ਤੁਸ਼ਾਰ ਕਪੂਰ ਨੇ ਮਨਾਇਆ ਬੇਟੇ ਦਾ ਜਨਮਦਿਨ, ਪਹੁੰਚੇ ਕਈ ਸਿਤਾਰੇ

ਮੁੰਬਈ (ਬਿਊਰੋ)— ਤੁਸ਼ਾਰ ਕਪੂਰ ਨੇ ਆਪਣੇ ਬੇਟੇ ਲਕਸ਼ ਕਪੂਰ ਦਾ ਦੂਜਾ ਜਨਮਦਿਨ ਮਨਾਇਆ। ਇਸ ਦੌਰਾਨ ਰੱਖੀ ਗਈ ਪਾਰਟੀ ਵਿਚ ਬਾਲੀਵੁੱਡ ਦੇ ਮਸ਼ਹੂਰ ਸਿਤਾਰੇ ਪਹੁੰਚੇ। ਕਰਨ ਜੌਹਰ ਆਪਣੀ ਧੀ ਨਾਲ ਅਤੇ ਤੈਮੂਰ ਬਿਨਾਂ ਕਰੀਨਾ ਦੇ ਦਿਖਾਈ ਦਿੱਤੇ।

ਤੁਸ਼ਾਰ ਕਪੂਰ ਜੂਨ 2016 ਵਿਚ ਸਰੋਗੇਸੀ ਰਾਹੀ ਬੇਟੇ ਦੇ ਪਿਤਾ ਬਣੇ ਸਨ। ਪਿਤਾ ਬਣਨ ਦੀ ਖਬਰ ਨੇ ਹਰ ਕਿਸੇ ਨੂੰ ਹੈਰਾਨ ਕਰ ਦਿੱਤਾ। ਪਿਤਾ ਬਣਨ ਤੋਂ ਬਾਅਦ ਤੁਸ਼ਾਰ ਕਪੂਰ ਨੇ ਕਿਹਾ ਸੀ,''ਮੈਂ ਪਿਤਾ ਬਣ ਕੇ ਬਹੁਤ ਖੁਸ਼ ਹਾਂ। ਇਕ ਪਿਤਾ ਬਣਨ ਦੀ ਇੱਠਾ ਪਿਛਲੇ ਕਾਫੀ ਲੰਬੇ ਸਮੇਂ ਤੋਂ ਮੇਰੇ ਦਿਲ 'ਚ ਹਿਲੋਰੇ ਮਾਰ ਰਹੀ ਸੀ।''

ਕੰਮ 'ਚ ਬਿਜ਼ੀ ਹੋਣ ਦੇ ਬਾਵਜੂਦ ਵੀ ਤੁਸ਼ਾਰ ਆਪਣੇ ਬੇਟੇ ਦਾ ਪੂਰਾ ਖਿਆਲ ਰੱਖਦੇ ਹਨ। ਉਹ ਸ਼ੂਟਿੰਗ ਦੌਰਾਨ ਵੀ ਆਪਣੇ ਬੇਟੇ ਨੂੰ ਆਪਣੇ ਨਾਲ ਰੱਖਦੇ ਹਨ। ਬੇਟੇ ਦੇ ਜਨਮਦਿਨ ਸਮੇਂ ਘਰ ਦੇ ਬਾਹਰ ਫੋਟੋਸ਼ੂਟ ਵੀ ਕਰਵਾਇਆ।