ਮੁੰਬਈ (ਬਿਊਰੋ) — ਸਟਾਰ ਪਲੱਸ ਦੇ ਸੀਰੀਅਲ 'ਵੀਰਾ' ਨਾਲ ਮਸ਼ਹੂਰ ਹੋਈ ਟੀ. ਵੀ. ਅਦਾਕਾਰਾ ਆਰਿਸ਼ਫਾ ਖਾਨ ਹਸਪਤਾਲ 'ਚ ਦਾਖਿਲ ਹੈ। ਉਸ ਨੇ ਸੋਸ਼ਲ ਮੀਡੀਆ 'ਤੇ ਖੁਦ ਤਸਵੀਰਾਂ ਪੋਸਟ ਕਰਕੇ ਇਸ ਜਾਣਕਾਰੀ ਦਿੱਤੀ ਹੈ। ਹਾਲਾਂਕਿ ਆਰਿਸ਼ਫਾ ਨੂੰ ਕੀ ਹੋਇਆ ਹੈ ਇਸ ਦੀ ਕੋਈ ਜਾਣਕਾਰੀ ਨਹੀਂ ਹੈ। ਆਰਿਸ਼ਫਾ ਨੇ ਜਿਹੜੀਆਂ ਤਸਵੀਰਾਂ ਪੋਸਟ ਕੀਤੀਆਂ ਹਨ, ਉਨ੍ਹਾਂ 'ਚ ਉਸ ਦੇ ਹੱਥ 'ਚ ਡ੍ਰਿਪ ਲੱਗੀ ਹੋਈ ਹੈ। ਉਸ ਦੇ ਹੱਥ 'ਤੇ ਲੱਗੀ ਟੇਪ 'ਤੇ 28 ਜਨਵਰੀ ਦੀ ਤਾਰੀਖ ਲਿਖੀ ਹੈ। ਇਸ ਦੇ ਨਾਲ ਹੀ ਆਰਿਸ਼ਫਾ ਨੇ ਆਪਣੀ ਇਕ ਹੋਰ ਤਸਵੀਰ ਸ਼ੇਅਰ ਕੀਤੀ, ਜਿਸ 'ਚ ਉਹ ਹਸਪਤਾਲ ਦੇ ਬੈੱਡ 'ਤੇ ਲੰਮੇ ਪਈ ਨਜ਼ਰ ਆ ਰਹੀ ਹੈ ਤੇ ਕੰਬਲ ਨਾਲ ਮੂੰਹ ਢੱਕਿਆ ਹੋਇਆ ਹੈ। 18 ਸਾਲ ਆਰਿਸ਼ਫਾ ਨੇ ਆਪਣੇ ਇੰਸਟਾਗ੍ਰਾਮ ਸਟੋਰੀ 'ਤੇ ਇਹ ਤਸਵੀਰਾਂ ਪੋਸਟ ਕਰਦੇ ਹੋਏ ਲਿਖਿਆ, ''ਮੇਰੇ ਲਈ ਦੁਆਵਾਂ ਕਰੋ।''
ਦੱਸ ਦਈਏ ਕਿ ਜਿਵੇਂ ਹੀ ਫੈਨਜ਼ ਨੂੰ ਆਰਿਸ਼ਫਾ ਦੇ ਬੀਮਾਰ ਹੋਣ ਦੀ ਖਬਰ ਮਿਲੀ ਤਾਂ ਉਹ ਪ੍ਰੇਸ਼ਾਨ ਹੋ ਗਏ। ਉਹ ਲਗਾਤਾਰ ਆਰਿਸ਼ਫਾ ਦੇ ਠੀਕ ਹੋਣ ਦੀਆਂ ਦੁਆਵਾਂ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ''ਸਾਡੇ ਸਾਰਿਆਂ ਦੀਆਂ ਦੁਆਵਾਂ ਤੁਹਾਡੇ ਨਾਲ ਹੈ। ਤੁਸੀਂ ਜਲਦੀ ਠੀਕ ਹੋ ਜਾਵੋਗੇ।''
ਦੱਸਣਯੋਗ ਹੈ ਕਿ ਆਰਿਸ਼ਫਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਤੌਰ ਆਰਟਿਸਟ ਕੀਤੀ ਸੀ। 9 ਸਾਲ ਦੀ ਉਮਰ 'ਚ ਉਸ ਨੇ ਸੀਰੀਅਲ 'ਛਲ' ਨਾਲ ਡੈਬਿਊ ਕੀਤਾ। ਇਸ ਸੀਰੀਅਲ 'ਚ ਆਰਿਸ਼ਫਾ ਨੇ 'ਮੁਸਤਾਵ ਉੱਪਲ' ਦਾ ਰੋਲ ਨਿਭਾਇਆ ਸੀ। ਆਰਿਸ਼ਫਾ ਨੂੰ ਸੀਰੀਅਲ 'ਵੀਰ ਕੀ ਅਰਦਾਸ ਵੀਰਾ' ਨਾਲ ਪਛਾਣ ਮਿਲੀ।