ਮੁੰਬਈ(ਬਿਊਰੋ)— ਕਾਮੇਡੀਅਨ ਅਤੇ ਟੀ. ਵੀ. ਅਦਾਕਾਰਾ ਉਪਾਸਨਾ ਸਿੰਘ ਆਪਣੇ ਪਤੀ ਨੀਰਜ ਭਾਰਦਵਾਜ ਤੋਂ ਪਿਛਲੇ 6 ਸਾਲਾਂ ਤੋਂ ਵੱਖਰੀ ਰਹਿ ਰਹੀ ਸੀ ਪਰ ਹੁਣ ਉਨ੍ਹਾਂ ਨੇ ਪਤੀ ਨੀਰਜ ਨਾਲ ਸੁਲਹ ਕਰ ਲਈ ਹੈ ਅਤੇ ਉਹ ਉਨ੍ਹਾਂ ਕੋਲ੍ਹ ਵਾਪਸ ਆ ਗਈ ਹੈ। ਉਨ੍ਹਾਂ ਨੇ ਸੀਰੀਅਲ 'ਸਾਥ ਨਿਭਾਨਾ ਸਾਥੀਆਂ' ਦੇ ਐਕਟਰ ਨੀਰਜ ਭਾਰਦਵਾਜ ਨਾਲ 2009 'ਚ ਵਿਆਹ ਕੀਤਾ ਸੀ।
ਹਾਲਾਂਕਿ ਵਿਆਹ ਦੇ ਕੁਝ ਸਾਲਾਂ ਅੰਦਰ ਦੋਹਾਂ ਵਿਚਕਾਰ ਲੜਾਈ ਹੋ ਗਈ ਸੀ। ਉਪਾਸਨਾ ਨੇ ਕਪਿਲ ਸ਼ਰਮਾ ਦੇ ਸ਼ੋਅ 'ਕਾਮੇਡੀ ਨਾਈਟਸ ਵਿਦ ਕਪਿਲ' 'ਚ ਕਪਿਲ ਸ਼ਰਮਾ ਦੀ 'ਭੂਆ' ਦਾ ਕਿਰਦਾਰ ਨਿਭਾਇਆ ਸੀ।
ਇਸ ਕਿਰਦਾਰ ਤੋਂ ਉਹ ਦਰਸ਼ਕਾਂ 'ਚ ਬੇਹੱਦ ਮਸ਼ਹੂਰ ਹੋਈ ਸੀ। ਜਾਣਕਾਰੀ ਮੁਤਾਬਕ ਉਪਾਸਨਾ ਸਿੰਘ ਵਿਆਹ ਤੋਂ ਬਾਅਦ ਪਤੀ ਨੀਰਜ ਤੋਂ 2012 'ਚ ਵੱਖਰੀ ਰਹਿ ਰਹੀ ਸੀ। ਦੋਹਾਂ ਨੇ 2016 'ਚ ਤਲਾਕ ਲਈ ਅਰਜ਼ ਵੀ ਦਿੱਤੀ ਸੀ ਪਰ ਦੋਹਾਂ ਨੇ ਸਮਝੌਤਾ ਕਰ ਲਿਆ।
ਲੰਬੇ ਸਮੇਂ ਤੋਂ ਦੋਹਾਂ 'ਚ ਗੱਲਬਾਤ ਵੀ ਬੰਦ ਸੀ। ਹਾਲਾਂਕਿ ਹੁਣ ਦੋਹਾਂ 'ਚ ਸੁਲਹ ਹੋ ਗਈ ਹੈ। ਉਪਾਸਨਾ, ਨੀਰਜ ਨਾਲ ਹਾਲ ਹੀ 'ਚ ਗੰਗਟੋਕ ਵੇਕੇਸ਼ਨ ਮਨਾਉਣ ਵੀ ਗਈ ਸੀ। ਇੰਨਾ ਹੀ ਨਹੀਂ ਉਹ ਬਿਹਾਰ ਆਪਣੇ ਸੱਸ-ਸਹੁਰੇ ਨੂੰ ਮਿਲ ਕੇ ਆਈ ਸੀ।
ਉਨ੍ਹਾਂ ਨੇ ਦੱਸਿਆ ਕਿ ਕੁਝ ਬਾਹਰੀ ਲੋਕਾਂ ਨੇ ਵੀ ਸਾਡੇ ਵਿਚਕਾਰ ਤਣਾਅ ਵਧਾਇਆ। ਉਪਾਸਨਾ ਸਿੰਘ ਨੇ ਟੀ. ਵੀ. ਸੀਰੀਅਲ 'ਐ ਦਿਲ ਹੈ ਨਾਦਾਨ' 'ਚ ਐਕਟਰ ਨੀਰਜ ਭਾਰਦਵਾਜ ਨਾਲ ਕੰਮ ਕੀਤਾ।
ਇਸੇ ਦੌਰਾਨ ਦੋਹਾਂ ਨੇ ਇਕ-ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਅਤੇ ਵਿਆਹ ਕਰਨ ਦਾ ਫੈਸਲਾ ਕੀਤਾ। 2009 'ਚ ਦੋਹਾਂ ਨੇ ਵਿਆਹ ਕੀਤਾ। ਟੀ. ਵੀ. ਸੀਰੀਅਲਸ ਤੋਂ ਇਲਾਵਾ ਉਪਾਸਨਾ ਕਈ ਫਿਲਮਾਂ 'ਚ ਵੀ ਦਿਖ ਚੁੱਕੀ ਹੈ।
ਉਨ੍ਹਾਂ ਨੇ 'ਡਰ', 'ਮੈਂ ਪ੍ਰੇਮ ਕੀ ਦੀਵਾਨੀ ਹੂੰ', 'ਮੁਝਸੇ ਸ਼ਾਦੀ ਕਰੋਗੀ', 'ਇਤਰਾਜ਼', 'ਗੋਲਮਾਲ ਰਿਟਰਨਸ' 'ਚ ਨਜ਼ਰ ਆ ਚੁੱਕੀ ਹੈ। ਉੱਥੇ ਨੀਰਜ ਨੇ ਵੀ ਕਈ ਭੋਜਪੁਰੀ ਫਿਲਮਾਂ 'ਚ ਕੰਮ ਕੀਤਾ ਹੈ।