ਮੁੰਬਈ (ਬਿਊਰੋ) — ਫਿਲਮ 'ਗ੍ਰੇਟ ਗ੍ਰੈਂਡ ਮਸਤੀ' 'ਚ ਜ਼ਬਰਦਸਤ ਸੀਨ ਦੇਣ ਵਾਲੀ ਅਦਾਕਾਰਾ ਉਰਵਸ਼ੀ ਰੌਤੇਲਾ ਅੱਜ ਆਪਣਾ 25ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਉਹ ਆਏ ਦਿਨ ਹੀ ਸੋਸ਼ਲ ਮੀਡੀਆ 'ਤੇ ਆਪਣੀਆਂ ਖੂਬਸੂਰਤ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
ਦੱਸ ਦਈਏ ਕਿ ਜਨਮਦਿਨ ਤੋਂ ਇਕ ਦਿਨ ਪਹਿਲਾ ਉਸ ਨੂੰ ਵੱਡਾ ਸਰਪ੍ਰਾਈਜ਼ ਮਿਲਿਆ। ਇਸ ਸਰਪ੍ਰਾਈਜ਼ 'ਚ ਇਕ ਹਾਲੀਵੁੱਡ ਸਿੰਗਰ ਦਾ ਨਾਂ ਵੀ ਸ਼ਾਮਲ ਹੈ। ਇਹ ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤਾ ਹੈ। ਦਰਅਸਲ ਉਰਵਸ਼ੀ ਦੀ ਮਸ਼ਹੂਰ ਸਿੰਗਰ ਜਸਟਿਨ ਬੀਬਰ ਤੇ ਉਸ ਦੀ ਮੰਗੇਤਰ ਨਾਲ ਮੁਲਾਕਾਤ ਹੋਈ।
ਇਸ ਦੌਰਾਨ ਉਸ ਨੇ ਕੁਝ ਤਸਵੀਰਾਂ ਵੀ ਕਲਿਕ ਕੀਤੀਆਂ ਸੀ, ਜੋ ਉਸ ਨੇ ਆਪਣੇ ਇੰਸਟਾ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਉਂਝ ਦੇਖਿਆ ਜਾਵੇ ਤਾਂ ਅਦਾਕਾਰਾ ਲਈ ਇਗ ਕਿਸੇ ਵੱਡੇ ਸਰਪ੍ਰਾਈਜ਼ ਤੋਂ ਘੱਟ ਨਹੀਂ ਹੈ। ਸ਼ੇਅਰ ਕੀਤੀ ਗਈ ਤਸਵੀਰ 'ਚ ਉਰਵਸ਼ੀ ਰੌਤੇਲਾ ਕਾਫੀ ਖੁਸ਼ ਨਜ਼ਰ ਆ ਰਹੀ ਹੈ।
ਦੱਸ ਦਈਏ ਕਿ ਉਰਵਸ਼ੀ, ਜਸਟਿਨ ਬੀਬਰ ਦੀ ਬਹੁਤ ਵੱਡੀ ਫੈਨ ਹੈ ਅਤੇ ਜਨਮਦਿਨ 'ਤੇ ਉਸ ਨਾਲ ਮਿਲਣਾ ਉਰਵਸ਼ੀ ਲਈ ਕਿਸੇ ਵੱਡੇ ਤੋਹਫੇ ਤੋਂ ਘੱਟ ਨਹੀਂ ਹੈ। ਇਸ ਤਸਵੀਰ 'ਚ ਜਸਟਿਨ ਬੀਬਰ ਉਰਵਸ਼ੀ ਨੂੰ ਬੈਸਟ ਆਫ ਲੱਕ ਦਾ ਸਾਈਨ ਦਿਖਾ ਰਹੇ ਹਨ। ਉਸ ਨੇ ਇਹ ਵੀ ਜ਼ਾਹਿਰ ਕੀਤਾ ਹੈ ਕਿ ਇਸ ਤੋਂ ਪਹਿਲਾਂ ਉਹ ਕਦੇ ਵੀ ਇੰਨਾਂ ਖੁਸ਼ ਨਹੀਂ ਹੋਈ, ਜਿੰਨਾਂ ਅੱਜ ਖੁਸ਼ ਹੈ।
ਦੱਸਣਯੋਗ ਹੈ ਕਿ ਉਹ ਸਾਲ 2009 'ਚ ਮਿਸ ਟੀਨ ਇੰਡੀਆ ਵੀ ਰਹਿ ਚੁੱਕੀ ਹੈ ਅਤੇ ਸਾਲ 2012 'ਚ ਮਿਸ ਯੂਨੀਵਰਸ ਇੰਡੀਆ ਦਾ ਖਿਤਾਬ ਵੀ ਜਿੱਤ ਚੁੱਕੀ ਹੈ। ਉਰਵਸ਼ੀ ਨੇ ਸਾਲ 2013 'ਚ ਫਿਲਮ 'ਸਿੰਘ ਸਾਹਿਬ ਦਿ ਗ੍ਰੇਟ' ਨਾਲ ਬਾਲੀਵੁੱਡ 'ਚ ਐਂਟਰੀ ਕੀਤੀ ਸੀ।
ਇਸ ਤੋਂ ਬਾਅਦ ਉਸ ਨੇ ਫਿਲਮ 'ਸਨਮ ਰੇ', 'ਗ੍ਰੇਟ ਗ੍ਰੈਂਡ ਮਸਤੀ' ਅਤੇ 'ਹੇਟ ਸਟੋਰੀ 4' 'ਚ ਵੀ ਕੰਮ ਕੀਤਾ। ਉਰਵਸ਼ੀ ਦਾ ਕੋਈ ਫਿਲਮੀ ਬੈਕਗ੍ਰਾਊਂਡ ਨਹੀਂ ਹੈ। ਇਸ ਲਈ ਸ਼ੂਟਿੰਗ ਸੈੱਟ 'ਤੇ ਉਹ ਆਪਣੀ ਮਾਂ ਦੀ ਇਸ ਗੱਲ ਦਾ ਖਿਆਲ ਰੱਖਦੀ ਹੈ ਅਤੇ ਨਾਲ ਹੀ ਹੋਰਨਾਂ 5 ਐਕਟਰੈੱਸ ਵੀ ਮਾਂ ਦੀ ਸਲਾਹ ਦਾ ਪਾਲਣ ਕਰਦੀਆਂ ਹਨ।