ਮੁੰਬਈ(ਬਿਊਰੋ)— ਵਿੱਕੀ ਕੌਸ਼ਲ ਦੀ ਫਿਲਮ 'ਉੜੀ- ਦਿ ਸਰਜੀਕਲ ਸਟਰਾਈਕ' 11 ਜਨਵਰੀ ਨੂੰ ਰਿਲੀਜ਼ ਹੋਈ ਹੈ। ਫਿਲਮ ਨੇ ਪਹਿਲੇ ਹੀ ਦਿਨ ਬਾਕਸ ਆਫਿਸ 'ਤੇ ਸ਼ਾਨਦਾਰ ਕਮਾਈ ਨਾਲ ਖਾਤਾ ਖੋਲ੍ਹਿਆ ਹੈ। ਹਾਲ ਹੀ 'ਚ ਇਸ ਫਿਲਮ ਦੀ ਸਪੈਸ਼ਲ ਸਕ੍ਰੀਨਿੰਗ ਫਿਲਮ ਦੇ ਐਕਟਰ ਵਿੱਕੀ ਕੌਸ਼ਲ ਨੇ ਰੱਖੀ।
ਵਿੱਕੀ ਕੌਸ਼ਲ ਨਾਲ ਸਕ੍ਰੀਨਿੰਗ 'ਤੇ ਵਿੰਕ ਗਰਲ ਪ੍ਰਿਆ ਪ੍ਰਕਾਸ਼ ਪਹੁੰਚੀ।
ਪ੍ਰਿਆ ਦੇ ਸਕ੍ਰੀਨਿੰਗ 'ਤੇ ਆਉਣ ਤੋਂ ਬਾਅਦ ਇਹ ਅੰਦਾਜ਼ੇ ਲਗਾਏ ਜਾ ਰਹੇ ਹਨ ਕਿ ਉਹ ਜਲਦ ਹੀ ਬਾਲੀਵੁੱਡ ਫਿਲਮਾਂ 'ਚ ਨਜ਼ਰ ਆਵੇਗੀ।
ਬਾਲੀਵੁੱਡ ਸਿਤਾਰਿਆਂ ਨੇ ਸਕ੍ਰੀਨਿੰਗ 'ਚ ਫਿਲਮ ਦੀ ਟੀਮ ਦੇ ਕੰਮ ਦੀ ਤਾਰੀਫ ਕੀਤੀ। ਇਸ ਦੇ ਨਾਲ ਹੀ ਵਿੱਕੀ ਕੌਸ਼ਲ ਨਾਲ ਮਸਤੀ ਕਰਦੇ ਹੋਏ ਸਿੰਬਾ ਦੀ ਟੀਮ ਵੀ ਨਜ਼ਰ ਆਈ।
ਸਕ੍ਰੀਨਿੰਗ 'ਚ ਨੇਹਾ ਧੂਪੀਆ, ਅੰਗਦ ਬੇਦੀ, ਭੂਮੀ ਪੇਡਨੇਕਰ, ਰਣਵੀਰ ਸਿੰਘ, ਵਰੁਣ ਧਵਨ ਅਤੇ ਕੈਟਰੀਨਾ ਕੈਫ ਵੀ ਪਹੁੰਚੇ।
'ਉੜੀ' ਫਿਲਮ 'ਚ ਯਾਮੀ ਗੌਤਮ ਲੀਡ ਰੋਲ 'ਚ ਹਨ। ਫਿਲਮ 'ਚ ਉਨ੍ਹਾਂ ਦੇ ਕੰਮ ਨੂੰ ਕਾਫੀ ਪਸੰਦ ਕੀਤਾ ਗਿਆ ਹੈ।
