਚ ਮਾਧੁਰੀ ਦੀਕਸ਼ਿਤ ਤੇ ਅਨਿਲ ਕਪੂਰ ਵੀ ਕਾਮੇਡੀ ਕਰਦੇ ਨਜ਼ਰ ਆਉਣਗੇ।
ਫਿਲਮ 'ਚ ਹਾਲੀਵੁੱਡ ਦੀਆਂ ਕਈ ਫਿਲਮਾਂ ਜਿਵੇਂ 'ਨਾਈਟ ਐਟ ਦਿ ਮਿਊਜ਼ੀਅਮ', 'ਹੈਂਗਓਵਰ', 'ਜਾਰਜ ਆਫ ਦਿ ਜੰਗਲ' ਆਦਿ ਹਿੱਸਾ ਰਹਿ ਚੁੱਕੀ ਕ੍ਰਿਸਟਲ (ਬਾਂਦਰੀ) ਵੀ ਨਜ਼ਰ ਆਵੇਗੀ।
