ਮੁੰਬਈ (ਬਿਊਰੋ) — ਬੀਤੇ ਦਿਨੀਂ ਮੁੰਬਈ ਕਾਂਗਰਸ ਦੀਆਂ ਦੋ ਦਿਗੱਜ ਹਸਤੀਆਂ ਨੇ ਨਾਮਜ਼ਦਗੀ ਕਾਗਜ਼ ਦਾਖਲ ਕੀਤੇ। ਹਾਲ ਹੀ 'ਚ ਕਾਂਗਰਸ ਜੁਆਇੰਨ ਕਰਨ ਵਾਲੀ ਅਦਾਕਾਰ ਉਰਮਿਲਾ ਮਾਤੋਂਡਕਰ ਬੀਤੇ ਦਿਨੀਂ ਆਪਣਾ ਨਾਮਜ਼ਦਗੀ ਕਾਗਜ਼ ਭਰਨ ਕਾਫੀ ਦਿਲਚਸਪ ਅੰਦਾਜ਼ 'ਚ ਪਹੁੰਚੀ। ਉਥੇ ਦੀ ਸੰਜੇ ਦੱਤ ਵੀ ਨਾਮਜ਼ਦਗੀ ਕਾਗਜ਼ ਭਰਨ ਸਮੇਂ ਭੈਣ ਪ੍ਰਿਆ ਦੱਤ ਨੂੰ ਸਪੋਰਟ ਕਰਨ ਪਹੁੰਚੇ ਸਨ।
ਬੀਤੇ ਦਿਨੀਂ ਜਦੋਂ ਉਰਮਿਲਾ ਨਾਮਜ਼ਦਗੀ ਕਾਗਜ਼ ਭਰਨ ਪਹੁੰਚੀ ਤਾਂ ਉਨ੍ਹਾਂ ਨੇ ਜੋ ਕੜਤਾ ਪਾਇਆ ਸੀ, ਉਸ 'ਤੇ ਰਾਹੁਲ ਗਾਂਧੀ, ਸੋਨੀਆ ਗਾਂਧੀ ਦੇ ਨਾਲ ਕਾਂਗਰਸ ਦਾ ਚੋਣ ਨਿਸ਼ਾਨ ਬਣਿਆ ਸੀ। ਉਰਮਿਲਾ ਨੂੰ ਕਾਂਗਰਸ ਨੇ ਉੱਤਰੀ ਮੁੰਬਈ ਸੀਟ ਤੋਂ ਉਮੀਦਵਾਰ ਬਣਾਇਆ ਹੈ।
ਸਾਲ 2014 ਦੀਆਂ ਲੋਕ ਸਭਾ ਚੋਣਾਂ 'ਚ ਮੁੰਬਈ ਕਾਂਗਰਸ ਦੇ ਪ੍ਰਧਾਨ ਰਹੇ ਸੰਜੇ ਨਿਰੁਪਮ ਨੂੰ ਇਸ ਸੀਟ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ ਸੀ। ਸਾਲ 2014 ਲੋਕ ਸਭਾ ਸੀਟਾਂ 'ਚ ਉੱਤਰੀ ਮੁੰਬਈ ਸੀਟ ਤੋਂ ਭਾਜਪਾ ਦੇ ਗੋਪਾਲ ਸ਼ੈਟੀ ਨੇ ਜਿੱਤ ਦਰਜ ਕੀਤੀ ਸੀ। ਇਸ ਵਾਰ ਗੋਪਾਲ ਦਾ ਮੁਕਾਬਲਾ ਉਰਮਿਲਾ ਨਾਲ ਹੈ।
ਦੱਸ ਦਈਏ ਕਿ ਉਥੇ ਹੀ ਸੰਜੇ ਦੱਤ ਦੀ ਭੈਣ ਪ੍ਰਿਆ ਦੱਤ ਵੀ ਕਾਗਜ਼ ਭਰਨ ਪਹੁੰਚੀ ਸੀ। ਇਸ ਦੌਰਾਨ ਪ੍ਰਿਆ ਦੱਤ ਨੇ ਕਿਹਾ, ''ਸਭ ਲੋਕਾਂ ਦਾ ਆਸ਼ੀਰਵਾਦ ਚਾਹੁੰਦੀ ਹਾਂ। ਮੈਂ ਸਭ ਲੋਕਾਂ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹਾਂ।'' ਦੱਸ ਦਈਏ ਕਿ ਪ੍ਰਿਆ ਦੱਤ ਮੁੰਬਈ ਉੱਤਰੀ ਮੱਧ ਤੋਂ ਸੀਟ ਲੜੇਗੀ।
ਇਸ 'ਤੇ ਉਸ ਦਾ ਮੁਕਾਬਲਾ ਬੀਜੇਪੀ ਦੀ ਪੂਨਮ ਮਹਾਜਨ ਨਾਲ ਹੈ, ਜੋ ਸਾਲ 2014 ਲੋਕ ਸਭਾ ਚੋਣਾਂ 'ਚ ਹਾਰ ਗਈ ਸੀ। ਕੁਝ ਸਮਾਂ ਪਹਿਲਾਂ ਤਾਂ ਅਜਿਹੀਆਂ ਖਬਰਾਂ ਵੀ ਆਈਆਂ ਸਨ ਕਿ ਸੰਜੇ ਦੱਤ ਵੀ ਲੋਕ ਸਭਾ ਚੋਣਾਂ ਲੜਣ ਵਾਲੇ ਹਨ ਪਰ ਖੁਦ ਸੰਜੇ ਦੱਤ ਨੇ ਚੋਣ ਲੜਣ ਤੋਂ ਇਨਕਾਰ ਕਰ ਦਿੱਤਾ। ਉਹ ਆਪਣੀ ਭੈਣ ਨੂੰ ਚੋਣਾਂ 'ਚ ਸਪੋਰਟ ਕਰਨਗੇ।
ਮਾਤੋਂਡਕਰ ਨੇ ਟਵੀਟ ਕਰ ਕੇ ਕਿਹਾ ਕਿ ਮੈਂ ਅੱਜ ਆਪਣਾ ਨਾਮਜ਼ਦਗੀ ਫਾਰਮ ਭਰਆਿ ਹੈ ਅਤੇ ਨਵੇਂ ਜੀਵਨ ਦੀ ਸ਼ੁਰੂਆਤ ਕਰ ਰਹੀ ਹਾਂ, ਇਸ ਲਈ ਮੈਨੂੰ ਤੁਹਾਡੇ ਸਮਰਥਨ ਅਤੇ ਆਸ਼ੀਰਵਾਦ ਦੀ ਜ਼ਰੂਰਤ ਹੈ। ਮੈਂ ਭਾਜਪਾ ਦੇ ਗੋਪਾਲ ਸ਼ੈਟੀ ਖਲਾਫ ਚੋਣ ਲਡ਼ ਰਹੀ ਹਾਂ। ਇਸ ਇਲਾਕੇ ਵਚਿ 29 ਅਪ੍ਰੈਲ ਨੂੰ ਚੋਣਾਂ ਹੋਣਗੀਆਂ ਅਤੇ 23 ਮਈ ਨੂੰ ਵੋਟਾਂ ਦੀ ਗਣਿਤੀ ਹੋਵੇਗੀ।