ਮੁੰਬਈ (ਬਿਊਰੋ) — 'ਕਿੱਕੀ ਚੈਲੇਂਜ' ਤੇ 'ਬੋਟਲ ਕੈਪ ਚੈਲੇਂਜ' ਤੋਂ ਬਾਅਦ ਹੁਣ ਫਿਲਮੀ ਸਿਤਾਰਿਆਂ 'ਤੇ 70 ਸਾਲ ਦੀ ਉਮਰ ਦਾ ਕਰੇਜ਼ ਚੜ੍ਹਿਆ ਹੋਇਆ ਹੈ। ਬਾਲੀਵੁੱਡ ਐਕਟਰ ਵਰੁਣ ਧਵਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਨ੍ਹਾਂ 'ਚ ਉਹ ਕਿਸੇ 70 ਸਾਲ ਦੇ ਵਿਅਕਤੀ ਦੀ ਤਰ੍ਹਾਂ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਇਕ ਐਪਲੀਕੇਸ਼ਨ ਦੇ ਜਰੀਏ ਐਡਿਟ ਕੀਤਾ ਗਿਆ ਹੈ। ਮਜ਼ੇਦਾਰ ਗੱਲ ਇਹ ਹੈ ਕਿ ਵਰੁਣ ਧਵਨ ਨੇ ਆਪਣੇ ਲੁੱਕ 'ਚ ਐਵਰਗ੍ਰੀਨ ਐਕਟਰ ਅਨਿਲ ਕਪੂਰ ਨੂੰ ਵੀ ਜੋੜ ਲਿਆ ਹੈ।
ਵਰੁਣ ਧਵਨ ਨੇ ਖੁਦ ਨੂੰ ਕਿਹਾ ਅਨਿਲ ਕਪੂਰ
ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਵਰੁਣ ਧਵਨ ਨੇ ਕੈਪਸ਼ਨ 'ਚ ਲਿਖਿਆ ਹੈ, ''ਬਹੁਤ ਸਾਰੇ ਲੋਕਾਂ ਨੂੰ ਇਹ ਲੱਗਦਾ ਹੈ ਕਿ ਇਸ ਤਰ੍ਹਾਂ ਮੈਂ ਅਨਿਲ ਕਪੂਰ ਵਾਂਗ ਨਜ਼ਰ ਆਵਾਂਗਾ, ਜਦੋਂ ਮੈਂ 100 ਸਾਲ ਦਾ ਹੋਵਾਂਗਾ।
ਇੰਝ ਹੋਈਆਂ ਤਿਆਰ ਤਸਵੀਰਾਂ
ਵਰੁਣ ਧਵਨ ਨੇ ਇਕ ਸਪੋਰਟਸ ਬ੍ਰਾਂਡ ਲਈ ਫੋਟੋਸ਼ੂਟ ਕੀਤਾ ਸੀ, ਜਿਸ 'ਚ ਵਰੁਣ ਸਿਕਸ ਪੈਕ ਐਬਸ ਫਲਾਂਟ ਕਰਦੇ ਨਜ਼ਰ ਆ ਰਹੇ ਹਨ। ਫੇਸਐਪ ਨਾਂ ਦੀ ਐਪੀਲੇਕਸ਼ਨ 'ਚ ਇਕ ਫਿਲਟਰ ਹੈ, ਜਿਸ ਦੀ ਵਰਤੋ ਕਰਕੇ ਵਰੁਣ ਧਵਨ ਨੇ ਇਨ੍ਹਾਂ ਤਸਵੀਰਾਂ ਨੂੰ ਬਣਾਇਆ ਹੈ। ਇਸ ਐਪ ਦੇ ਜਰੀਏ 60-70 ਸਾਲ ਦੀ ਉਮਰ ਦਾ ਲੁੱਕ ਪਾਇਆ ਜਾ ਸਕਦਾ ਹੈ।
ਹੋਰ ਵੀ ਸਿਤਾਰੇ ਕਰ ਚੁੱਕੇ ਨੇ ਇਸ ਐਪ ਦੀ ਵਰਤੋ
ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਬਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਦੀਪਿਕਾ ਪਾਦੂਕੋਣ-ਰਣਵੀਰ ਸਿੰਘ ਦੇ ਬੈਂਗਲੁਰੂ ਰਿਸੈਪਸ਼ਨ ਵਾਲੀ ਤਸਵੀਰ ਵੀ ਇਸੇ ਤਰ੍ਹਾਂ ਨਜ਼ਰ ਆਈ ਸੀ। ਅਰਜੁਨ ਕਪੂਰ ਨੇ ਵੀ ਆਪਣੀ ਤਸਵੀਰ ਦੇ ਨਾਲ ਇਹ ਐਕਸਪੇਰੀਮੈਂਟ ਕਰਕੇ ਤਸਵੀਰ ਸ਼ੇਅਰ ਕੀਤੀ ਸੀ। ਇਸ ਤੋਂ ਪਹਿਲਾਂ ਸੋਨਮ ਕਪੂਰ ਵੀ ਆਪਣੀ ਤਸਵੀਰ ਇਸ ਐਪ ਨਾਲ ਐਡਿਟ ਕਰ ਚੁੱਕੀ ਹੈ।