ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਉਰਵਸ਼ੀ ਸ਼ਰਮਾ ਉਰਫ ਰੈਨਾ ਜੋਸ਼ੀ ਮੁੜ ਗਰਭਵਤੀ ਹੈ। ਹਾਲ ਹੀ 'ਚ ਉਸ ਦੀ ਗੋਦ ਭਰਾਈ ਦੀ ਰਸਮ ਨਿਭਾਈ ਗਈ। ਇਸ ਦੌਰਾਨ ਰੈਨਾ ਪੀਲੇ ਤੇ ਹਲਕੇ ਫਿਰੋਜ਼ੀ ਰੰਗ ਦੀ ਡਰੈੱਸ 'ਚ ਨਜ਼ਰ ਆਈ। ਅਭਿਨੇਤਾ ਤੇ ਬਿਜ਼ਨੈੱਸਮੈਨ ਸਚਿਨ ਜੋਸ਼ੀ ਨਾਲ 2012 'ਚ ਵਿਆਹ ਕਰਵਾਉਣ ਤੋਂ ਬਾਅਦ ਉਰਵਸ਼ੀ ਨੇ ਆਪਣਾ ਪੂਰਾ ਨਾਂ ਬਦਲ ਕੇ ਰੈਨਾ ਜੋਸ਼ੀ ਰੱਖ ਲਿਆ ਸੀ। ਦੋਵਾਂ ਦੀ ਸਾਢੇ ਤਿੰਨ ਸਾਲ ਦੀ ਇਕ ਬੇਟੀ ਸਮਾਇਰਾ ਹੈ। ਇਹ ਇਸ ਕੱਪਲ ਦਾ ਦੂਜਾ ਬੱਚਾ ਹੋਵੇਗਾ। ਰੈਨਾ ਦੇ ਪਤੀ ਸਚਿਨ 'ਗੁਟਖਾ ਕਿੰਗ' ਦੇ ਨਾਂ ਨਾਲ ਜਾਣੇ ਜਾਂਦੇ ਹਨ। ਉਹ ਜੇ. ਐੱਮ. ਜੇ. ਗਰੁੱਪ ਦੇ ਵਾਈਸ ਚੇਅਰਪਰਸਨ ਹਨ, ਜੋ ਗੋਆ ਬ੍ਰਾਂਡ ਦਾ ਤੰਬਾਕੂ ਬਣਾਉਂਦੀ ਹੈ। ਤੰਬਾਕੂ ਬਿਜ਼ਨੈੱਸ ਦੇ ਨਾਲ-ਨਾਲ ਸਚਿਨ ਦੀ 'ਵਿਕਿੰਗ ਮੀਡੀਆ ਐਂਡ ਐਂਟਰਟੇਨਮੈਂਟ' ਨਾਂ ਦੀ ਪ੍ਰੋਡਕਸ਼ਨ ਕੰਪਨੀ ਵੀ ਹੈ। ਇਸੇ ਸਾਲ ਉਨ੍ਹਾਂ ਨੇ ਗੋਆ 'ਚ ਵਿਜੈ ਮਾਲਿਆ ਦਾ ਕਿੰਗਫਿਸ਼ਰ ਵਿਲਾ ਵੀ ਖਰੀਦਿਆ ਹੈ। ਰੈਨਾ ਦੀ ਗੋਦ ਭਰਾਈ ਦੀ ਰਸਮ 'ਚ ਪਰਿਵਾਰਕ ਮੈਂਬਰਾਂ ਦੇ ਨਾਲ ਨਜ਼ਦੀਕੀ ਦੋਸਤ ਵੀ ਮੌਜੂਦ ਰਹੇ। ਇਸ ਦੌਰਾਨ ਟੀ. ਵੀ. ਅਭਿਨੇਤਰੀ ਸ਼ੱਬੀਰ ਆਹਲੂਵਾਲੀਆ ਤੇ ਕਾਂਚੀ ਕੌਲ ਵੀ ਪਹੁੰਚੀਆਂ। ਰੈਨਾ ਨੇ ਅੱਬਾਸ-ਮਸਤਾਨ ਦੀ ਫਿਲਮ 'ਨਕਾਬ' ਨਾਲ ਡੈਬਿਊ ਕੀਤਾ ਸੀ। ਫਿਲਮ 'ਚ ਉਸ ਦੇ ਆਪੋਜ਼ਿਟ ਅਕਸ਼ੇ ਖੰਨਾ ਤੇ ਬੌਬੀ ਦਿਓਲ ਸਨ। ਬਾਅਦ 'ਚ ਉਹ 'ਬਾਬਰ', 'ਖੱਟਾ-ਮੀਠਾ', 'ਆਕਰੋਸ਼' ਤੇ 'ਚਕਰਾਧਾਰ' ਵਰਗੀਆਂ ਫਿਲਮਾਂ 'ਚ ਨਜ਼ਰ ਆਈ। ਰੈਨਾ ਇਕ ਤੇਲਗੂ ਫਿਲਮ 'ਥ੍ਰੀ' 'ਚ ਵੀ ਨਜ਼ਰ ਆ ਚੁੱਕੀ ਹੈ। ਨਾਲ ਹੀ ਉਸ ਨੇ ਟੀ. ਵੀ. 'ਤੇ ਵੀ 'ਅੰਮਾ' ਸ਼ੋਅ ਨਾਲ ਡੈਬਿਊ ਕੀਤਾ ਸੀ।