ਜਲੰਧਰ (ਬਿਊਰੋ)— ਸੋਸ਼ਲ ਮੀਡੀਆ 'ਤੇ ਆਪਣੇ ਬੇਬਾਕ ਬਿਆਨਾਂ ਕਾਰਨ ਚਰਚਾ 'ਚ ਰਹਿਣ ਵਾਲੀ ਟਵਿੰਕਲ ਖੰਨਾ ਹੁਣ ਮੁੜ ਟਰੋਲ ਹੋ ਰਹੀ ਹੈ। ਟਵਿੰਕਲ ਨੇ ਹਾਲ ਹੀ 'ਚ ਇਕ ਅਜਿਹਾ ਟਵੀਟ ਕੀਤਾ ਹੈ, ਜਿਸ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਜੋੜਿਆ ਜਾ ਰਿਹਾ ਹੈ। ਟਵਿੰਕਲ ਨੇ ਮੈਡੀਟੇਸ਼ਨ ਕਰਦਿਆਂ ਇਕ ਤਸਵੀਰ ਸਾਂਝੀ ਕੀਤੀ ਹੈ। ਇਸ ਤਸਵੀਰ 'ਤੇ ਯੂਜ਼ਰ ਕਈ ਤਰ੍ਹਾਂ ਦੇ ਕੁਮੈਂਟਸ ਕਰ ਰਹੇ ਹਨ।
ਇਕ ਯੂਜ਼ਰ ਨੇ ਐਗਜ਼ਿਟ ਪੋਲ ਤੋਂ ਬਾਅਦ ਬਰਨੋਲ ਲਗਾਉਣ ਦੀ ਸਲਾਹ ਦਿੱਤੀ ਤੇ ਇਕ ਨੇ ਲਿਖਿਆ, 'ਜੇਕਰ ਪਹਿਲਾਂ ਧਿਆਨ ਲਗਾਇਆ ਹੁੰਦਾ ਤਾਂ ਫਿਲਮਾਂ ਹਿੱਟ ਹੋ ਜਾਣੀਆਂ ਸਨ।' ਕਿਸੇ ਨੇ ਲਿਖਿਆ 'ਹਸਬੈਂਡ ਮੋਦੀ ਫੈਨ ਤੇ ਬੀਵੀ ਐਂਟੀ ਮੋਦੀ।' ਇਕ ਯੂਜ਼ਰ ਨੇ ਲਿਖਿਆ, 'ਅਸੀਂ ਤੁਹਾਡੀ ਸ਼ਕਲ 23 ਮਈ ਦੇ ਨਤੀਜੇ ਆਉਣ ਤੋਂ ਬਾਅਦ ਦੇਖਾਂਗੇ।' ਇਸ ਤਰ੍ਹਾਂ ਦੇ ਹੋਰ ਕਈ ਕੁਮੈਂਟਸ ਟਵਿੰਕਲ ਦੇ ਇਸ ਟਵੀਟ 'ਤੇ ਦੇਖੇ ਜਾ ਸਕਦੇ ਹਨ।